Hebru 13:15 - Tedim Bible Revision 2017

¹⁵ Tua ahih manin Jesu tungtawnin amah i biakna-in i kam tawh ama min pulakin Pasian phat tawntung ni.

Tedim Bible

¹⁵ Tua ahih ciangin tua Topa hangin eite in ama min i man’ muk’ gah ahi, phatna biakna Pasian kiangah a tawntungin pia ni.

Hebru 13:15 Referans Kwoze

Late 50:14

Lungdam biakpiakna Pasian tungah pia unla, Sangpen pa tungah na thuciamnate uh bawl un.

ROM (Romans) 12:1

Tua ahih ciangin sanggamte aw, Pasian in eite tam veipi tak hong hehpih ahih manin ama lungkim nading le ama nasep nadingin nomau mahmah a hingtangin Pasian tungah na kipiak nadingun kong thum hi. Tua banga kipiakna pen Pasian biakna man taktak ahi hi.

1 PETER MASA 2:5

Note zong nuntakna a pia thei suangpi mah bangin kha thu tawh kisai biakinn lam nadingin na kizang unla, Jesu Khris hangin Pasianʼ san theih biaknate a pia dingin a siangtho siampi na suak un.

Hosea 14:2

Topaʼ lamah kihei unla, “Ka mawhna khempeuh uh hong maisak inla, kong thumna uh hong ngai in. Ka kampauna bangun kong gamta ding uh hi.

Isaiah 57:19

Nopsakna, nopsakna, a gamla le a nai mi khempeuh tungah om tahen. Keimah in amaute ka damsak ding hi, Topa in ci hi.

2 KHANG TANGTHU NIHNATE 33:16

Amah in Topaʼ biakna tau zong koihkikin tua tungah thunuam a biakna le lungdamkohna a pia hi. Tua ciangin amah in Israel Pasian, Topaʼ na a sep nadingun Judah-te thu a pia hi.

Late 50:23

Biakpiak nadingin lungdam piakna hong paipih mi in kei a hong pahtawi ahi hi. Ka thu a mang mite khempeuh ka hon khia ding hi,” a ci hi.

Siampi Laibu 7:12

Amah in lungdam kohna-in a piak leh, silngo sawh loh sathau tawh a kihel moh, silngo sawh loh mohpheng sathau tawh a kizut, annel moh sathau limtakin a kihelte, lungdam biakna tawh pia khawm ding hi.

Mattiu 11:25

Tua ciangin Jesu in, “Vantung le leitung Topa ahi ka Pa aw, mipilte le misiamte tungah na ip hih thute, bangmah a thei lo hih mite tungah lak na hih manin ka nuam hi.

2 KHANG TANGTHU NIHNATE 7:6

Siampite amau panmun uh ah ding uh hi. Levi mite zong, Kumpi David in Topa tungah lungdam koh nadingin a bawl Topaʼ tungah lasak nading lasaknate tawh ding uh hi. Bang hang hiam cih leh ama itna kip tawntung hi. David in amauʼ nasepna tawh phatnate a bawl ciangin tua bangin hih uh hi. Amaute tawh a kigalsai ah siampite in peengkulte tum uh a, Israel mi khempeuh zong a ding uh hi.

1 PETER MASA 4:11

Minthanna le vangliatna a nei tawntung Pasian in Jesu Khris hangin thu khempeuh ah phatna a ngah theih nadingin thuhilhte in Pasianʼ thu na hilh unla, na a semte in Pasianʼ piak thahatna tawh na sem un. Amen.

Efesa 2:18

Khris hangin Jew mi le Gentail mi ahi eite khempeuh, Kha Siangtho huhna tawh Pa Pasian kiangah i pai thei hi.

Late 118:19

Topaʼ tungah lungdamna ko-in ka lut theih nadingin biakinn kongpite kei hong hon in.

Late 18:49

Topa aw, hih thu hangin minam dangte lakah nang kong phat dinga, nangma minphatna la ka sa ding hi.

