Haggai 2:22 - Tedim Bible Revision 2017

²² Kumpipaʼ gam khempeuh lumletin a vangliatna uh a beisak ding ka hi hi. Leengte le leeng hawlte ka lawnthal dinga, sakol leengte le a tung tuangte puk ding uh a, amaute khatlekhat kithat lum ding uh hi.

Tedim Bible

²² Kumpi gam khempeuh lumletin a vangliatna uh a beisak ding ka hi hi. Leengte leh leeng hawlte ka lawnthal ding a, sakol leengte leh a tung tuangte puk ding uh a, amaute khat leh khat kithat lum ding uh hi.

Haggai 2:22 Referans Kwoze

Micah 5:10

Topa in hih bangin ci hi: Tua hun ciangin na sakolte uh hong paih khiatsakin, na leengte uh ka susia ding hi.

Thukhente 7:22

Amaute in peengkul za thumte a tum uh ciangin, Topa in a galte khempeuh a namsau uh tawh amau le amau kisat gawpsak hi. Tua ciangin a galte uh Zererah gei Beth-shittah ciang le Tabbath kiang Abel-meholah gamgi dong tai uh hi.

Mattiu 24:7

Gam khat le gam khat, kumpi khat le kumpi khat hong kido dinga, mun tuamtuam ah kialpi hong tungin, zin hong liing ding hi.

Zekhariah 10:11

Amaute in lungkhamna tuipi a phutkhak uh ciangin keimah in tuihualte ka vatmai dinga, Nail gun tui thukte kangcip ding hi. Assiria mite ka niamkhiat dinga, Egypt in a vangliatna taan ding hi.

Zekhariah 4:6

Tua ciangin vantungmi in kei kiangah, “Topa in Zerubbabel tungah hih bangin thu gen hi: Galkap tam neihna hang hi lo, nangma vangliatna hang zong hi lo, keima tung panin na ngah vangliatna bek tawh na ma na tun zo ding hi.

Zefaniah 3:8

Topa in hih bangin thu gen a, “Tua ahih ciangin minamte ka mawhsak ni hun dong kei hong ngak phot dih un. Minamte le kumpi gamte kaikhawmin, ka hehna ka thuaksak ding, ka lungsim ka khensat khin hi. Ka hehluatna meikuang tawh leitung khempeuh kaang tum ding hi.

Micah 5:15

Keima thu a hong mang lo minamte tungah hehna tawh phu ka la ding hi.

Ezekiel 39:20

Amaute in ka sabuai tungah, sakolte le a tunga tuangte, galkapte le galkap maangteʼ sa, a nek zawh zahzah uh ne ding uh hi. Topa Pasian in hih thu ka gen khin hi,” hong ci hi.

Late 46:9

Amah in leimong dongah gal beisak hi. Amah in thalpi kuaitanin teipi susia a, leengte mei tawh a hal tum hi.

Daniel 8:25

A lungsim daplan lua ahih manin zuauphuah siamna tawh a hih khempeuh a tangtun ding hi. Amah kiliansak lua-in theih kholh lohin mi tampi susia-in, a lian pen kumpiteʼ kumpipa nangawn a langpan ding hi. Ahih hangin mihing thahatna kizang loin amah a kisusia ding hi.

Late 76:6

Jakobʼ Pasian aw, nangma thuhilhna hangin sakol le a tung tuang pa khawlcip uh hi.

Mangmuhna 11:15

Tua ciangin a sagihna vantungmi in a peengkul hong tum a, vantungah nakpi takin aw hong ging a, “Leitung uk nading aana neihna pen i Topa Khris aʼ hong suak khin a, amah in a tawntungin uk paisuak ding hi,” hong ci hi.

Zekhariah 14:3

Tua ciangin Topa hong kuan khia dinga, a beisa hunah a sim ngei bangin hih minam dangte hong sim ding hi.

Zekhariah 9:10

Gal kidona leengte Israel gam pan beisakin, sakol galkapte, Judah gam pan ka la khia dinga, galdona a kizang thalte kisusia ding hi. Na kumpipa un minam dangte lakah kilemna thu gen dinga, amah in tuipi mong khat pan tuipi mong khat dong, Eufratis Gunpi panin leimong dongin a uk ding hi.

Micah 5:8

A om lai Israel mite pen minam dangteʼ lakah, gamlak ah sa a beng, tuute a tuah ciangin manin balnen gawp a, a kam sung pan a hon khia zo a om lo, humpinelkai a bang ding uh hi.

