Hebru 10:24 - Tedim Bible Revision 2017

²⁴ Khatlekhat ki-itin a hoih nate i sep nadingin kihanthawn ciat ni.

Tedim Bible

²⁴ Tua tham loin, itna lungsim neih nading ahi zongin, a pha-a gamtat nadingin kihansuah nading ahi zongin, khat leh khat kidomto ni.

Hebru 10:24 Referans Kwoze

1 THESALONIKA MASA 5:11

Tua ahih manin tu laitakin na om zia uh mah bangin khatlekhat kihanthawnin na kihuh ciat ta un.

1 JOHAN MASA 3:18

Ka it tate aw, i kampi bek tawh ki-it loin, lungsim takpi tawh ki-itin i gamtatna tawh kilangsak ni.

Hebru 13:1

Khris sungah unau bangin na ki-itna uh na zomsuak un.

Galati 5:13

Sanggamte aw, note na hih uh leh a suakta mi ahi dingin Pasian in a hong sap ahi hi. Ahi zongin tua suahtakna pen na pumpi uh ut bangbangin gamtat theih nadingin paulam zonna-in nei kei unla, itna tawh khatlekhat kikhualna-in zang zaw un.

Kolose 3:16

Khris thu a cing takin note lungsimah hong om henla, pilna tawh khatlekhat thu kihilhin na kitai un. Pasian tungah lungdam kohna-in Thuciam Lui sunga late, la thakte le biakna late na sa un.

Titu 3:8

Hih ka thugente a man mahmah ahi hi. Tua ahih manin Pasianʼ thu a um mite in gamtat hoih a neih theih nadingun hih ka hong thugente na lim ngaihsut ding ka deih hi. Ka hong thugente a hoih hi a, mite adingin a manpha vive ahi hi.

1 TIMOTI MASA 6:18

A hoih nate semin, gamtat pha-in, citna lungsim nei-in midangte a hopnop nadingun na hilh in.

Hebru 13:3

Amaute tawh thong a kia khawm bangin kingaihsunin thong sunga om mite na phawk un. Note zong leitung pumpi mah tawh a nungta lai na hih manun gimna a thuak mite na phawk un.

Galati 6:1

Sanggamte aw, mi khatpeuh a gamta khial a om ciangin, Kha Siangthoʼ deihna bangin a nungta note in tua a khial pa a manin a gamtatkik theih nadingin thunem zangin na huh un. Note in zong amah bangin ze-etna na tuah khak loh nadingun na kikem un.

1 KORIN MASA 10:33

Mite in hotkhiatna a ngah theih nadingin ka sepna khempeuh ah keima angsung ngaihsun loin mi khempeuh phattuam nading hanciamin, a kuamah peuh a lungkim nadingin ka gamtat mah bangin note zong na gamta un.

Galati 5:6

Bang hang hiam cih leh Jesu Khris tawh i kipawl ciangin vun atna le vun at lohna a thupi tuan om lo a, Khris i upna hangin midangte i itna a thupi hi bek hi.

2 KORIN NIHNA 8:8

Hih bang kong gen ciangin thupiakna tawh a hong gen hi loin, midangte in tua zahin mi huh nading kin ahihleh note in zong midang na itna uh bangzah taktak ahi hiam, ci-in ka theihnopna ahi hi.

Sawltak 11:29

Tua lai-a om thu um mite in amau hih zawh zah ciat hanciamin Judea gam a om thu um mite kiangah huhna a puak nading uh a vaihawm uh hi.

2 THESALONIKA NIHNA 3:9

Hih bangin ka gamtatna uh pen noteʼ hong piakte a khongin ne-in a zang dingin a kilawm mah hi napi-in, noteʼ etteh ding gamtatzia a hong lak ka hizaw uh hi.

Galati 5:22

Ahi zongin Kha Siangthoʼ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

2 KORIN NIHNA 9:2

Noteʼ huhnopna thu ka theih khit sa hi a, Masedonia gam a pawlpite kiangah zong note ka hong kisialh pih khit sa ahi hi. “Akhaia gam a pawlpite in ni kum a kipanin huh dingin a kithawi sa uh ahi hi,” ci-in ka na gen hi. Tua banga noteʼ lawpna in amaute tampi tak tha nuamsak hi.

ROM (Romans) 12:15

A lungdam mite lungdam pih unla, a dah mite dahpih un.

Titu 2:4

amaute sangin a nau zaw nupite in a pasalte uh le a tate uh a it nadingun a hilh ding,

1 KORIN MASA 9:22

Upna neu mite lakah na ka sep ciangin amaute ka ngah zawh nadingin amaute mah bangin ka gamta hi. Tua ahih manin ahih theihna lam peuhpeuh ah mite ka ngah zawh nadingin mi khempeuhʼ ngeina ka zui hi.

1 THESALONIKA MASA 1:3

Bang hang hiam cih leh i Pa Pasian kiangah thu ka nget simun noteʼ upna hangin na nuntak ziate uh, itna na neih manun nakpi takin na nasepnate uh le i Topa Jesu Khris hong paikik ding lametna na neih manun kip takin na omnate uh ka phawk tawntung uh hi.

ROM (Romans) 11:4

Ahi zongin Pasian in, “Baal milim a bia nai lo mihing tul sagih ka nei lai hi,” ci-in a dawng hi.

Late 41:1

Mi genthei a khualte thupha ngah ahi hi. Topa in haksatna hunah amaute hon khia ding hi.

Paunak 29:7

Midikte in mi cimawhte ading thu khual uh a, migilote in tua bang thukhualna thei lo uh hi.

Hebru 3:13

Lai Siangtho in, “Tu ni,” a cih pen eite tungah zong hong cihna hi lai ahih manin mawhnaʼ khem sa-in ta-in na lungsim uh na khauhsak khak loh nadingun khatlekhat kihanthawnin na kihuh zaw un.