Hebru 10:27 - Tedim Bible Revision 2017

²⁷ a kihtakhuai thukhenna le Pasianʼ thu a nial mite a kaang tum ding meikuangpi bek om lai hi.

Tedim Bible

²⁷ daantatna thuak ding cih kihtakhuai a piang ding thu leh thu nial mite a siasak ding hehna meikuang bek a om lai hi.

Hebru 10:27 Referans Kwoze

Isaiah 26:11

Topa aw, amaute gim na piak ding lamtak na galte in thei lo uh hi. Amaute maizumna thuaksak inla, amaute adingin na geel sa gimnate amaute thuaksak in. Na mite na itna thu na galte tungah kilangsak in.

Hebru 2:3

Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.

Zefaniah 1:18

Topaʼ heh thuk ni hong tun ciangin a ngun le a khamte un amaute hon khia zo lo ding hi. Ama hehna meikuang in leitung khempeuh kaang tum dinga, thakhat thu-in leitung a teeng mi khempeuh a sumai ding hi.

Mangmuhna 20:15

A nungta mite a kigelhna laibu sungah a min a om lo peuhmah meiphual pi sungah kilawn hi.

Hebru 12:25

Tua ahih manin note tungah thu a hong gen paʼ thugen na ngaih loh khak ding uh kidawm un. Hih leitungah thu a gen paʼ thu a ngai lote suakta lo ahih manin vantung panin thu a hong gen paʼ thugen ngai kei lehang i suakta kei zaw kan lai ding hi.

Hebru 9:27

Mi khempeuh khatvei si-in, tua khit ciangin Pasianʼ thukhenna a thuak ding ahih mah bangin,

Mattiu 13:50

meikhuk pi sungah tua migilote a khul ding uh hi. Tua lai ah kapin a hagawi ding uh hi.

Mattiu 8:29

Amaute nakpi takin hong kiko uh a, “Pasianʼ Tapa aw, kote bang hong nuammawh na hi hiam? A hun tung nai lopi-in kote gim a pia dingin hong pai na hi hiam?” a ci uh hi.

Nahum 1:2

Topa Pasian in amah a demte koihkhong lo a, amah a langpangte gim pia-in a galte thukkik hi.

Jeim 5:3

Na ngun le na khamte uh kekseu khinta hi. Hih kekseuna pen note langah teci suak a, mei in a kattum bangin na sa uh hong ne tum ding hi. Hih a hun nunung ciangin tu-a bangin a piang dingin neihsa a khol na hi uh hi.

Hebru 12:29

Bang hang hiam cih leh eiteʼ Pasian pen a kaang tum thei meikuang tawh a kibang ahi hi.

Mattiu 25:41

“Tua ciangin a veilamah a om mite kiangah, ‘Pasian in a samsiat mite aw, keima kiang panin paikhia unla, Dawimangpa le a nungzuite adingin a kibawl meikuang tawntung sungah pai un.

Mattiu 13:42

meikhuk pi sungah tua bang mite lawn ding uh a, tua lai ah amaute kapin a hagawi ding uh hi.

Mattiu 3:12

Amah in a khut ah anzapna tawi-in a ante zap a, a taksate khawmin a ansal sungah koih dinga, a ansite ahihleh a mit ngei lo mei sungah a khul ding hi,” ci-in thu a hilh hi.

Mattiu 3:10

Tu mahmah in sing a bulphuk dingin hei tawh kingim zo hi. Tua ahih manin gah hoih a gah lo sing khempeuh kiphukin meikhuk sungah kikhul ding hi.

Malakhi 4:1

Vanglian Topa in hih bangin ci hi: “En un, mi kiphasak khempeuh le migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kaang tum khin ding uh hi.

Zefaniah 3:8

Topa in hih bangin thu gen a, “Tua ahih ciangin minamte ka mawhsak ni hun dong kei hong ngak phot dih un. Minamte le kumpi gamte kaikhawmin, ka hehna ka thuaksak ding, ka lungsim ka khensat khin hi. Ka hehluatna meikuang tawh leitung khempeuh kaang tum ding hi.

