Hebru 11:17 - Tedim Bible Revision 2017

¹⁷ Pasian in Abraham a ze-et laitakin Abraham in a upna hang mah tawh Pasian biak nadingin a tapa Isaac na pia ngam hi. Pasian mah in Abraham tungah tapa kong pia ding ci-in a ciam hi napi-in, Pasianʼ ciamna bangin a neih tua a tapa neihsun mah, Pasian biak nadingin Abraham in pia dingin na kithawi hi.

Tedim Bible

^17-18 Abraham in ze-etna a thuak ciangin upna tawh Isaak biakna-ah a pia hi. “Isaak tung bekah na suan na khak kici ding hi,” ci-a thupiak kholhna akipan thuciamnate lungdamin a sang mi hi-in, khat bek a neih tapa a pia hi.

Hebru 11:17 Referans Kwoze

Piancilna 22:16

“Kei mahmah ka kiciam hi, Topa in ci hi. Bang hang hiam cih leh nang in hih thu na bawl khin a, na tapa neihsun na humcip kei hi.

Mangmuhna 3:10

Note in lungduai takin na thuak nading uh ka hong thupiakna zui na hih manun leitung a a om mi khempeuh ze-et nadingin leitung bupah a hong tung ding lungkhamna panin kei zong note ka hong suaktasak ding hi.

Jeim 5:11

Tua bangin a thuak mite a hampha mahmah hi, i ci hi. Job in a thuakna ah a lungduaina na thei uh a, Topa in dikna le hehpihna nei ahih manin a tawpna ah Job tungah a piak thuphate na thei uh hi.

1 PETER MASA 4:12

Ka itte aw, noteʼ upna hong kize-etna-in gimna haksate na thuak manun a thu lamdangpi-in ngaihsun kei unla, na lungkham ngaihsut kei un.

Paunak 17:3

Kham le ngunte mei sungah kize-et a, mihingteʼ lungsim Topa in ze-et hi.

Hebru 7:6

Ahi zongin Melkhizedek ahihleh Leviʼ suanlekhak hi lo napi-in Abrahamʼ tung panin sawm-ah-khat na la-in thuciamna a ngah mipa zong thupha a na pia lai hi.

Zekhariah 13:9

Tua a suakta seh khatte pen meikhuk ah ngun a kisiansak bangin, meikhuk ah kham a kize-et bangin, meikhuk ah ze-etin ka siangsak ding hi. Amaute in kei tungah thu hong ngenin, kei zong amauʼ thungetna ka pia ding hi. Keima mi ahihna uh amaute tungah ka gen dinga, amaute in kei pen amauʼ Pasian ka hihna thu a kam uh tawh pulak ding uh hi,” a ci hi.

Daniel 11:35

Mi pawl khat in thahna a thuak ding uh hi. Tua bangin a pianna thu pen beina a tun mateng sianthosakna le mipha le misia khentelna, Pasianʼ seh sa hun a tunna ahi hi.

2 KHANG TANGTHU NIHNATE 32:31

Tua ahih ciangin gam sung om zia lim a kan dingin ama kiangah a kisawl Babylon ulianteʼ kamtaite tawh kisai-in, amah a ze-et nading le ama lungsim sungah bang om hiam cih a vekpi-in a theih nadingin Pasian in ama thu-in amah a omsak hi.

2 KORIN NIHNA 8:12

Piak nopna lungsim na neih nak uh leh na neih lohnate uh siksan hi loin na neihna uh tawh kizui-in na piak uh Pasian in hong sang ding hi.

Thu-hilhkikna 8:2

A thupiakte na zui uh hiam, na zui kei uh hiam cih a theih nadingin note hong niamkhiatin, na lungsim uh ah bang om hiam cih a theih nadingin Topa na Pasian un sehnel gamah hih kum sawm li sung note hong paipihna lampi khempeuh na ciamteh ding uh hi.

Johan 3:16

Pasian in leitung mite hong it mahmah ahih manin ama Tapa a um mi khempeuh si nawn loin a hin tawntung theih nadingun a Tapa neihsun a hong piak dongin a hong itna a hong lak hi.

Hebru 11:13

Hih mite khempeuh in amaute tungah piak dingin Pasianʼ ciam thute ngah nai lo uh a, gamlapi ah a om lai gal muhin hopih thei bek uh a, hih leitungah khualmi peemta hi lel hang, ci-in kitheihna tawh omin a upna mah uh tawh a si uh hi.