Hebru 11:39 - Tedim Bible Revision 2017

³⁹ Hih miteʼ upna lian mahmah hi, ci-in a kitheih hangin piak dingin Pasian in a ciam sa thute a ngah nai kei uh hi.

Tedim Bible

³⁹ Tua mite khempeuh in upna tawh teci pan’na a ngah uh hangin kamciamna thu a ngah kei uh hi.

Hebru 11:39 Referans Kwoze

Hebru 11:13

Hih mite khempeuh in amaute tungah piak dingin Pasianʼ ciam thute ngah nai lo uh a, gamlapi ah a om lai gal muhin hopih thei bek uh a, hih leitungah khualmi peemta hi lel hang, ci-in kitheihna tawh omin a upna mah uh tawh a si uh hi.

Hebru 11:2

Tanglai mite in upna a na neih manun Pasian in a na pakta hi.

1 PETER MASA 1:12

Vantung panin a hong kisawl Kha Siangthoʼ vangliatna tawh thu a gen thupuakteʼ tung panin na zak uh Thute mah kamsangte in a gen laitakun, tua a thugente uh amaute ading hi loin note ading ahihna thu, Pasian in tua kamsangte tungah a na gen zo hi. Vantung mite nangawn in hih thute a theih tel nop khat uh ahi hi.

Hebru 9:15

Thuciamna masa in a huam khak mite, a mawhna panun a suahtak theih nading uh ngeina om pen a si suak khinta ahih manin, Pasianʼ sap mite in a ciam sa tawntung thupha a ngah theih nadingun Khris in thuciamna thak a hong vaihawm ahi hi.

Hebru 10:36

Pasianʼ deihna bangin gamta-in, ama thuciam na ngah theih nadingun lungduai-in thuak zawhna na kisam uh hi.