Hebru 12:11 - Tedim Bible Revision 2017

¹¹ Thuhilhna tawh gim hong kipiak ciangin nuam kisa het loin na kisa mahmah sam a, ahi zongin tua thuhilhna a mang zote in thuman nuntakna hangin nopsakna thaman a nung ngah uh hi.

Tedim Bible

¹¹ Thuhilhna i thuak lai takin lungdamna-in kingaihsun loin dah nading bang kisa thei hi. Ahih hangin thulhilhna a thuak mite in a nung ciangin nopsakna ahi dikna gah a ngah uh hi.

Hebru 12:11 Referans Kwoze

2 KORIN NIHNA 4:17

Tu hun laitakin tomno sung lungkhamna ka thuakte uh in ka thuakna uh sangin nakpi takin a lian zaw tawntung minthanna sung hong tunpih ding hi.

1 PETER MASA 1:6

Tua ahih manin tu laitakin miteʼ bawlsiatna a tuamtuam na thuak manun tawl khat na lungkham uh ahi zongin hih bang thuakna hangin lungdam zaw un.

Hebru 12:10

I leitung pate in amauʼ hoihsak bangin nuntak tomno sung ngaihsutna-in hong thuhilhin gim hong pia a, ahi zongin Pasian in amah tawh kibangin siangtho-in i om theih nadingin eite hong khualna-in hong thuhilhin gim hong pia hi.

Late 118:18

Topa in nasia takin kei hong thuhilh a, ahih hangin kei hong sisak lo hi.

Isaiah 32:17

Tua ciangin thumanna hangin nopna om dinga, thumanna hangin daihna le lungmuan tawntungna om ding hi.

Paunak 19:18

Thu hong man theih lai-in na ta thuhilh in; na hilh kei leh a siat nading a deih na hi hi.

Late 119:165

Nangma thu a deihte in lungnopna lianpi ngah uh a, amaute a tuksak zo ding bangmah om lo hi.

Paunak 15:10

A gamta khial mite nakpi takin kithuhilh a, thukihilhna a mang nuam lote in sihna thuak ding uh hi.

Hebru 5:14

Ahi zongin antak i cih pen a sia le a pha a khen thei, a lim le a lim lo a khen thei ta, a khangham khin sa mite ading ahi hi.

ROM (Romans) 14:17

Bang hang hiam cih leh Pasianʼ Ukna pen nekledawn tawh a kisai thu hi lo a, Kha Siangtho hangin i ngah Pasianʼ deih bangin gamtatna, kilemna, lungdamna, cihte hizaw hi.

2 PETER NIHNA 2:14

Numei bekbek etnopin nei uh a, a mawhnopna lungsim uh kam thei lo hi. Upna cingtaak lo mite zol belin nei uh a, huaihamna lungsim bekbek a nei uh hi. Tua bang mite, Pasianʼ samsiat mite ahi uh hi.

Isaiah 19:22

Topa in Egypt mite sat dinga, ahi zongin damsakkik ding hi. Topa’ lamah amaute kiheikik ding uh a, amah in amauteʼ thumna donin amaute a damsak ding hi.

2 TIMOTI NIHNA 4:8

Thu a manin a khen Topa in tua Ni ciangin kei a hong piak ding thuman lukhu ahi gualzawhna thaman in tu-in kei hong ngak gige hi. Kei tung bekah a hong pia ding hi lo a, ama hong paikik ding itna tawh a ngakte khempeuh tungah zong a pia ding ahi hi.

Piancilna 21:11

Ama tapaʼ hangin Abrahamʼ tungah thu nuam het lo hi.