Hebru 10:31 - Tedim Bible Revision 2017

³¹ A nungta Pasianʼ khut sungah thumang loin i tun khak ding a lauhuai mahmah ahi hi.

Tedim Bible

³¹ A nungta Pasian khut sungah puk nading thu in a lauhuai taktak thu ahi hi.

Hebru 10:31 Referans Kwoze

Mattiu 10:28

Pumpi a thah khit ciangin kha a that thei lote na kihta kei un. Hell khuk sungah pumpi le kha a nihin a susia thei pa na kihta zaw un.

Luka 12:5

Kuate kihta ding na hi uh hiam cih leh, mite in a thah khit sa mipa pen hell khuk sungah a khia thuah thei lai Pasian na kihta un.

Hebru 12:29

Bang hang hiam cih leh eiteʼ Pasian pen a kaang tum thei meikuang tawh a kibang ahi hi.

Isaiah 33:14

Zion-a a om mawhnei mite lau uh a, Pasianʼ thu a ngaihsun lo mite lau-in liingcip uh hi. Amaute in, “Pasianʼ thukhenna pen a kuang tawntung mei tawh kibang hi. Tua bang meikuang kua in thuak zo ding ahi hiam?” ci uh hi.

Late 76:7

Ahih hangin nang na kihtakhuai mahmah hi. Na heh khit phot ciangin nangma mai ah kua ding ngam nawn ding ahi hiam?

Late 90:11

Nang hong kizahtak nadingin na sinsonaʼ vangliatna kua in thei a, na hehnaʼ husiatna kua in thei ahi hiam?

Mattiu 16:16

Simon Peter in, “Nang pen a nungta Pasianʼ Tapa, Khris na hi hi,” ci-in a dawng hi.

Hebru 10:27

a kihtakhuai thukhenna le Pasianʼ thu a nial mite a kaang tum ding meikuangpi bek om lai hi.

Late 50:22

“Tua ahih ciangin Pasian a mangngilh mite aw, hih thuciamteh un. Tua hikeileh note kong bal gawp ding hi. Note hong hon khia ding kuamah om lo hi.

Luka 21:11

Mun khempeuh ah nakpi takin zin hong liingin, kialpi le pulnatna zong hong tung ding hi. A kihtakhuai a tuamtuamte le lim lian pipi vanah hong kilang ding hi.

Isaiah 19:16

Tua ni ciangin Egypt mite, numei bang ding uh a, Vanglian Topa in amaute a khut a sinsanna hangin lau-in liing ding uh hi.

Sawltak 13:11

Tu-in Topa in nang hong su dinga, na mit taw-in tawl khat sung khua na mu kei ding hi,” a cih khit phetin, meii vom in Elymasʼ mit tuamcip a, a khut lenin amah a paipih ding mi a zawt kawikawi hi.

2 KORIN NIHNA 5:11

Pasian zahtak nading thu ka lungsim uh ah om tawntung ahih manin mite ka zol zawh nadingun ka hanciam uh hi. Pasian in koteʼ lungsim teltakin hong thei a, note in zong na lungsim uh ah kei hong thei dingin ka hong um hi.

Hebru 3:12

Sanggamte aw, a nungta Pasian kiang panin a paikhia zah dingin thu um lo, a gilo na om khak loh nadingun na kingaihsun un.