Hebru 10:35 - Tedim Bible Revision 2017

³⁵ Tua ahih manin thaman lianpi a hong ngahsak thei na lungsim hanna uh na khahsuah kei un.

Tedim Bible

³⁵ Tua ahih ciangin phattuamna lian mahmah tawh kizom na lau lohna lungsim uh na paaikhia kei un.

Hebru 10:35 Referans Kwoze

1 KORIN MASA 15:58

Tua ahih ciangin ka hong it sanggamte aw, Topaʼ hangin na nasepnate uh a mawkna hi ngei het lo hi, ci-in na theih uh mah bangin Topa adingin a tawntungin na sem unla, liing het loin lungsim kip takin na om ta un.

Hebru 3:6

Ahi zongin Khris pen Pasianʼ inn sung a uk Tapa ahihna tawh a citak ahi hi. I lametna thu tawh kisai-in lungsim hanna le muanna tawh i omsuak nakleh eite pen Pasianʼ inn ihi hi.

Luka 14:14

Amaute in nang hong thukkik zo lo ding uh ahih manin nang adingin a lungdamhuai hong hi ding hi. Bang hang hiam cih leh sihna panin mihoihte a thawhkik hun ciangin Pasian in nang tungah hong thukkik ding hi,” a ci hi.

Hebru 11:26

Mai lamah a thaman ding mukhol thei ahih manin Egypt gam sunga hauhna le nopsaknate khempeuh sangin Khris hangin simmawhna thuak taak zaw tham hi, ci-in a ngaihsun hi.

Mattiu 5:12

Note adingin vantungah thaman lianpi hong kikoih kholhsak ahih manin tua bang na tuah uh ciangin nuamin na lungdam un. Noteʼ hun ma-a kamsangte zong tua bangmahin a na kibawlsia ngei ahi hi.

Hebru 4:14

Tua ahih manin eite in Pasianʼ omna vantung a va tung khin sa, Siampi Lianpen ahi Pasianʼ Tapa Jesu nei khin ihih manin i san sa upna thu kip takin len ni.

Hebru 3:14

A kipat tungin i neih lungmuanna kip takin i let ciat nakleh i vekpi-in Khris tawh pawl khat ihi hi.

Mattiu 10:32

“Keima mi ahihna thu miteʼ theihin a gen khia mite, kei zong vantungah ka Paʼ mai ah keima mi ahihna thu ka gen ding hi.

Mattiu 10:42

Keima nungzui mi a neu pen khat nangawn, keima nungzui ahihna hangin tuivot hai khat bek a suahte nangawn in pel loin thaman a ngah ding lamtak phawk un,” ci-in a vaikhak hi.

Late 19:11

Tua tham loin tuateʼ hangin a nasem pa in thuphawkna ngah a, tuate zuihna ah noptuamna lian a om hi.

Hebru 2:2

Vantung mite in hong gen thute thuman hi a, tua thu a palsatte in a kilawm bangin gim thuak ding uh hi.

Efesa 3:12

Amah tawh i kipawlna le amah i muanna hangin kimuang takin Pasian kiangah pai theih nading hun i nei hi.

Hebru 10:19

Tua ahih ciangin sanggamte aw, Jesu hong sihna hangin Siangtho Pen Munah ututin lut theih nading thu i nei ta hi.

2 JOHAN NIHNA 1:8

Tua ahih ciangin na sep sa uh thuman taan kha loin, a kimtakin na ngah theih nadingun limtakin kidawm un.