Hebru 12:13 - Tedim Bible Revision 2017

¹³ Bai luangluangin a paite, na guh na taang uh a kipelh loh nadingin lampi tang zui-in na pai un.

Tedim Bible

¹³ A khe zawte in a kilawi taktak loh nading, cidamna a ngah nadingin na paina lampi uh na tangsak un.

Hebru 12:13 Referans Kwoze

Galati 6:1

Sanggamte aw, mi khatpeuh a gamta khial a om ciangin, Kha Siangthoʼ deihna bangin a nungta note in tua a khial pa a manin a gamtatkik theih nadingin thunem zangin na huh un. Note in zong amah bangin ze-etna na tuah khak loh nadingun na kikem un.

Isaiah 35:3

A zaw khutte khauhsak unla, a no khukte kipsak un.

Isaiah 35:6

Tua ciangin khebai mipa diangin lam dinga, a pau thei lo mipa in lungdamin la sa ding hi. Bang hang hiam cih leh gamlak ah tui hong phul khia dinga, sehnel gam sungah luitui hong luang ding hi.

Jeim 5:16

Tua ahih manin na ci uh a dam nadingin khatlekhat tungah na mawhna uh kipulakin thu na kingetsak ta un. Mihoihteʼ thungetna in vang nei a, na lianpi sem zo hi.

Luka 3:5

Kuam thuk khempeuh kivuk dim dinga, mual lian mual neu khempeuh kitotam ding hi. Lam kawite kitangsak dinga, a leihumte kinelsak ding hi.

Isaiah 42:16

“Amauʼ theih loh lampi ah mittawte ka paipih dinga, amauʼ theih ngei loh sul zuih pihin ka kha ding hi. Amauʼ mai ah khuamial pen khuavak suaksakin, a phokna munte a tamin ka bawl ding hi. Hihte pen keima hih ding nate hi a, tuate sem loin ka nusia kei ding hi.

Jeremiah 18:15

Ahih hangin ka mite in kei hong mangngilh khin uh a, milim pasian-te kiangah paknamtui a hal uh hi. Amauʼ tot ding lampi ah tuk uh ahih manin a tot ngei uh lampi lui zui nawn loin, lampi lopi a tawn uh hi.

Isaiah 58:12

Tanglai-in a kisia na munte uh na lamkik ding uh a, khang tampi sung a kisia bulpite na ding tosakkik ding uh hi. Note pen a sia a puahkik, ten nadingin mun siate a ngei a bangsakkikte hong kici ding hi.

Galati 2:14

Lungdamna thu tawh kizui-in a mantakin gamta lo uh hi, ci-in ka muh ciangin amaute khempeuhʼ zakin Peter kiangah, “Nang pen Jew mi hi napi-in Jew mi bangin gamta loin Gentail mite bangin a gamta khin sa na hi hi. Tua bangin a gamta khin sa hi napi-in bang hangin tu-in Gentail mite, Jew mite bangin a gamtat nadingun na gamtatna tawh lakkik na hi hiam?” ka ci hi.

1 PETER MASA 2:24

Eite, mawhna lamah misi bangin, thuman lamah nungta-in i gamtat theih nadingin Khris mahmah in eiteʼ mawhna ama pumpi mahmah tawh singlamteh tungah a pua hi. B