Hebru 12:23 - Tedim Bible Revision 2017

²³ vantungah a min a kikhum Pasianʼ ta upate a kikhopna, mi khempeuhteʼ thu a khen Pasianʼ kiang, a cingtaakin a kibawl midikteʼ kha a omna,

Tedim Bible

²³ vantungah a min a kikhum Pasian’ ta upate a kikhopna, mi khempeuhte’ thu a khen Pasian’ kiang, a cingtaakin a kibawl midikte’ kha a omna,

Hebru 12:23 Referans Kwoze

Jeim 1:18

Ama piansakte khempeuh lakah eite a masa pen i suah theih nadingin thuman thutak zangin ama utthu tawh eite a hong piangsak tawm ahi hi.

Hebru 11:40

Bang hang hiam cih leh Pasian in eite adingin a hoih zaw-in thu hong vaihawmsak a, amaute tawh eite i kikop ciangin amaute a cingtaak ahih theih phing nading uh Pasianʼ geelna ahi hi.

Luka 10:20

Ahi zongin dawite in na thu uh hong manna hangin lungdam kei unla, vantungah na min uh a kigelh manin lungdam zaw un,” a ci hi.

Mangmuhna 14:4

Hih mite in numei tawh paktatna gamta ngei nai lo uh a, paubaanna a nei lote ahi uh hi. Amaute in Tuuno a paina peuhpeuh ah zui uh a, midang khempeuh sung panin a kitan khia sa, Pasian le Tuuno tungah a kipia masa mite ahi uh hi.

Paikhiatna 4:22

Nangmah in Faroʼ kiangah, ‘Topa in hih bangin ci hi: Israel pen ka tapa a suak masa hi a,

Piancilna 18:25

Thuman mite, migilote tawh a kibat nadingin migilote tawh thuman mite thah khop ding, hi thei ding ahi hiam? Tua pen hi thei lo ding hi. Leitung khempeuh Thukhen pa a manin gamta lo ding ahi hiam?” a ci hi.

Mangmuhna 20:15

A nungta mite a kigelhna laibu sungah a min a om lo peuhmah meiphual pi sungah kilawn hi.

Late 94:2

Tho in, leitung thukhen pa aw, a kiphasak mite tungah amauʼ ngah ding a kilawm gimna pia ta in.

Hebru 9:27

Mi khempeuh khatvei si-in, tua khit ciangin Pasianʼ thukhenna a thuak ding ahih mah bangin,

Mangmuhna 13:8

Tua ahih manin a kigo Tuuno laibu sungah a nungta ding miteʼ min, leitung pianmapekin a kikhumna ah a kihel lo leitung mi khempeuh in tua ganhing bia ding uh hi.

1 PETER MASA 2:23

Amah a kizahko ciangin na ko thuk lo hi. Gimna a thuak ciangin na tawng gawp lo a, a manin thu a khen Pasian muanin a na nei hi.

Hebru 11:4

A upna hang mah tawh Abel in Kainʼ piakna sangin a san theih huai zaw biakpiakna Pasianʼ tungah a na pia hi. Pasian in ama biakna na sang ahih manin a upna hangin mihoih hi, ci-in Pasianʼ pahtakna a na ngah hi. Abel a sih zawh a sawtpi hi khin napi-in tu dong mahin upna thu a hong gengen lai a suak hi.

1 TIMOTI MASA 3:5

Bang hang hiam cih leh mi khatpeuh in a innkuan sung uk zia ding a theih kei leh Pasianʼ pawlpi kem thei lo ding hi.

Filippi 4:3

Hih numei nihte in Klement le a nungta mite a kikhumna Pasianʼ laibu sungah a kikhum, ka nasep pih dangte khempeuh tawh, lungdamna thu a kizelh nadingin nakpi takin kei tawh na hong sem khawm uh ahih manin, citakin kei tawh na a sem khawm note in zong amau tegel na huh nadingun kong thum hi.

Efesa 1:22

Pasian in Khrisʼ khe nuai ah na khempeuh koih a, thu khempeuh ah pawlpiʼ lutang dingin Khris a bawl hi.