Ezekiel 21:27

Siacip! Siacip! Hih khuapi ka sia cimitsak dinga, a mel a mang zong kimu nawn lo ding hi. A uk dingin a kilawm mipa hong om ciang bekin ama khut sungah ka pia ding hi.

Isaiah 60:12

Bang hang hiam cih leh nangma na hong sem lo minam le kumpi gam bei mang dinga, tua minamte kisia-mai mang ding hi.

Isaiah 19:2

Egypt mite amau le amau ka kitawngsak ding hi. Mi kim in ama veengte ciat do dinga, khua khatlekhat kido-in, mi khatlekhat kumpi za kituh ding hi.

Isaiah 9:19

Vanglian Topa’ hehna hangin meikuang bangin gam sung kaang a, mite pen mei a kicih sing tawh kibang uh hi. Kuamah in a sanggampa nangawn zah tuan lo hi.

2 KHANG TANGTHU NIHNATE 20:22

Amaute in la sa-in phat ding a kipat uh ciangin, Judah mite a sim dingin a hong pai Ammon mite, Moab mite le Seir Mual gam mite a pangsim ding Topa in koih a, amaute kizo hi.

1 SAMUEL MASA 14:16

Benjamin-teʼ gam sunga Gibeah-a Saulʼ galvilte in a et uh ciangin hih lam hua lamah mihonte a kikhiin muaimuai a mu uh hi.

Paikhiatna 15:19

Faroʼ sakolte ama leengte tawh, a sakol tung tuangte tuipi sungah a pai ciangin, Topa in tuipi tuite amaute tuumsakkik a, ahi zongin Israel mite tuipi laizang lei keu tungah a pai uh hi.

Paikhiatna 14:28

Tui hong paikikin leengte le sakol tung tuangte le tuipi sungah amaute a delh Faroʼ mihonpite khempeuh tuum a, amaute khat zong suakta lo hi.

Paikhiatna 14:17

Amauʼ nungah Egypt mite hong pai-in, keimah in Faro le a mihonpite khempeuh, a leengte le a sakol tung tuangte ka zawhna hangin minthanna ka ngah nadingin keimah in Egypt miteʼ lungsim ka khauhsak ding hi.

Paikhiatna 15:4

“Faroʼ leengte le a mihonpite tuipi sungah lawn a, a kiteng khia ama uliante San Tuipi sungah tum hi.

2 KHANG TANGTHU NIHNATE 20:23

Bang hang hiam cih leh Ammon mite le Moab mite in Seir Mual a, a teengte a do dingin kipanin amaute susia mang uh a, Seir-a a teengte a beisak khit uh ciangin amaute khatlekhat kisusia uh hi.

Ezekiel 26:16

Tuipi a zang minamteʼ kumpite, a kumpi tokhom tung uh panin kum khia ding uh a, a kumpi puante uh le a puan hoih silhte uh suah khia-in, leilak ah tu-in, lau-in a liing ding uh hi. Nangma thuakna hong muh manun lau mahmah ding uh a, a ci-lin uh pha thei lo ding hi.

Ezekiel 38:21

Gimna a tuamtuamte tawh Gog ka lausak gawp ding hi. Topa Pasian in hih thu ka gen khin hi. Ama mite khatlekhat namsau tawh kisat gawp ding uh hi.

Amos 2:15

Thaltawite nangawn in do zo lo dinga, a tai hatte nangawn kisuahtak zo lo dinga, sakol tung tuangte nangawn in a nuntakna suahtak zo lo ding hi.

Micah 7:16

Minam dangte in hih thu mu ding uh a, minam thahat hi napi-in a maizum ding uh hi. Lamdang sa-in kam khat zong pau lo ding uh a, hih thu a zakzakna un a bil uh ngong liang ding hi.

Zekhariah 10:5

Kongzing buannawng lakah a galte uh a tuancil gawp galkapte bangin amaute gualzo ding uh a, Topa in a ompih manin amaute in gal a sim uh ciangin a galteʼ sakol galkapte zo gawp ding uh hi.

2 KHANG TANGTHU NIHNATE 15:6

Pasian in lungkhamna nam khempeuh tawh buaisak ahih manin minam khat le minam khat, khuapi khat le khuapi khat kido-in amaute kitam kham uh hi.

Micah 5:9

Israel-te in a gal khempeuh uh zo gawpin a susia mang ding uh hi.

Zekhariah 12:9

Jerusalem sim ding a hanciam minam khempeuh tua ni ciangin ka susia ding hi.