Nehemiah 12:43

Pasian in nakpi takin amaute lungdamsak ahih manin amaute in tua ni-in biakpiakna lian tampi pia-in lungdam uh a, numei naupangte zong lungdam uh hi. Tua hi a, Jerusalem khua sunga lungdamna awging gamlapi pek pan nangawnin kiza hi.

Hebru 7:25

Tua hi a, mite adingin a thumsak thei dingin amah nungta tawntung ahih manin ama tungtawnin Pasian kiang a zuante khempeuh, tu a kipanin a tawntungin a hon khia thei ahi hi.

ROM (Romans) 6:19

Noteʼ theihtheih nadingin nisim nuntakna ziate tawh a hong genteh ka hi hi. Nidang lai-in hoih lohna le gitlohna a gamta dingin na pumpi uh na buppiak uh mah bangin, tu-in a man nate a sem dingin na pumpi uh buppiak unla, nuntakna siangtho nei ta un.

Johan 10:9

Kei, kongpi ka hi hi. Keimah tawnin a pai tuu khempeuh in lauhuaina tuak kha loin, a ututun sung tumin pusuakin lo nona mun a mu ding uh hi.

Nehemiah 12:40

Tua hi a, lungdamna a ko hih pawl nihte, Pasianʼ biakinn hong tung uh a, uliante pawl khat le kei ka om khawm uh hi.

Ezra 3:11

Tua ciangin amaute in Topa phatna le lungdamkohna a kidawngin sa uh a, “Topa hoih hi; bang hang hiam cih leh Israel-te hong itna kip tawntung hi,” a ci uh hi. Topaʼ biakinn bulpi kiphut khin ahih manin mi khempeuh in nakpi takin Topa phat uh hi.

2 KHANG TANGTHU NIHNATE 29:31

Tua ciangin Hezekiah in, “Tu-in Topaʼ tungah nomau mah na ki-ap khin uh hi. A nai ah hong pai unla Topaʼ biakinn ah biakpiaknate le lungdam piaknate hong paipih un,” a ci hi. Tua ciangin a kikhawmte in biakpiaknate le lungdam piaknate hong paipih uh hi. Tua ciangin piak nopna lungsim a nei khempeuh in meihal biaknate hong paipih uh hi.

Johan 14:6

Jesu in ama kiangah, “Keimah in Lampi ka hi a, Thuman le Nuntakna zong ka hi hi. Kei hong suang loin Pa kiangah kuamah tung thei lo ding hi.

Luka 10:21

Tua laitakin Kha Siangtho in lungdamna tawh Jesu kidimsak hi. Jesu in, “Vantung le leitung Topa ahi ka Pa aw, mipilte le misiamte tungah na ip thute, bangmah a thei lo hih mite tungah lak na hih manin ka nuam hi. Bang hang hiam cih leh hih thu pen nangma deihna bang ahi hi,” a ci hi.

Late 119:108

Topa aw, phatin kong biaknate hong sang inla, nangmah biakna ngeina kipte kei hong hilh in.

Jeremiah 33:11

Ahih hangin lungdamna aw le kipahna awte, zi nei thakte le mothakteʼ awte kizakik ding hi. Topaʼ biakinn ah mite hong pai-in lungdam kohna-in: ‘Vanglian Topaʼ tungah lungdamna ko un. Bang hang hiam cih leh Topa hoih a, ama itna kip tawntung hi,’ ci-in a lasakna awte uh a kizakik ding hi. Bang hang hiam cih leh Topa in kong cih in ah, a masa-a mah bangin hih gam ka hausakkik ding hi.

Jeremiah 33:18

Levi minam lak panin zong meihal biaknate, an tawh biakna le biakpiaknate a pia tawntung dingin ka mai ah a ding ding siampi kitasam ngei lo ding hi,” a ci hi.

Hebru 12:28

Tua ahih manin a kiliingsak zo lo Pasianʼ gam i ngah manin lungdamin, zahtakna le lamdangsakna tawh Pasianʼ lungkimna bangin amah bia ni.

Gamlak-vakna 7:62

shekel sawm a gik kham pakan khat, paknamtui a dim tawh;