Haggai 1:9 - Tedim Bible Revision 2017

⁹ “An hau dingin na kilamet uh hangin tawmcik bek na nei uh hi. Na neihsunte nangawn uh inn na tunpih uh hangin kong mut khiatsak mangkhin hi. Bang hangin tua cih ka hi hiam? Note khempeuh, nomauʼ inn ding ciat lamin na manlah uh a, ka biakinn a siapi-in na koih dakna hang uh ahi hi.

Tedim Bible

⁹ An hau dingin na kilamet uh hangin tawmcik bek na nei uh hi. Na neihsunte nangawn uh inn na tun’pih uh hangin kong mutkhiatsak mang khin hi. Bang hangin hong tua cih ka hi hiam? Note khempeuh, nomau’ inn ding ciat lamin na manlah uh a, ka biakinn a siapi-in na koihdakna hang uh ahi hi.

Haggai 1:9 Referans Kwoze

Haggai 1:4

“Ka mite aw, ka biakinn a siacipin a om laitakin, inn hoih pipi sungah note na om ding uh kilawm sa na hi uh hiam?

Mangmuhna 3:19

Ka it mite thuhilhin ka taii hi. Tua ahih manin lungsim tak tawh na mawhna panun kisikkik un.

Malakhi 2:2

Na gamtatna uh tawh kei nong zahtak ding uh hi. Ka thugente ngai loin, thupi takin na lak kei uh leh note tungah samsiatna ka hong tungsak dinga, siampi hihna tawh na ngah uh thuphate tungah samsiatna ka tungsak ding hi. A taktakin ci lehang, note in ka thupiaknate thupi lak lo na hih manun na thupha ngahte uh tungah samsiatna ka tungsak zo hi.

Haggai 1:6

Khaici tampi na tuh uh hangin an tawm bek na la uh a, annek ding na neih tei uh hangin na kham ding uh na nei kei uh hi. Dawn ding leenggahzu na neih tei uh hangin na kham ding uh na nei kei uh hi. Puansilh ding na neih tei uh hangin a lum khop ding na nei kei uh hi. Sum thalawhte in zong a khamkhop ding uh thalawh zo lo uh hi.

Isaiah 40:7

Topa’ hu in a mut ciangin lopa vulin, pak a pulh hi. Mihingte lopa bang lel hi taktak hi.

Mangmuhna 2:4

Ahi zongin note ka hong mawhsakna khat om a, tua in: A masa lai-a kei na hong it bangun tu-in na hong it nawn kei uh hi.

JOB (Job) 10:2

Pasian kiangah hih bangin ka ci ding hi: Kei hong mawhsak kei in. Kei nong langpanna thu hong gen in.

2 KUMPI NIHNATE 19:7

En un, keimah in ama tungah thu khat ka piangsak dinga, amah in kamdawn khat za-in a gamah ciahkik ding hi. Ama gam mahah namsau tawh amah a tuk nading ka piangsak ding hi,” ci hi,’ ci un,” a ci hi.

2 SAMUEL NIHNA 22:16

Tua ciangin Topaʼ mawhsakna awging lianpi hangin tuipi tawte kidawk a, lei bulpite a guakin om hi.

2 SAMUEL NIHNA 21:1

Tu-in kum khat khit kum khat, Davidʼ hun sungin kum thum sung kialpi tung hi. Tua ciangin David in Topaʼ kiangah thu dong hi. Topa in, “Amah in Gibeon mite that ahih manin Saul le a innkuan tungah mi thahna hanga mawhna om hi,” a ci hi.

Paunak 27:20

Mihingteʼ lungsim pen misiteʼ gam tawh kibang a, tam lua cih hun nei thei lo hi.

Thuhilh-sia 1:8

Na khempeuh lunggimhuai a, kuama gen zawh ding hi lo hi. Mit in a muh cim thei lo a, bil in a zak cim thei lo hi.

Ezekiel 21:31

Note tungah ka hehna kong khah dinga, mei-am kuang hong bang ding hi. Mi thah a siam, migiloteʼ khut sungah note kong pia ding hi.

Siampi Laibu 19:25

Ahih hangin a kum ngana ciangin tuate pen note adingin hong gah semsem nadingin tuateʼ gah na ne thei ding uh hi; kei pen Topa na Pasian uh ka hi hi.

Thu-hilhkikna 28:38

“Khaici tampi lo ah na tuh ding uh a, ahi zongin tawmno bek na khawm ding uh hi; bang hang hiam cih leh kauphe in ne mang ding hi.

Paunak 11:24

Mi pawl khat in sum zang ziahziah napi-in hau semsem uh a, mi pawl khat cil mahmah napi, zawng semsem hi.

Isaiah 5:10

Bang hang hiam cih leh leenggah lo eka sawm in phelpi khat dim bek gah dinga, khaici beem khat in an seu khat bek piangsak ding hi,” ci hi.

Jeremiah 12:13

Amaute in mangbuh tuh uh a, ahi zongin kiak bek a ngah uh hi. Nasep a hahkat mahmah hangun bangmah a ngah kei uh hi. A kihtakhuai Topaʼ hehna hangin anlak hun ciangin a maizum ding uh hi,” a ci hi.