Hebru 11:26 - Tedim Bible Revision 2017

²⁶ Mai lamah a thaman ding mukhol thei ahih manin Egypt gam sunga hauhna le nopsaknate khempeuh sangin Khris hangin simmawhna thuak taak zaw tham hi, ci-in a ngaihsun hi.

Tedim Bible

²⁶ Mailamah a thaman ding mukhol thei ahih manin Egypt gam sunga hauhna le nopsaknate khempeuh sangin Khrih hangin simmawhna thuak taakzaw tham hi, ci-in a ngaihsun hi.

Hebru 11:26 Referans Kwoze

Hebru 11:6

Upna lo tawh kuamah in Pasian lungkimsak zo lo hi. Pasian kiang a zuan mi peuhmah in Pasian a om takpi ahihna thu le amah a zongte Pasian in thaman pia hi, ci-in a up ding kisam hi.

Hebru 10:35

Tua ahih manin thaman lianpi a hong ngahsak thei na lungsim hanna uh na khahsuah kei un.

Mangmuhna 3:18

Tua ahih manin na hauh theih nadingun kei kiang panin kham citak hong lei-in a zumhuaipi-in guaktang a na omna uh na kisel nadingun puan pak hong lei unla, khua na muh theih nadingun mit zatui hong lei un.

1 PETER MASA 4:14

Khris nungzui hihna hangin miteʼ kosiatna na thuak uh leh note sungah a minthang Kha Siangtho ahi Pasianʼ Kha Siangtho hong om ahihna lim ahih manin a hampha mahmah na hi uh hi.

Hebru 2:2

Vantung mite in hong gen thute thuman hi a, tua thu a palsatte in a kilawm bangin gim thuak ding uh hi.

2 KORIN NIHNA 6:10

Dahna ka thuak uh hangin ka lungdam uh a, kote a zawng tawh kibang napi-in mi tampi ka hausak uh a, bangmah a nei het lo tawh kibang napi-in a taktakin ka neih loh uh bangmah om lo hi.

Luka 14:14

Amaute in nang hong thukkik zo lo ding uh ahih manin nang adingin a lungdamhuai hong hi ding hi. Bang hang hiam cih leh sihna panin mihoihte a thawhkik hun ciangin Pasian in nang tungah hong thukkik ding hi,” a ci hi.

Mattiu 5:12

Note adingin vantungah thaman lianpi hong kikoih kholhsak ahih manin tua bang na tuah uh ciangin nuamin na lungdam un. Noteʼ hun ma-a kamsangte zong tua bangmahin a na kibawlsia ngei ahi hi.

Efesa 3:8

Pasianʼ mi khempeuh lakah kei a neu pen hi napi-in, Khris hangin a kigen zo lo thu manpha ahi Lungdamna Thu, Gentail mite lakah a gen ding,

2 KORIN NIHNA 12:10

Kei ka thaneem mahmah laitakin a thahat mahmah suak ka hih manin Khris hangin ka thaneemna, simmawh ka thuakna, haksatna, bawlsiatna le lungkhamna ka thuaknate tawh ka lung a kim mahmah hi.

Late 37:16

Migiloteʼ hauhna sangin thuman mite in tawmno khat bek a neihna hoih zaw lai hi.

1 PETER MASA 1:11

Khris in gimna thuakin, tua khit ciangin minthanna a ngah nading thu Kha Siangtho in a gen ciangin, amaute sungah a om tua Khrisʼ Kha Siangtho in kua a cihna hi a, bang hun ciang hi ding hiam, ci-in a kankan uh pen tu hun thu a gen ahi hi.

Hebru 13:13

Tua ahih manin eite zong a pua lamah pai-in Jesu tawh maizumna thuak khawm ni.

Hebru 10:33

Mipiʼ mai ah hong kisimmawhin hong kibawlsia a, tua bang a thuakte na pawlpih ngam uh hi.

Filippi 3:7

Ahi zongin hamphatna-in ka neih theih ding tua bangte khempeuh, Khris hangin sup ngam dingin ka ngaihsun hi.

Efesa 1:18

Note bang dingin hong sam a, a mite tungah a hong ciam thupha lamdangte bangzah takin lian a, thu um ahi eite sungah na a hong sem vangliatna bangzah takin lian ahi hiam, cih na muh theih nadingun noteʼ lungsim mit hong vaksak nadingin thu ka na ngen hi. Eite sungah na a hong sem vangliatna pen sihna panin Khris hingsakin, vantung gamah zong, ama tak lamah a tutsak nadingin a zat vangliatna mah ahi hi.

Sawltak 5:41

Uliante omna panin sawltakte paikhia uh a, Jesuʼ hangin mindaina a thuak dingin Pasian in kilawm hong sa hi, ci-in ngaihsun uh ahih manin a lungdam mahmah uh hi.

Mattiu 10:41

Pasianʼ thugen ahihna hangin Pasianʼ thugen mi a sangte in Pasianʼ thugenteʼ thaman ngah dinga, mihoih hihna hangin mihoih a sang mite in mihoihteʼ thaman ngah ding uh hi.

Mattiu 6:1

“Biakna tawh kizomin na hoih khat peuhpeuh na sep uh ciangin miteʼ phat ding deihna tawh a kilang theithei dingin na sep khak loh nadingun na kingaihsun un. Tua bangin gamta le-uhcin, vantungah a om na Pa uh kiang panin thaman na ngah kei ding uh hi.

Isaiah 51:7

“Thuman a thei, na lungsim sung uh ah keima thu a vom mite aw, ka thu ngai un. Mihingteʼ kosiatna kihta kei unla, amauteʼ hong simmawhna hangin lungkia kei un.

Paunak 23:18

Tua bang hi lecin lametna om a, cithei-in na khansau ding hi.

Paunak 11:18

Migilote in a man nei taktak bangmah ngah lo a, thumanin a gamtate in peel loin thaman hoih a ngah hi.

Late 69:20

Simmawhna in ka lungsim hong zo a, kei ka cimawh ta hi. Kei a hong hehpih ding mi ka zonzon hangin kuamah om lo a, hong huh ding ka zon hangin kuamah ka mu kei hi.

Late 69:7

Bang hang hiam cih leh nangma hangin kona ka thuak a, maizumna in kei hong pumtuam khinta hi.

Ruth 2:12

Topa in na gamtatna sate a pha tawh hong thuk a, a liim nuai beel dinga na paina Israel-teʼ Pasian, Topa in thaman a cingin hong pia ding hi,” a ci hi.

Mangmuhna 2:9

Na lungkhamnate uh le na zawnnate uh ka thei hi. A taktakin note a hau na hi uh hi. Jew mi hi lo napi-in Jew mi ka hi uh hi, ci-in note a hong gensiatnate uh ka thei hi. Tua bang mite pen Satanʼ pawlte ahi uh hi.

Luka 14:33

Tua mah bangin mi khat in a neih khempeuh a piakkhiat ngam kei leh keima nungzui suak thei lo ding hi.