Hebru 1:11 - Tedim Bible Revision 2017

¹¹ Tua nate khempeuh mangthang dinga, nang na hih leh na om paisuak ding hi. Tua nate puan bangin luisuak thei dinga,

Tedim Bible

¹¹ Tuate a kisiat ding uh hangin, Nang na om tawntung ding hi; Tuate puan bangin a tul ding hi.

Hebru 1:11 Referans Kwoze

Isaiah 51:6

Dak to-in vantungte en unla, leitung zong en suk un. Bang hang hiam cih leh meikhu bangin vantungte mangthang hi. Puan bangin leitung paat khia dinga, ama tunga teengte pen thokang bangin si ding uh hi. Ahih hangin keima hotkhiatna kip tawntung dinga, keima khah khiatna bei ngei lo ding hi.

Marka 13:31

Vanlelei mangthang dinga, ahi zongin ka thugente mangthang ngei lo ding hi.

Isaiah 34:4

Vantung a a om khempeuh muat mang dinga, laidal bangin vantungte kizial ding hi. Leenggui panin a tehte pulhin, theikung panin a tehte a pulh bangin aksi hon khempeuh pulh ding uh hi.

Mangmuhna 21:1

Tua ciangin van thak khat le lei thak khat ka mu hi. Van masa le lei masa maimang khin a, tuipi zong om nawn lo hi.

Luka 21:33

Vanlelei a mangthang zongin ka thugente maimang ngei lo ding hi.

Mattiu 24:35

Vanlelei a maimang zongin ka thugente maimang ngei lo ding hi.

Hebru 12:27

“Khat vei liingsakkik lai ding,” a cih ciangin a kipiangsak nate kiliingsakin kipaai khia dinga, a kiliingsak lo nate kip lai ding ahihna thu hong kilangsak hi.

Isaiah 65:17

“Tu-in vantung thakte le leitung thak ka piangsak hi. A beisa thute kiciamteh nawn lo dinga, kiphawk kha nawn lo ding hi.

Late 90:2

Mual liante a kipiansak ma, leitang le leitung na bawl ma pek, a tawntung a kipan a tawntung dongin Pasian na hi hi.

Late 10:16

Topa, a tawntungin kumpi hi a, ama leitang panin minam dangte bei mang ding hi.

Mangmuhna 20:11

Tua ciangin tokhom kang a lian khat le a tungah a tupa ka mu hi. Ama omna panin lei le van leng khia mang a, a tunna mel uh kithei lo hi.

Mangmuhna 2:8

“Smyrna khua pawlpi vantungmi kiangah lai gelh inla, a kipatna le a tawpna, si ngei napi-in a hingkik paʼ thugen in:

Mangmuhna 1:11

“Na muhte khempeuh laibu sungah gelh inla, Efesa pawlpi, Smyrna pawlpi, Pergamum pawlpi, Thiatira pawlpi, Sardis pawlpi, Filadelfia pawlpi, Laodisia pawlpi, hih pawlpi sagihte kiangah khak in,” hong ci hi.

Isaiah 50:9

Topa Pasian in kei hong huh hi. Kua in kei mawh hi, ci-in gen thei ding ahi hiam? Amaute khempeuh puan bangin paat khia ding uh a, nget in amaute ne tum ding hi.

Isaiah 41:4

A kipat cil a kipanin a khangkhangin mite a sam, hih nasep semin a bawl kua ahi hiam? Keimah Topa in, a masa le a nunung ka hi a, kei pen Topa ka hi hi.

Late 29:10

Topa in tui thukpite uk a, a tawntung kumpi hihna tawh Topa a tu hi.

Isaiah 51:8

Bang hang hiam cih leh nget in puan a nektum bangin amaute bei mang dinga, lungno in samul puan a peh tum bangin amaute maimang ding uh hi. Ahih hangin keima khah khiatna om tawntung dinga, khang tawntungin ka hotkhiatna kip ding hi,” a ci hi.

Isaiah 44:6

Topa, Israel Kumpipa le amah Tan pa, Vanglian Topa in hih bangin gen a, “Kei pen a masa pen le a nunung pen ka hi hi. Kei sim loh pasian dang om lo hi.

Late 102:26

Amaute sia ding uh a, ahih hangin nang na kip ding hi. Puan bangin amaute paat khia ding uh hi. Nangmah in amaute puan bangin na khek a, amaute a maimang uh hi.

Hebru 8:13

Pasian in thuciamna thak a gen ciangin thu ciamna lui pen a bei-in a seh ahi hi. Tua a bei thuciamna pen a maimang ta ahi hi.