Hebru 10:10 - Tedim Bible Revision 2017

¹⁰ Pasianʼ deihna bangin Jesu Khris gamta a, a tawntungin a kimang paisuak dingin ama pumpi biakna-in khatvei a kipiakna hangin eite khempeuh i mawhna panin a siang ihi hi.

Tedim Bible

¹⁰ Tua deihna tawh, Zeisu Khazih’ pumpi khatvei piakna hangin eite in siangthona i ngah hi.

Hebru 10:10 Referans Kwoze

Hebru 10:14

Mawhna panin a sianthosak mite, khatvei bek biakpiakna a bawlna tawh siangtho paisuaksak hi.

Hebru 10:12

Ahi zongin Khris in mawhna hangin khatvei a piak khit ciangin a tawntung adingin kimang ahih manin Pasianʼ taklam ah tu hithiat a,

1 KORIN MASA 6:11

Note pawl khat, tua bangin na gamta uh hi. Ahi zongin note pen i Topa Jesu Khris le i Pasianʼ Kha Siangtho hangin mawhna panin a hong kisiangsak khin sa, Pasianʼ tungah a kipia sa, Pasian tawh a kipawl sa mite na hi uh hi.

Hebru 7:27

Siampi lianpen dangte in nisimin amauʼ mawhna hangin biakna pia masa-in, tua ciangin midangteʼ mawhna hangin a piak niloh bang hi loin, amah khatvei bek a kipiakna tawh a tawntung adingin a kimang paisuak ahi hi.

Johan 17:19

Nangma tungah thuman takin amaute zong hong ki-ap theih nadingun amaute ka khualna-in nangma tungah kei ka hong ki-ap hi.

Hebru 13:12

Tua mah bangin Jesu in zong ama sisan tawh miteʼ mawhna a siansak theih nadingin khuapi pua lamah a si hi.

1 KORIN MASA 1:30

Ahi zongin Pasian in Jesu Khris hangin note tungah nuntakna hong pia a, tua Jesu Khris pen eiteʼ pilna, Pasian tawh i kipawl theihna, Pasianʼ mi siangtho suakin, hotkhiatna i ngah theihna ahi hi.

Hebru 9:28

mi tampiteʼ mawhna a thuak dingin Khris zong khatvei bek a kipia hi. A nih veina hong kilatkik ciangin mawhna thu tawh kisai nasem ding hi nawn loin, lawptakin amah a ngak mite a hon khia ding ahi hi.

Hebru 9:12

Siangtho Pen Mun ah a tawntungin a kimang dingin khatvei bek Khris a va lut ciangin biakpiak nadingin keel sisan le bawng no sisante va keng loin ama sisan va keng a, eite adingin tawntung hotkhiatna a hong ngahsak hi.

1 PETER MASA 2:24

Eite, mawhna lamah misi bangin, thuman lamah nungta-in i gamtat theih nadingin Khris mahmah in eiteʼ mawhna ama pumpi mahmah tawh singlamteh tungah a pua hi. B

Hebru 10:20

Ama pumpi mahmah ahi dalna puan tawnin nuntakna lampi ah i pai theih nadingin amah in lampi thak hong honsak hi.

Zekhariah 13:1

“Tua ni hong tun ciangin Davidʼ suanlekhakte le Jerusalem khua miteʼ mawhna le nitna teng khempeuh a silsiang dingin tuinak khat hong phul ding hi.

Hebru 9:26

Tua bangin va pai zelzel hileh leitung piancil a kipanin a va thuak zelzel ding ahi hi. Ahi zongin amah biakna-in a va kipiakna hangin a kimang paisuak a suah theih nadingin mawhmaisak nadingin hun bei kuan ciangin amah khatvei a va kipia hi.

Hebru 2:14

Tate a cih mite pen leitung cilesa a nei mite ahih manin, ama sihna hangin sihna a uk Dawimangpa a suk gawp theih nadingin Jesu in mihing pianzia mah hong nei phot hi.

1 JOHAN MASA 5:6

Hih Jesu Khris pen tui tawh kiphumna le a sisan luangin sihna tawh a hong pai hi a, tui bek tawh a hong pai hi loin tui le sisan tawh a hong pai ahi hi. Kha mahmah in hih thu a manna teci a pang hi. Kha pen thuman gen ahi hi.

Johan 19:34

Ahi zongin galkapte khat in a teipi tawh Jesuʼ pangpi a sut leh sisan le tui hong leeng khia hi.

Hebru 2:11

Mawhna panin mite a siangthosak pa le sianthosakna a ngah mite in, Pa, a kibang a neikhawm uh hi. Tua hi a, Jesu in mite, “Sanggam,” a cih ding zum ngaihsut lo ahih manin,

Hebru 10:5

Tua ahih manin leitungah Khris hong pai ciangin Pasian kiangah, “Ganhing le khawh sa tawh biakna na deih kei a, nang kong biak nadingin pumpi khat nong vaihawmsak hi.

Johan 6:51

Kei pen vantung panin a hong pai suk nuntakna an ka hi hi. Tua an a ne mi peuhmah nungta tawntung ding hi. Leitung mite a nuntak nadingin ka piak ding an pen keima sa ahi hi,” a ci hi.

Efesa 5:2

Khris in eite a hong it manin Pasian in eiteʼ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

Efesa 5:26

Pawlpi pen paubaanna a om het lo, a siangtho mahmah in Khris kiangah a kipiak theih nadingin Pasian thu tawh tui ah a silsiang khit ciangin Pasian kiangah a ap theih nadingin pawlpi adingin Khris a kipia ahi hi.

Hebru 5:7

Leitungah mihingin Jesu a om lai-in sihna panin amah a hon khia thei ding Pasian tungah thu ngenin khitui naptui tawh thumin na kiko hi.

Hebru 9:14

tawntung Kha Siangtho hangin Pasian tungah a cingtaak biakpiak nadingin Khris in a piak ama sisan in na tam sem khia zo zaw dinga, a nungta Pasianʼ na i sep theih nadingin bangmahin a kimang lo nasepna panin ama sisan in i lungsim hong siangsak ding hi.

Hebru 10:29

Tua bang ahihleh Pasianʼ Tapa a simmawh, mawhna a hong maisak Pasianʼ thuciamna sisan a thudon lo, Pasianʼ hehpihna a hong puak Kha Siangtho a hehsakteʼ thuak ding bangzah takin lian zaw kan ding ahi hiam?

1 PETER MASA 3:18

Khris mahmah zong note adingin si a, Pasianʼ kiangah hong tunpih theih nadingin mihoih khat pen mihoih loteʼ mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.