Hebru 11:27 - Tedim Bible Revision 2017

²⁷ Moses pen kumpipaʼ heh ding lau het loin Egypt gam panin paikhia a, a kimu thei lo Pasian a mu bang keekin a nungkik het lohna zong a upna hang mah ahi hi.

Tedim Bible

²⁷ Kumpipa’ hehna lau loin upna tawh Izipt gam a taisan hi. Bang hang hiam na cih uh leh, mittang tawh kimu thei lo Pasian a mu zo bangin a lung kip hi.

Hebru 11:27 Referans Kwoze

Hebru 11:13

Hih mite khempeuh in amaute tungah piak dingin Pasianʼ ciam thute ngah nai lo uh a, gamlapi ah a om lai gal muhin hopih thei bek uh a, hih leitungah khualmi peemta hi lel hang, ci-in kitheihna tawh omin a upna mah uh tawh a si uh hi.

2 KORIN NIHNA 4:18

Bang hang hiam cih leh a kimu thei nate a mitsuan ka hi kei uh a, a kimu thei lo nate a mitsuan ka hi uh hi. A kimu thei nate tomno sung bek kimang a, a kimu thei lo nate a tawntungin a kip ahi hi.

Hebru 11:1

Upna nei i cih ciangin i muh theih nai loh i lamette ngah takpi ding, ci-in muanna lungsim neihna ahi hi.

Jeim 5:11

Tua bangin a thuak mite a hampha mahmah hi, i ci hi. Job in a thuakna ah a lungduaina na thei uh a, Topa in dikna le hehpihna nei ahih manin a tawpna ah Job tungah a piak thuphate na thei uh hi.

Paikhiatna 11:8

Tua ciangin Moses in Faroʼ kiangah, “Na uliante khempeuh keima kiangah hong pai sukin, keima kiangah hong kun ding uh a, ‘Nang le nangmah hong zui khempeuh paikhia un,’ hong ci ding uh hi. Tua khit ciangin kei ka paikhia ding hi,” ci thuah lai hi. Tua ciangin Faroʼ kiang panin amah a heh mahmah sa-in a paikhia hi.

Paikhiatna 4:19

Midian gam sungah Topa in Moses kiangah, “Egypt ah ciahkik in. Bang hang hiam cih leh nang a hong that nuam mi khempeuh si khinta uh hi,” a ci hi.

1 PETER MASA 1:8

Amah mu ngei lo napi-in na it uh a, amah mu ngei lo napi-in a thu umin kam a gen zawh loh zah dongin nakpi takin na lungdam uh hi.

Hebru 10:32

A beisa hun a note tungah thupiangte phawkkik un. Pasianʼ khuavak sungah na om khit uh ciangin haksatna tampi thuak napi-in tuate na lel kei uh hi.

1 TIMOTI MASA 1:17

Amah bek Pasian ahi, a kimu thei lo, a si ngei lo, tawntung Kumpipa in minthanna le pahtawina ngah tawntung tahen. Amen.

1 KORIN MASA 13:7

Itna neite lungkia cih omngei lo hi; a upna, a lametna, lungduai takin a ngaknate uh a mawkna cih omngei lo hi.

Mattiu 10:22

Keima hangin Gentail mi khempeuh in note hong mudah ding uh hi. Ahi zongin a tawp dongin a thuak zo mite in hotkhiatna a ngah ding uh hi.

Paikhiatna 12:11

Hih bangzia-in na ne ding uh hi: Na kawng uh gakin, na khedap uh na khe uh ah bulhin, na ciangkhut uh na khut uh ah na tawi ding uh a, na nawh nek ding uh hi. Tua pen Topaʼ Paisan Pawi ahi hi.

Hebru 6:15

Abraham in lungduai takin na ngak ahih manin Pasianʼ thuciam a ngah hi.

1 TIMOTI MASA 6:16

Tua i Pasian bek mah a si thei lo hi a, khuavak pha mahmah sungah om ahih manin kuamah in a kiang neh thei lo hi. Kuamah in amah mu ngei lo a, zong mu thei lo hi. A tawntungin amah kipahtawi henla, vanglian tawntung tahen. Amen.

Sawltak 2:25

Bang hang hiam cih leh David in ama thu a genna ah, “‘Topa ka maingat tawntung a, ka tak lamah amah om ahih manin lungkhamna ka thuak kei ding hi.

Marka 13:13

Keima hangin Gentail mi khempeuh in note hong mudah ding uh a, ahi zongin a sih dongun a thuak zote in hotkhiatna a ngah ding uh hi.

Marka 4:17

Ahi zongin amaute sungah thuktum lo ahih manin sau veipi kip lo hi. Tua thu hangin lungkhamna ahi a, bawlsiatna ahi zongin a tun ciangin a puk pah uh hi.

Mattiu 24:13

Ahi zongin a bei dongin a thuak zote in hotkhiatna ngah ding uh hi.

Late 16:8

Topa ka maingat tawntung a, ka tak lamah amah om ahih manin ka kiliing kei ding hi.

Paikhiatna 12:50

Tua bangin Israel mite khempeuh gamta uh a, Topa in Moses le Aaron a thupiak bangin amaute in hih uh hi.

Kolose 1:15

Khris pen a kimu thei lo Pasianʼ lim hi a, a kipiangsak khempeuh lakah tapa upa pen ahi hi.