Joel 2:30

“Tua ciangin vantung le leitungah hilhkholhna lim ahi, sisan kiluansakna, meikatna le meikhu lompi hong om ding hi.

Hosea 10:8

Israel-te in milim bia-in mawhna a bawlna munte kisusia dinga, a biakna taute uh tungah ling le kiak a po ding hi. Tua ciangin mite in mual liante kiangah, “Hong vukcip un,” ci ding uh a, mual neute kiangah, “Hong deng cip un,” a ci ding uh hi.

Daniel 5:6

Tua ciangin kumpipa lau lua mahmah a, a mai daang gawpin a khut a liing kauhkauh hi.

Ezekiel 38:19

Tua ni ciangin ka hehluatna tawh Israel gamah nakpi takin zin liing hen, ka ci ding hi.

Ezekiel 36:5

“Topa Pasian ahi keimah in a kimkot ah a om minam dangte le a diakdiakin Edom mite tungah ka hehluatna tawh thu ka gen hi. Amaute in lungdamin nuihna le simmawhna tawh keima leitang la-in a tang uh hi.

Jeremiah 4:4

Judah mite le Jerusalem khua mite aw, Topaʼ thu zui unla, lungsim takpi tawh zui un. Na tua cih kei uh leh na bawl uh mawhnate hangin ka hehna mei bangin hong kuang khia dinga, a phelh zo kuamah om lo ding hi,” a ci hi.

Isaiah 33:14

Zion-a a om mawhnei mite lau uh a, Pasianʼ thu a ngaihsun lo mite lau-in liingcip uh hi. Amaute in, “Pasianʼ thukhenna pen a kuang tawntung mei tawh kibang hi. Tua bang meikuang kua in thuak zo ding ahi hiam?” ci uh hi.

Late 21:9

Na kilat ciangin meiphual kuang bangin amaute na hih ding hi. Topa in hehna tawh amaute nawmvalh dinga, meikuang in amaute kaang tum ding hi.

Thu-hilhkikna 32:43

Topaʼ mite phat un, no minam dangte aw; bang hang hiam cih leh amah in a nasemteʼ phu la a, a langte thuk-in, ama miteʼ gam adingin kilemna a bawl hi,” a ci hi.

Gamlak-vakna 16:35

Tua ciangin Topaʼ kiang panin mei hong paikhia a, paknamtui a pia mi za nih le sawm ngate kaang tum hi.

Luka 23:30

Tua hun hong tun ciangin mite in, ‘Mual lian mual neute in hong cipnelhin a si khin hi lehang ut zaw hang,’ ci ding uh hi.

Luka 21:26

Leitungah tu-in bang hong piang ding, ci-in a ngaihsut kawmun mite lau-in sibup ding uh hi. Vantung a om nate a pai ngei bangin pai nawn loin lampial mangkhin ding uh hi.

Luka 19:27

Tu-in, kumpi dingin kei a hong deih lo ka galte pen hih lai ah hong paipih unla, keima muhna ah that un,’ ci hi,” a ci hi.

Luka 16:24

Tua ahih manin nakpi takin kiko a, ‘Pa Abraham aw, kei hong hehpih in. Meiphual sungah omin nakpi takin gimna thuak ka hih manin Lazaras in a khutme dawn tui diahin ka leii hong votsak nadingin hong sawl in,’ a ci hi.

1 SAMUEL MASA 2:25

Mi khat midang khat tungah a khialh le ama adingin thukhente in palai sem ding hi. Ahih hangin mi khat Topaʼ tungah khial leh ama adingin kua in va thumsak ding ahi hiam?” a ci hi. Ahih hangin amaute in a paʼ thu ngai lo uh hi. Bang hang hiam cih leh tua pen amaute a thah nadingin Topaʼ deihna ahi hi.

Johan 5:29

han sung panin a hong paikhiat uh hun hong tung ding hi. A gamtat hoih mite pen a nungta tawntung dingin hong thokik ding uh a, a gamtat siate ahihleh mawhsak thukhenna a thuak dingin hong thokik ding uh hi.