Haggai 2:4 - Tedim Bible Revision 2017

⁴ Tu-in note kuamah lungkia kei un. Note tawh hong om khawm ka hih manin nasep kipan un.

Tedim Bible

⁴ Tu-in Zerubbabel aw, thahat in Siampi lianpa, Jehozadak’ tapa Joshua aw, thahat in gam sunga om mi note khempeuh aw, thahat un Topa in ci hi. Note tawh hong omkhawm ka hih manin nasep kipan un.

Haggai 2:4 Referans Kwoze

1 KHANG TANGTHU MASATE 28:20

Tua ciangin David in a tapa Solomon kiangah, “Thakhauhin hang inla sem in. Lau kei in; bang hang hiam cih leh Topa Pasian, keima Pasian nangawn nang tawh hong om hi. Topaʼ biakinn sung nasepna khempeuh a kizawh matengin amah in nang hong tamasak lo dinga, hong nusia lo ding hi.

Zekhariah 8:9

“Thakhauhin lungsim hang un. Ka biakinn a kilamkikna ding a bul a kiphuh laitakin kamsangte in a gen thute mah a za na hi uh hi.

Joshua 1:9

Thu hong pia khin hi lo ka hi hiam? Thahat inla hang in. Lau kei inla lungkia kei in; bang hang hiam cih leh na paina peuhpeuh ah Topa na Pasian nang tawh hong om hi,” a ci hi.

2 SAMUEL NIHNA 5:10

David lian semsem hi; bang hang hiam cih leh Vanglian Pasian, Topa in amah ompih hi.

Thu-hilhkikna 31:23

Tua ciangin Topa in Nunʼ tapa Joshua sawlin, “Thahat inla hang in; bang hang hiam cih leh amaute piak dingin ka kiciam leitang tungah Israel mite na paipih dinga, nang tawh kong om ding hi,” a ci hi.

2 TIMOTI NIHNA 2:1

Ka ta aw, nang na hih leh Khris Jesu tawh i kipawl manin i ngah hehpihna hangin thahatin om in.

1 KHANG TANGTHU MASATE 22:13

Tua ciangin Israel-te adingin Topa in Moses a piak thukhamte le biakna ngeina kipte zuih ding na kidop nakleh na maavang ding hi. Thakhauh inla hang in. Lau kei inla lungkia kei in.

2 TIMOTI NIHNA 4:17

Ahi zongin Topa in kei hong ompih a, Gentail mi khempeuh tungah Pasianʼ thu a kicingin ka gen theih nadingin thahatna a hong pia hi. Tua ahih manin sih nading thukhenna pan hong suaktasak hi.

Efesa 6:10

Tu a kipanin Topa tawh na kipawlna uh le ama vangliatna hangin na tha uh khauhsak ta un.

1 KORIN MASA 16:13

Kiging tawntungin na upna uh ah kip unla, thahatin hang un.

Haggai 1:13

Tua ciangin Topaʼ kamtai Haggai in mite tungah Topaʼ thugente gen sawn a, “Topa in note kong ompih hi,” ci hi, ci-in a gen hi.

Sawltak 7:9

“I pupi dangte in Josef na haza uh a, mi tungah na zuakin, a leite in Egypt gamah sal dingin a na zuak sawn uh hi. Ahi zongin Pasian in i pupi Josef na huh a,

Marka 16:20

Nungzuite zong mun khempeuh ah pai-in thu a hilh uh hi. Topa in zong amauteʼ nasep seppih a, a thuhilhnate uh man hi, ci-in a lahna-in amaute tungah vangliatna limte a pia hi.)

Joshua 1:6

Thahat inla, hang in; bang hang hiam cih leh amaute piak dingin a pu a pate uh tungah ka ciam leitang hih mite na luahsak ding hi.

Paikhiatna 3:12

Amah in, “Nang tawh kong om taktak ding hi. Hih pen nangma adingin nangmah kong sawlna lim hi ding hi: Nangmah in Egypt panin mihingte na paikhiatpih khit ciangin, nang in hih mual tungah Pasian na bia ding hi,” a ci hi.

1 SAMUEL MASA 16:18

Tangvalte khat in dawngin, “En un, Bethlehem mi Jessiʼ tapa, a tumsiam, a thahat, a galhang mi, thugen a siam, a om nuam mi khat ka mu a, Topa in amah a ompih mi khat ahi hi,” a ci hi.

Thukhente 2:18

Topa in amaute adingin thukhente a khansak sialin Topa in thukhente huh a, thukhenteʼ nuntak sung tawntung a galte uh khut sung panin amaute hon hi. Bang hang hiam cih leh amaute a gimsak a nengniamteʼ hangin amauʼ tauna in Topaʼ hehpih nading piangsak hi.

Ezra 5:2

Tua ciangin Shealtielʼ tapa Zerubbabel le Jozadakʼ tapa Jeshua, Jerusalem-a Pasianʼ biakinn lamkik ding kipan pah uh a, Pasianʼ kamsangte in amaute ompihin huh uh hi.

Ezra 10:18

Siampite beh lak panin Jozadakʼ tapa Jeshua le a sanggamte beh sung panin Maaseiah, Eliezer, Jarib le Gedaliah-te in gamdang numei a tenpihna kimu hi.

Zekhariah 4:6

Tua ciangin vantungmi in kei kiangah, “Topa in Zerubbabel tungah hih bangin thu gen hi: Galkap tam neihna hang hi lo, nangma vangliatna hang zong hi lo, keima tung panin na ngah vangliatna bek tawh na ma na tun zo ding hi.