Haggai 1:8 - Tedim Bible Revision 2017

⁸ Tu-in mual tungah kuan to unla, sing sui un. Tua singte tawh biakinn lamkik le-uhcin kei ka lungkim dinga, nong biak ding uh a kilawm bangin kei nong bia thei ding uh hi.

Tedim Bible

⁸ Tu-in mual tungah kuanto un la, sing sui un. Tua singte tawh biakinn lamkik le uh cin, kei ka lungdam ding a, nong biak ding uh akilawm bangin kei nong bia thei ding uh hi.

Haggai 1:8 Referans Kwoze

Ezra 3:7

Tua hi a, amaute in suangseekte le khutsiamte tungah sum pia uh a, Persia kumpi Sairasʼ tung panin a thu ngahna bangun Lebanon mual tung gam panin tuipi gei Joppa khua ah taamtak singte a hong puak suk ding Sidon khua mite le Taia khua mite tungah zong an nek tui dawn le sathau a pia uh hi.

2 KHANG TANGTHU NIHNATE 7:16

Bang hang hiam cih leh a tawntungin ka min a om theih nadingin keimah in hih biakinn teelin ka ap khin a, ka mit tawh enin ka lungsim a tawntungin tua lai ah om ding hi.

Haggai 2:7

Minam dang khempeuh lok gawp ding ka hih manin a neihsa uh sum le paite, hih munah hong kipuak dinga, biakinn sungah a dimin van hong om ding hi.

1 KUMPI MASATE 9:3

Topa in ama kiangah, “Keima mai ah na hih sa na thungetna le na thumnate ka za khin hi. Na lam sa hih biakinn ka ap khin hi. A tawntungin tua biakinn sungah kei hong kibia dinga, a tawntungin tua biakinn ka hu ding hi.

Paikhiatna 29:43

Tua lai ah Israel mite tawh ka kituah dinga, keima vang in tua mun siangthosak ding hi.

Haggai 2:9

Biakinn thak pen a lui sangin hoih zaw-in thupi zaw ding hi. Hih biakinn ah cihtheihna le nopsakna kong pia ding hi,” cisak hi.

Isaiah 60:13

Keima biakinn mun a mel a hoihsak dingin Lebanon mual minthanna ahi taaksan sing, hiangpa sing le taksingte na kiangah hong tung dinga, keima khengakna mun ka min thangsak ding hi.

Isaiah 60:7

Kedar gam tuuhonte khempeuh nang kiangah hong kipua dinga, Nebaioth miteʼ tuutalte nangma deih nana ah kizang ding hi. Ka biakna tau tungah piak dingin tuate hong kipaipih dinga, keimah in a minthang ka biakinn ka min thangsak semsem ding hi.

Ezra 6:4

a kawm pen suang thuap thum le sing thuap khat tawh a kibawl, thuap li hi ding hi. Hih sum beinate ahihleh kumpi sum panin kipia ding hi.

1 KUMPI MASATE 6:1

Egypt gam panin Israel mite a paikhiat zawh kum za li le kum sawm giatna, Israel-te tungah Solomonʼ uk a kum lina, a kha nihna ahi Ziv kha-in amah in Topaʼ biakinn lam ding kipan hi.

Haggai 1:7

Tua ahih ciangin Vanglian Topa in ka hong cih in ah: Tu laitak a na om zia uh limtakin ngaihsun un.

1 KHANG TANGTHU MASATE 22:19

Tu-in Topa na Pasian uh a zong dingin na ngaihsutna uh le na lungsim uh kipsak un. Topaʼ min dingin a kilam biakinn sungah Topaʼ Thuciamna Singkuang le Pasianʼ umlebeel siangthote a kipaipih theih nadingin kithawi unla Topa Pasianʼ biakinn lam un,” a ci hi.