Hebru 11:23 - Tedim Bible Revision 2017

²³ Moses a suah ciangin a nu le a pa in hoih sa mahmah in, kumpipaʼ thupiakna kihta tuan loin kha thum sung a seelcip ngamna uh zong a upna hang mah uh ahi hi.

Tedim Bible

²³ Moses a suah khit ciangin a meel pha a nu leh pa in mu uh a, upna tawh kumpipa’ thupiakna kihta loin, kha thum tawntung a seel uh hi.

Hebru 11:23 Referans Kwoze

Paikhiatna 1:22

Tua ciangin Faro in a mipihte khempeuh thu pia a, “Hebru mite sung panin tapa a suak khempeuh Nail gun sungah na khia ding uh a, ahi zongin tanu khempeuh na nungtasak ding uh hi,” a ci hi.

Paikhiatna 1:16

“Hebru numeite nau domin, nausuahna tutphah tungah a tut ciangun, tapa ahihleh a naungek na that ding uh a, ahi zongin tanu ahihleh na nungtasak ding uh hi,” a ci hi.

Hebru 13:6

Tua ahih manin kimuanna lungsim tawh hang takin, “Topa, kei hong huhpa hi a, ka lau kei ding hi. Kua in bang hong cih zo ding ahi hiam?” ci ngam ni.

Mattiu 10:28

Pumpi a thah khit ciangin kha a that thei lote na kihta kei un. Hell khuk sungah pumpi le kha a nihin a susia thei pa na kihta zaw un.

Sawltak 7:20

Hih hunin naungek melhoih mahmah khat na suak hi. Inn ah kha thum sung kikem a,

Isaiah 41:14

Lungno bang ahi lel Jakob, no Israel mite aw, lau kei un! Note kong huh ding hi, Topa in ci hi. Note hong honpa pen Israel-teʼ Siangtho Pa ahi hi.

Late 118:6

Topa in kei hong ompih hi. Bangmah ka kihta kei ding hi. Mihingte in kei, bang hong cih zo ding ahi uh hiam?

Daniel 6:10

Tua bang thupiakna lai kihawm khia khinzo ta hi, ci-in Daniel in a theih ciangin a inn ah a ciah hi. A inn dawl tungnung ah Jerusalem lam a nga tawlet thum a om hi. Tua laitak ah tawlet hon sa-in a hih ngei bangin khukdinin ni khatin thum vei ta Pasian kiangah thu a ngen hi.

Isaiah 51:12

Topa in, “Kei, keimah pen note hong hehnem pa ka hi hi. Lopa sangin sauvei a nungta zaw tuan lo, mihing lellelte, bang hangin kihta na hi uh hiam?

Isaiah 51:7

“Thuman a thei, na lungsim sung uh ah keima thu a vom mite aw, ka thu ngai un. Mihingteʼ kosiatna kihta kei unla, amauteʼ hong simmawhna hangin lungkia kei un.

Isaiah 41:10

nang hong ompih ka hih manin lau kei in. Na Pasian ka hih manin lungkia kei in. Nang hong tha khauhsakin kong huh dinga, nang hong huhin ka hong hon khia ding hi.

Late 56:4

A thu ka phat Pasianʼ sungah, lunghihmawhna khat zong nei het loin Pasian ka muang hi. Mihing ahi lelte in kei, bang hong cih zo ding ahi hiam?