Hebru 11:35 - Tedim Bible Revision 2017

³⁵ Numeite in a sihsuah mite uh, thawhkikna tawh a ngahna uh zong a upna uh hang mah ahi hi. Mi pawl khatte in a hoih zaw nuntakna ah a thawhkik theih nadingun leitungah suahtak ding ut tuan loin bawlsiatna thuakin a si uh hi.

Tedim Bible

³⁵ Numeite in sihna pan thokikin amau misite a ngah kik uh hi. Kimkhat in a phazaw thawhkikna a ngah nadingun suahtakna sang loin nakpi satna a thuak uh hi.

Hebru 11:35 Referans Kwoze

Sawltak 9:41

Peter in a khut khakin a ding tosak hi. Tua ciangin thu um meigong numeite a kipanin thu um khempeuh samkikin amaute kiangah Dorkas a nungta-in a lak hi.

Sawltak 24:15

Amauteʼ up le lamet mah bangin, Pasian in miphate le misiate a kibangin sihna panin hingkiksak khawm ding hi, ci-in umin ka lamen hi.

1 KORIN MASA 15:54

A muat thei pen a muat thei lo hong suakin, a si thei pen a si thei lo hong suah ciangin Lai Siangtho thu hong tung taktak ding hi. Lai Siangtho in, “Sihna maimangin gualzawhna in khup let hi.

Sawltak 23:6

Paul in tua uliante lakah Saddusi mi le Farisi mi a om lam a muh ciangin amaute kiangah, “Lawmte aw, kei pen Farisi miteʼ suan ahi Farisi mi ka hi hi. Misite hingkik ding hi, ci-in lamenin upna ka neih manin hih lai ah thusitna ka thuak hi,” a ci hi.

Sawltak 22:29

Tua ahih manin Paul thu a dong dingin a gei-a om mite a paikhia uh hi. Sikkhau tawh a khih khit ciangin Paul pen Rom gam mi ahihna a phawk ciangin galkap mangpa zong lau-in a lunghimawh hi.

Sawltak 4:19

Ahi zongin Peter le Johan in, “Noteʼ thu man zawk ding le Pasianʼ thu man zawk ding, Pasianʼ muhna panin koi pen man zaw ding cih thu nomau mah in zong ngaihsun ciat un.

Johan 5:29

han sung panin a hong paikhiat uh hun hong tung ding hi. A gamtat hoih mite pen a nungta tawntung dingin hong thokik ding uh a, a gamtat siate ahihleh mawhsak thukhenna a thuak dingin hong thokik ding uh hi.

Luka 14:14

Amaute in nang hong thukkik zo lo ding uh ahih manin nang adingin a lungdamhuai hong hi ding hi. Bang hang hiam cih leh sihna panin mihoihte a thawhkik hun ciangin Pasian in nang tungah hong thukkik ding hi,” a ci hi.

Marka 12:25

Sihna panin mite a thawhkik ciangin vantungah a om vantung mite mah bangin zi nei pasal nei cih om lo ding uh hi.

Mattiu 22:30

Bang hang hiam cih leh misite a thawhkik uh ciangin vantungah a om vantung mite tawh kibang ding uh a, zi nei pasal nei cih om lo ding hi.

Luka 20:36

Amaute pen vantungmi tawh kibang uh a, si thei nawn lo uh hi. Sihna panin a thokik khinte ahih manin amaute pen Pasianʼ tate ahi uh hi.