Hebru 12:7 - Tedim Bible Revision 2017

⁷ Pasianʼ hong thuhilhna na thuak ding mah uh ahi hi. Pasian in note ta-in hong ngaihsun ahih manin a thuak na hi uh hi. Pateʼ thuhilhna le taiina a thuak lo ta kuamah om lo hi.

Tedim Bible

⁷ Note in thu hong hilh nading thuak un. Tate tungah kibawl bangin Pasian in note hong bawl hi. Bang hang hiam na cih uh leh, a pa in a hilh loh ta kua mi ahi hiam?

Hebru 12:7 Referans Kwoze

Paunak 19:18

Thu hong man theih lai-in na ta thuhilh in; na hilh kei leh a siat nading a deih na hi hi.

Thu-hilhkikna 8:5

Tua ahih manin mi khat in a tapa a khal bangin Topa na Pasian un note hong khalna thu na lungsim uh ah thei un.

Paunak 29:15

Ciangduai le tai-na in pilna guan a, a kikhah khong ta in a nu maizumsak hi.

Paunak 13:24

A ta a tai nuam lote a ta mudah hi a, a ta a itte in limtakin thuhilhin a tai hi.

Paunak 29:17

Na ta thuhilhin tai lecin ama hangin na kipak dinga, na lung hong kimsak ding hi.

2 SAMUEL NIHNA 7:14

Kei pen ama pa ka hi dinga, amah pen keima tapa hi ding hi. Amah in mawhna a bawl ciangin, keimah in miteʼ ciangduai tawh amah ka thuhilh ding hi.

Paunak 22:15

Naupangte a hai gamtat a ngeina hi a, deih takin pangbetna in mihoih suaksak thei hi.

1 KUMPI MASATE 1:6

A pa David in, “Bang hangin tua bang tua bangin gamta na hi hiam?” ci-a dotna tawh khatvei beek amah tai ngei lo hi. Amah pen a melhoih mahmah mi khat zong ahi hi. Amah pen Absalom zom a suak ahi hi.

1 SAMUEL MASA 3:13

A tapate in Pasian mindaisak a, amah in a tate kham lo ahih manin, ama theih a mawhna hangin ama innkuan gimna a pia tawntung ding ka hihna ama kiangah ka gen hi.

1 SAMUEL MASA 2:34

Na tapa nihte, Hofni le Finehas tungah hong tung ding hih thu pen nang adingin lim hi ding hi. Amau tegel a ni kikhatin si ding uh hi.

1 SAMUEL MASA 2:29

Tua ahih ciangin bang hangin keimah hong kibiaknate le ka thupiak ahi keimah hong kipiakte thusim loin, keima mi Israel-teʼ piak a limci pen teng tawh note kithausakin, kei sangin na tapate pahtawi zaw na hi hiam?’ ci hi.

Sawltak 14:22

Thu um mite a upna uh ah citakin a om nadingun hanthawnin tha pia uh a, “Pasianʼ Ukna sungah i om theih nadingin haksatna tampi thuak ding hi hang,” ci-in a hilh uh hi.

1 KORIN MASA 11:32

Ahi zongin eite in hih leitung mite tawh mawhsakna i thuak khawm loh nadingin Topa in eite hong thuhilhin gim hong pia hi.