Hebru 12:26 - Tedim Bible Revision 2017

²⁶ Tua hun lai-in thu a gen ciangin leitung kiliing a, ahi zongin tu-in amah in thu hong ciam a, “Leitung bek liingsak loin vantung tawh zong khatvei ka liingsak lai ding hi,” hong ci hi.

Tedim Bible

²⁶ Tua lai takin a thu piakkholhna aw in leitung a liingsak hi. Tu-in ahih leh, “Khatvei keimah in lei tham loin, van nangawn ka liingsak kik ding hi,” cih kamciamna a om hi.

Hebru 12:26 Referans Kwoze

Isaiah 13:13

Tua ahih ciangin ka sin so ni-in Vanglian Topa ka hehna hangin vantung lausakin ka liingsak dinga, ama omna panin leitung kising khia ding hi.

Paikhiatna 19:18

Meikhu in Sinai Mual tuamcip hi. Bang hang hiam cih leh mei sung tua mual tungah Topa a kum suk hi. A khu, meiphual pi khu bangin kah to a, a mual buppi nakpi takin kiliing hi.

Joel 3:16

Zion Mual panin Topa hong hawk suk a, Jerusalem panin hong awngkek a, vanpi le leipi a liing damdam hi. Ahi zongin Topa pen ama miteʼ belh pa hi a, Israel mite a hu ding hi.

Isaiah 2:19

Leitung a liingsak gawp dingin Topa a kipat ciangin amah kihtakna le a lian ama minthanna panin suanghawm sung le leihawm sungah mite bu ding uh hi.

Hebru 12:27

“Khat vei liingsakkik lai ding,” a cih ciangin a kipiangsak nate kiliingsakin kipaai khia dinga, a kiliingsak lo nate kip lai ding ahihna thu hong kilangsak hi.

Habakkuk 3:10

Mual liante in nang hong muh ciangin liing uh a, van panin guah tampi hong zu hi. Leinuai-a om tuite ging zuazua a, tuihualte in a sang pipi ban to hi.

Haggai 2:22

Kumpipaʼ gam khempeuh lumletin a vangliatna uh a beisak ding ka hi hi. Leengte le leeng hawlte ka lawnthal dinga, sakol leengte le a tung tuangte puk ding uh a, amaute khatlekhat kithat lum ding uh hi.

Thukhente 5:4

Topa aw, Seir panin na paikhiat ciang, Edom gam panin na paikhiat ciang, leitung liing a, vantung panin guah zu hi. Hi hi, meiite in tui hong khia a,

Isaiah 66:22

Ka bawl ding vantung thak le leitung thak pen ahihleh keima mai ah kip ding hi. Tua mah bangin na suan na khakte uh le na min uh kip ding hi, Topa in ci hi.

Haggai 2:21

“Vanpi le leipi a lok gawp ding ka hihna thu, Judah gam ukpa Zerubbabel kiangah gen in.