Haggai 2:2 - Tedim Bible Revision 2017

² Judah gam ukpa Zerubbabel, siampi lianpen pa Joshua le mi khempeuh tungah thu a gen dingin sawl a,

Tedim Bible

² Judah gam ukpa Zerubbabel, siampi lianpa Jehozadak’ tapa Joshua leh sal suahna panin hong ciakkik mi khempeuh tungah thu a gen dingin sawl a,

Haggai 2:2 Referans Kwoze

Haggai 1:1

Persia gam uk kumpi Darias in a uk a kum nihna kum, a kha gukna a ni masa ni-in, kamsang Haggai tungah Topa in thu gen hi. Tua a thugen pen, Shealtielʼ tapa Zerubbabel, Judah gam ukpa le Jehozadakʼ tapa Joshua, siampi lianpen pa tungah gen ding ahi hi.

Haggai 1:14

Tua hi a, Topa in Judah gam ukpa Zerubbabel, siampi lianpen pa Joshua le salsuahna panin a hong ciahkik mi khempeuhʼ sungah biakinn lam nopna lungsim a guan hi. Vanglian Topa, amauʼ Pasianʼ biakinn a lam dingin hong kithawi uh a,

Nehemiah 8:9

Tua ciangin a gam ukpa Nehemiah, lai thei pa lah hi-in siampi lah ahi Ezra le mite a hilh Levi mite in amaute khempeuh kiangah, “Tu ni pen Topa noteʼ Pasian adingin biakna ni siangtho ahi hi; a kap a mau om kei un,” a ci hi. Bang hang hiam cih leh thukham kammalte a zak uh ciangin mi khempeuh kap uh hi.

Ezra 2:63

Urim le Thummim aisanna tawh ai a san ding siampi khat a om mateng amaute in biakna an siang pente a nek loh nading uh gam ukpa in a gen hi.

Ezra 1:8

Persia kumpi Sairas in hihte pusuah in sumkem pa Mithredathʼ khut sungah ap hi. Tua pa in Judah ukpa Sheshbazzar adingin a malzah simin sazian bawlsak hi.

Ezra 3:2

Tua ciangin Jozadakʼ tapa Jeshua le a siampipihte le Shealtielʼ tapa Zerubbabel le a behte hong kipan uh a, Pasianʼ mi Moses thukham sungah a kigelh bangin meihal biaknate piak nadingin Israel Pasian biakna tau a bawl uh hi.

Haggai 1:12

Tua ciangin Sheatielʼ tapa Zerubbabel, Jehozadakʼ tapa Joshua ahi siampi lianpen pa le salsuahna panin hong ciahkik mi khempeuh in Topa ahi amauʼ Pasianʼ thu mang uh a, Topa Pasianʼ kamtai ahi kamsang Haggaiʼ gen bangin gamta-in, Topa zahtakin a lau uh hi.