Sawltak 20:28

Kha Siangtho in noteʼ khut sungah a hong koih pawlpi mite le nomau pumpi mahmah limtakin na kem un. Pasian in a Tapa a sihna tawh a ngah a pawlpi hoihtakin a kemte na hi ta un.

Johan 5:27

Amah pen Mihing Tapa ahih manin thu khen theih nading aana ama tungah a pia hi.

Kolose 1:24

Tu-in ka pumpi-in ka thuakna tawh Khris in ama pumpi ahi pawlpi adingin a thuak ding a kisam lai teng a kitaangcingsak suak ka hih manin note adingin ka thuakna thu ah ka lung a dam hi.

2 KORIN NIHNA 5:8

Lungmuang takin a ki-om hithiat hi a, hih leitung pumpi nusia-in Topa tawh om khawm ding a ki-ut zaw ahi hi.

1 KORIN MASA 15:54

A muat thei pen a muat thei lo hong suakin, a si thei pen a si thei lo hong suah ciangin Lai Siangtho thu hong tung taktak ding hi. Lai Siangtho in, “Sihna maimangin gualzawhna in khup let hi.

1 KORIN MASA 13:12

Dal limlang sunga et bangin tu laitakin a kitel pha loin i mu milmial a, ahi zongin mai lamah maitang kituahin i mu ding hi. Tu laitakin i theihnate kicing lo a, ahi zongin mai lamah Pasian in eite hong theih mah bangin a kicing takin amah i thei ding hi.

Jeremiah 31:9

Amaute a kap kawmin hong pai ding uh a, keimah in hehnemin amaute ka pikik ding hi. Tui omna lui gei ah amaute ka paipihkik dinga, lam nuamah paipihin a tuk kei ding uh hi. Bang hang hiam cih leh Israel miteʼ pa ka hi a, Efraim, ka ta upa pen ahi hi.

Thuhilh-sia 12:7

I pumpi, lei suakkik dinga, i nuntakna a hong pia Pasianʼ kiangah i kha ciahkik ta ding hi.

Late 111:1

Topa phat un. Lungsim thutangte a omna, mihon kikhopna sungah ka lungsim khempeuh tawh Topaʼ tungah lungdamna ka ko ding hi.

Late 89:27

Keimah in amah ta upa penin ka bawl dinga, leitung kumpite lakah a lian penin ka bawl ding hi.

Late 69:28

A nungtateʼ laibu sung panin amaute kiphiatsak inla, miphate lakah a min uh kikhumsak kei in.

Thu-hilhkikna 21:17

Ama neihsa khempeuh tanh nih piakna tawh a muhdah nuʼ tapa a tacil mahin sang ding hi. Bang hang hiam cih leh tua pa pen ama sung panin a piang masa pen ahih manin tacil hihna za pen ama aʼ ahi hi.

Paikhiatna 13:2

“Keima tungah tacil khempeuh hong ap in. Israel miteʼ lakah, mihing hitaleh ganhing hitaleh, naubu a hong masa pen peuhpeuh keima-aʼ ahi hi,” a ci hi.

Paikhiatna 32:32

Ahih hangin nangmah in tu-in amauʼ khialhna maisak in. Na maisak kei ding leh, hong thum ing, nangma gelh sa laibu panin keimah hong phiat mai in,” a ci hi.

1 KORIN MASA 15:49

Eite in lei tawh a kibawl miteʼ lim i puak mah bangin vantung panin a hong pai Mipaʼ lim zong a pua ding ihi hi.

Hebru 2:12

“Pasian aw, ka sanggamte kiangah nangma thu ka gen dinga, mi khempeuh mai ah nangmah kong phat ding hi,” na ci a,

Mangmuhna 6:9

Ciaptehna ngana a hon ciangin Pasianʼ thu a genna hang le Pasianʼ thu citakin teci a panna uh hangin a kithat miteʼ kha, biakna tau nuai ah a om ka mu hi.

Mangmuhna 6:11

Tua ciangin amaute tungah puan tualpi a kang khat ciat kipia a, amaute a kithah mah bangin a kithat lai ding a naseppihte uh le a sanggamte uh a kim matengin tawl khat sung a tawlngak lai nading uh kigen hi.