Hebru 10:38 - Tedim Bible Revision 2017

³⁸ Ahi zongin keima mi a thuman mite in ka thu umin nungta ding uh a, a nungkik a om uh leh tua mite tungah ka lungkim kei ding hi,” na ci hi.

Tedim Bible

³⁸ Ka midik in upna tawh a nungta ding hi, a nung kin leh, ka lungsim in Tua mi hangin lungdamna a nei kei hi,” ci-in Pasian in thu a pia hi.

Hebru 10:38 Referans Kwoze

Galati 3:11

Tu-in Lai Siangtho in, “Upna hangin Pasian tawh a kipawl thei mite bek nungta ding hi,” na ci ahih manin Thukham hangin kuamah in Pasian tawh kipawl theihna a ngah lohna thu teltakin hong kilang hi.

ROM (Romans) 1:17

Lai Siangtho sungah, “Pasian a upna hangin amah tawh pawl khat ahi mite nungta ding hi,” ci-in a kigelh mah bangin Pasian in amah tawh a kipawl theih nadingin mite a bawlna zia, lungdamna thu in hong kilangsak hi. Tua pen, a patna panin a tawp dongin upna hang bek tawh ahihna thu hong laktel hi.

Habakkuk 2:4

Tua a hong tung ding thu pen ‘A gilo mite suakta lo dinga, thuman mite ahihleh Pasian tungah a cihtak manun nungta ding hi,’” a hong ci hi.

Late 85:8

Topa Pasianʼ thugen ding hong zasak dih un. Bang hang hiam cih leh ama lamah lungsim takpi tawh a kihei ama mi siangtho, ama miteʼ tungah kilemna thu a gen ding hi.

Isaiah 42:1

Keimah in ka huh, ka teel, ka lungkimna ka nasem pa en un. Ka kha tawh amah ka kidimsak a, amah in minam khempeuh tungah thuman tungsak ding hi.

Late 147:11

Amah a zahtak mite le ama itna kip a muangte tungah Topa a lungkim hi.

Mattiu 13:21

Ahi zongin amaute sungah thuktum zo lo ahih manin tawl khat sung bek um uh hi. Tua ahih manin Pasianʼ thu hangin haksatna ahi a, bawlsiatna ahi zongin khat peuhpeuh a tun ciangin tawpkik pah uh hi.

Mattiu 12:18

“Keimah in ka teel sa ka nasem pa, ka it mahmah, ka lungkimna pa en un. Keima Kha ama tungah ka pia dinga, Gentail mite tungah upna man a pulak ding hi.

Ezekiel 3:20

“Mihoih mahmah khat gamtat siat ding hong kipan leh a lauhuaina munah amah ka koih ding hi. Amah hilh khol kei lecin si ding hi. Ama mawhna hangin si dinga, ama gamtat hoih sate phawkin ka nei kei ding hi. Ama sihna thu ah nang kong ngawh ding hi.

1 THESALONIKA MASA 2:15

Tua Jew mite in Topa Jesu le kamsangte that uh a, kote zong hong bawlsia uh hi. Pasianʼ lungkim loh nadingin gamta uh a, mi khempeuh langbawl uh hi.

Malakhi 1:10

Vanglian Topa in, “Ka biakna tau tungah, bangmah-a kimang lo mei na tawh mawkmawk theih loh nadingun, note khatpeuh in biakinn kongkhakte khak le-uhcin ka ut hi. Note tungah ka lungkim kei a, nong piak uh biakpiaknate kong sang kei ding hi.

Zefaniah 1:6

Lam pialin, kei hong zui nawn lote, thu dong dingin kei kiangah hong pai nawn lote, ka susia ding hi,” a ci hi.

Ezekiel 18:24

Ahi zongin mihoih khat in a gamtat hoihna teng khawlin, migiloteʼ gamtat bangin a mindaihuai gamtat siate gamtat ding hong kipan leh, amah nungta paisuak ding ahi hiam? Nungta het lo ding hi. A hoih ama gamtatna sate kiphawksak lo ding hi. Ama cihtak lohna le ama mawhna hangin si ding hi.

Late 149:4

Bang hang hiam cih leh ama mite tungah Topa lungdam a, miniamte gualzo sakin a pahtawi hi.

Late 5:4

Bang hang hiam cih leh gitlohna lamsang a deih Pasian na hi kei a, siatna pen tawl khat zong nang tawh a om khawm thei ahi kei hi.

1 JOHAN MASA 2:19

Khrisʼ gal ahi hih mite pen eiʼ pawl hi ngei napi-in hong taisan uh hi. Eiʼ pawl taktak hileh eite tawh om khawm paisuak ding uh ahih manin, tu-in amaute paikhia uh ahih ciangin eiʼ pawl taktak ahih lohna uh hong kilang hi.

Ezekiel 33:13

Midik khat tungah nuntak nading kam ka ciam hangin, a beisa-a ama hoihna suangin mawh gamtat ding hong kipan leh, ama gamtat hoihna sate ka phawk kei ding hi. Ama mawh gamtatna hangin si veve ding hi.

Hebru 10:39

Eite pen nungkikin a maimang mite ihi kei a, upna nei-in hotkhiatna a ngah mite ihi hi.

Jeim 5:6

A thuman mite mawhsakin na that uh a, amaute in na thu uh hong nial zo lo uh hi.

2 SAMUEL NIHNA 22:22

Bang hang hiam cih leh Topaʼ thu ka zui a, ka Pasian ka langpang kei hi.