Hebru 10:33 - Tedim Bible Revision 2017

³³ Mipiʼ mai ah hong kisimmawhin hong kibawlsia a, tua bang a thuakte na pawlpih ngam uh hi.

Tedim Bible

³³ Mipi’ mai-ah hong kisimmawhin hong kibawlsia a, tua bang a thuakte na pawlpih ngam uh hi.

Hebru 10:33 Referans Kwoze

1 KORIN MASA 4:9

Ko sawltakte pen vantungmi le leitung mi khempeuh in a et dingin mipiʼ mai ah thahna a thuak dingin thukhenna a kipia mi bangin Pasian in a zaneu penin hong koih tawntung tawh kibang ka sa hi.

Filippi 4:14

Ahi zongin ka lungkham laitakin na hong huh manun hoih mahmah hi.

Filippi 1:7

Lungdamna thu hangin ka thongkiatna le lungdamna thu man hi, ci-in pangin ka kipsak nading hun ka ngahna ah kei tawh a hong pangkhawm na hih manun ka lungsim sungah note na om tawntung uh a, hih zahta-in note ka hong phawk ding a kilawm thu mah ahi hi.

Hebru 11:36

Mi pawl khat in simmawhna, satna, sikkol bulhna le thongkiatna zong a thuak uh hi.

1 THESALONIKA MASA 2:14

Tua ahih manin sanggamte aw, Judea gam sunga om, Khris Jesu thu a um, Pasianʼ mi ahi mite in a thuak bangin note in zong a thuak na hi uh hi. Amaute in Jew miteʼ bawlsiatna a thuak uh mah bangin note in zong noteʼ gam mite mahʼ bawlsiatna na thuak uh hi.

Isaiah 51:7

“Thuman a thei, na lungsim sung uh ah keima thu a vom mite aw, ka thu ngai un. Mihingteʼ kosiatna kihta kei unla, amauteʼ hong simmawhna hangin lungkia kei un.

Late 74:22

Pasian aw, tho inla, nangma thu ah hong pang in. Dawibia mite in sun tawntungin nang a hong thusim lohna hong phawk ta in!

Hebru 13:13

Tua ahih manin eite zong a pua lamah pai-in Jesu tawh maizumna thuak khawm ni.

Hebru 11:26

Mai lamah a thaman ding mukhol thei ahih manin Egypt gam sunga hauhna le nopsaknate khempeuh sangin Khris hangin simmawhna thuak taak zaw tham hi, ci-in a ngaihsun hi.

2 TIMOTI NIHNA 1:8

Tua ahih manin i Topaʼ thu gen nading thu ah ahi a, ama thu hangin thong a kia keima thu ah ahi zongin maizum het kei in. Pasian in nangma tungah thahatna hong pia ahih mah bangin Lungdamna Thu hangin thuakna ah zong a thuak nuam hizaw in.

2 KORIN NIHNA 12:10

Kei ka thaneem mahmah laitakin a thahat mahmah suak ka hih manin Khris hangin ka thaneemna, simmawh ka thuakna, haksatna, bawlsiatna le lungkhamna ka thuaknate tawh ka lung a kim mahmah hi.

Zekhariah 3:8

Tua ahih ciangin siampi lianpen pa Joshua aw ngai in: Ama siampi pih ahi no a dangte in zong ngai un. Note pen mailam thuhoihna ding lim na hi uh hi. Sing bangin A Sel a kici min nei khat kong paisak ding hi.

Nahum 3:6

Nang hong huat bawlin ninbulom tawh kong kidimsak dinga, mite in lamdangsakna tawh nang hong en ding uh hi.

Late 79:12

Amaute in nang hong zahkona mah tawh ka veengte uhʼ ang sungah a zah sagihin thuk in, Topa!

Late 71:7

Mi tampite adingin a siahil bang ka hih hangin nang pen a muanhuai, keima belh na hi hi.

Late 69:9

Nangma inn ka deih luatna mei bangin ka sungah sa a, nangmah hong koteʼ konate keima tung hong tu hi.

Hebru 12:4

Tu ciang dong mawhna tawh na kidona uh ah sihna zah ciang dongin na dona uh om nai lo hi.