Hebru 12:28 - Tedim Bible Revision 2017

²⁸ Tua ahih manin a kiliingsak zo lo Pasianʼ gam i ngah manin lungdamin, zahtakna le lamdangsakna tawh Pasianʼ lungkimna bangin amah bia ni.

Tedim Bible

²⁸ Tua ahih ciangin eite in a liing zo lo gam ngah i hih ciangin kihtakna zahtakna lungsim tawh Pasian a lungdamsak thei biakna na i sep zawh nadingin hong hehpihna lungsim nei ni.

Hebru 12:28 Referans Kwoze

Hebru 13:15

Tua ahih manin Jesu tungtawnin amah i biakna-in i kam tawh ama min pulakin Pasian phat tawntung ni.

Daniel 2:44

Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo dinga, tua gam in gamdang khempeuhte zo gawpin a kip tawntung ding hi.

Late 2:11

Launa tawh Topaʼ na sem unla, linna tawh a khe nam un; tua hikeileh amah sin so-in lamkal ah na sia mang ding uh hi; bang hang hiam cih leh amah heh pakpak hi. Amah a beel khempeuh mi nuamsate ahi hi.

Hebru 4:16

Tua ahih manin a kisap hunin, eite a hong huh dingin hehpihna le dikna thupha i ngah theih nadingin, kimuanna lungsim tawh hehpihna tokhom va zuan ciat ni.

1 PETER MASA 2:5

Note zong nuntakna a pia thei suangpi mah bangin kha thu tawh kisai biakinn lam nadingin na kizang unla, Jesu Khris hangin Pasianʼ san theih biaknate a pia dingin a siangtho siampi na suak un.

Daniel 7:27

“Hih leitung kumpi gam, vangliatna le liatna khempeuh a Lianpen Pasianʼ mite tungah a kipia ding hi. Amauʼ kumpi za cikmah hunin bei ngei lo dinga, leitung ukna za a nei khempeuhte in a thu uh mangin amauteʼ na a sem ding uh hi,” hong ci hi.

Late 19:14

Topa, ka belh suangpi le keimah hong tan khia pa aw, ka kammal le ka lungsim ngaihsutnate nangma muhna ah a sanhuai suaksak ta in!

Mangmuhna 1:6

ama Pa Pasianʼ na a sem dingin siampi le kumpi za-ah a hong koih hi. Tua Jesu in minthanna le vangliatna nei tawntung tahen. Amen.

Isaiah 56:7

ka mual siangtho ah paipihin keima thungetna inn sungah ka lungdamsak dinga, amauteʼ meihal biakna le a biakpiaknate uh ka biakna tau tungah kisang ding hi. Bang hang hiam cih leh ka inn pen mi khempeuh adingin thungetna inn kici ding hi.

1 PETER MASA 1:17

Mi khempeuh amau gamtatna tawh kizui-in a kibang kimin thu a khen Pasian kiangah thu na nget uh ciangin, “Pa aw,” ci na hih manun hih leitungah na om lai teng uh amah zahtakin om un.

ROM (Romans) 11:20

Tua pen thuman ahi hi. Amaute in a up lohna hangun a kisat khia hi a, note in na upna hangun amauteʼ munah a om na hi uh hi. Tua ahih manin kiphatsakna lungsim nei kei unla, lamdangsakna tawh om khikhe zaw un.

Mangmuhna 15:4

Topa aw, nang, kua in hong kihta lo dinga, na liatna hong phat lo ding ahi hiam? Nang bek na siangtho hi. Thumanin na sepnate mi khempeuh in mu uh ahih manin minam khempeuh nang kiangah hong pai-in, na mai ah hong bia ding uh hi,” a ci uh hi.

1 PETER MASA 2:20

Note na gamtat khialhna uh hangin hong kisat ciangin lungduai takin na thuak manun bangmah phattuamna om lo hi. Ahi zongin a manin gamta napi-in gimna na thuak uh ciangin lungduai takin na thuak uh leh Pasian in thupha hong pia ding hi.

Siampi Laibu 10:3

Tua ciangin Moses in Aaronʼ kiangah, “Topa in, ‘Ka kiang nai-a a omte kiangah keimah a siangtho-in ka kilak dinga, mi khempeuhʼ mai ah keimah hong kiminthangsak ding hi,’ ci hi,” ci-in a gen hi. Aaron pau loin a om hi.

Mangmuhna 5:10

Pasianʼ na a sem dingin siampi za le kumpi za na pia a, amaute in leitung ukin a om ding uh hi,” a ci uh hi.

Hebru 10:19

Tua ahih ciangin sanggamte aw, Jesu hong sihna hangin Siangtho Pen Munah ututin lut theih nading thu i nei ta hi.

Hebru 3:6

Ahi zongin Khris pen Pasianʼ inn sung a uk Tapa ahihna tawh a citak ahi hi. I lametna thu tawh kisai-in lungsim hanna le muanna tawh i omsuak nakleh eite pen Pasianʼ inn ihi hi.

Mattiu 25:34

Tua ciangin Kumpipa in a tak lamah a om mite kiangah, ‘Ka Pa in thupha a piak mite aw, hong pai ta un. Leitung piancil a kipanin note adingin a kibawl khol sa gam nuam hong luah un.

Daniel 7:14

Amah in vangliatna, minthanna le kumpi za ngah ahih manin minamkimte, minam tuamtuamte, pau nam tuamtuamte khempeuh in ama na a sem ding uh ahi hi. Amah in a tawntungin uk dinga, a kumpi gam a bei ngei kei ding hi.

Hebru 5:7

Leitungah mihingin Jesu a om lai-in sihna panin amah a hon khia thei ding Pasian tungah thu ngenin khitui naptui tawh thumin na kiko hi.

Filippi 4:18

Noteʼ hong piak nate kicing piikpeek hi. Epafroditas in noteʼ hong na khakte hong tunpih ahih manin ka kitangsapna khempeuh kicing kim hi. Hih nate pen Pasian biakna-in na piak uh, lungdam takin a hong san, a namtui nate ahi hi.

Isaiah 9:7

Tu hun a kipanin a tawntungin David kumpi tokhom tung le ama gam sungah thutang le thuman phutin, a lian semsem ama ukna le nopsakna in mong nei lo ding hi. Vanglian Topa’ deih luatna in hih thu hong tungsak ding hi.

Paunak 28:24

A nu a paʼ neihsa laksakin, “Khialhna hi kei,” a ci pa pen guta mah hi veve hi.

Efesa 5:10

Bang teng in Topa lungkimsak ahi hiam, ci-in kan un.

Efesa 1:6

Ama it Tapa hangin hih bangin letsong hong pia ahih manin a vanglian ama hong hehpihna hangin Pasian phat ni.

Luka 1:33

Jakob suanlekhakteʼ kumpi hi paisuak dinga, ama ukna bei hun cih omngei lo ding hi,” a ci hi.

Hebru 13:21

ama deihna bangin na na sep theih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesu Khris hangin eite sungah na hong sem henla, Khris in a tawntungin minthanna ngah paisuak tahen. Amen.