Hebru 13:16 - Tedim Bible Revision 2017

¹⁶ Khatlekhat tungah thuhoih kibawlin na kihuh ding uh mangngilh kei un. Hih bang gamtatnate pen Pasian a lungkimsak thei biakna ahi hi.

Tedim Bible

¹⁶ Thupha bawlna, sum hawmnate na mangngilh kei un. Bang hang hiam na cih uh leh, Pasian in hih bang biaknate ah a lungdam hi.

Hebru 13:16 Referans Kwoze

2 THESALONIKA NIHNA 3:13

Sanggamte aw, note in a hoihin gamtat ding na cimtak ngei het kei ta un.

ROM (Romans) 12:13

Na Khristian pihte uh a kisapna bangin na neihsate uh na hawm unla, zin le leengla do a siam mite na hi ta un.

Galati 6:10

Tua ahih ciangin hunhoih i ngah simin midangte tungah a hoihin i gamta dinga, a diakdiakin thu upna sungah i innkuanpihte khempeuh tungah i hoih gamtat ding i phawk ding hi.

Hebru 6:10

Pasian, a man loin gamta ngei lo ahih manin na Khristian pihte uh a beisa hunah na huhna uh le tu dongin na huh laina uh tawh ama adingin na nasepna uh le amah na itna uh na lahnate uh hong mangngilh het lo ding hi.

1 TIMOTI MASA 6:18

A hoih nate semin, gamtat pha-in, citna lungsim nei-in midangte a hopnop nadingun na hilh in.

Filippi 4:18

Noteʼ hong piak nate kicing piikpeek hi. Epafroditas in noteʼ hong na khakte hong tunpih ahih manin ka kitangsapna khempeuh kicing kim hi. Hih nate pen Pasian biakna-in na piak uh, lungdam takin a hong san, a namtui nate ahi hi.

Efesa 4:28

Guta ngeite in gu nawn loin, ama nuntak nading thuman takin thalawhin, mizawngte zong a huh theih lai nadingin thatang tawh nasep ding kipan ta uh hen.

1 THESALONIKA MASA 5:15

Gitlohna lamsang kuamah kithuk loin, note khatlekhat tung le mi khempeuh tungah a pha kibawl ding ngaihsutpi-in na nei un.

Sawltak 10:38

Nazareth khuami Jesu tungah Pasian in Kha Siangtho le vangliatna pia a, Pasian in a ompihna hangin tua Jesu in a paina khempeuh ah na hoih semin, Dawimangpa in a gimsak mite khempeuh a damsakna thu zong na thei uh hi.

Luka 18:22

Jesu in hih thu a zak ciangin ama kiangah, “Na khat na kisam lai hi. Na neihsa khempeuh zuak inla, mizawngte tungah na sum khotte pia in. Tua hileh vantungah na hau ding hi. Tua khit ciangin ka nung hong zui in,” a ci hi.

Late 37:3

Topa muang inla, gamtat hoih in. Gam nuamah teeng inla, thumanin om in.

3 JOHAN THUMNA 1:11

Ka hong it lawm Gaias aw, mihoih loteʼ gamtatna zui kei inla, mihoihteʼ gamtatna zui in. A gamtat hoih mite pen Pasian tawh a kipawl mi hi a, a gamtat hoih lo mite pen Pasian a thei nai lo ahi uh hi.

Galati 6:6

Pasian thu hilhna a za mipa in ama neih na hoihte khempeuh zong, amah a hilh pa tawh zangkhawm tahen.

Filemon 1:6

Thu umte ihihna hangin Khristian sungah eite i kikholh manin, Khris hangin i nuntakna sungah i ngah thupha a hoih khempeuh na theihna a kicin semsem nadingin thu ka ngen hi.

Filippi 4:14

Ahi zongin ka lungkham laitakin na hong huh manun hoih mahmah hi.

Sawltak 9:36

Joppa khua ah Pasianʼ thu a um, Tabitha min nei numei khat a om hi. (Tua nuʼ Grik min pen Dorkas hi a, sakhi a cihnopna ahi hi.) Tua nu a tawntungin a hoihin gamta-in mizawngte a huh hi.

Late 51:19

Tua ciangin biakpiakna man, meihal biakna le meihal biakpiakna bupah na lungkim dinga, na biakna tau tungah bawngtalte hong kipia ding hi.