Haggai 1:6 - Tedim Bible Revision 2017

⁶ Khaici tampi na tuh uh hangin an tawm bek na la uh a, annek ding na neih tei uh hangin na kham ding uh na nei kei uh hi. Dawn ding leenggahzu na neih tei uh hangin na kham ding uh na nei kei uh hi. Puansilh ding na neih tei uh hangin a lum khop ding na nei kei uh hi. Sum thalawhte in zong a khamkhop ding uh thalawh zo lo uh hi.

Tedim Bible

⁶ Khaici tampi na tuh uh hangin an tawm bek na la uh a, an nek ding na neih tei uh hangin na kham ding uh na nei kei uh hi. Dawn ding leenggahzu na neih tei uh hangin na kham ding uh na nei kei uh hi. Puan silh ding na neih tei uh hangin a lum khop ding na nei kei uh hi. Sum thalawhte in zong a khamkhop ding uh thalawh zo lo uh hi.

Haggai 1:6 Referans Kwoze

Haggai 1:9

“An hau dingin na kilamet uh hangin tawmcik bek na nei uh hi. Na neihsunte nangawn uh inn na tunpih uh hangin kong mut khiatsak mangkhin hi. Bang hangin tua cih ka hi hiam? Note khempeuh, nomauʼ inn ding ciat lamin na manlah uh a, ka biakinn a siapi-in na koih dakna hang uh ahi hi.

Hosea 4:10

Amaute, pasian dangte a bia dingin kei kiang panin kihei khia uh ahih manin biakpiakna a sa tanhte uh a nek hangun a gil uh vah tuan lo ding hi. Mi punna ding deihna-in biakpiakna-in numei tawh mawhna a bawl uh hangin mi pung tuan lo ding hi.

Haggai 2:16

An seu sawm nih pha ding ci-in ansal ah na pai uh ciangin seu sawm bek na pha a, leenggahzu thawlpi sawm nga pha ding ci-in leenggahzu kholna beel pi ah na pai uh ciangin thawlpi sawm nih dim bek a na pha hi.

Hosea 8:7

Paunak ah, Huih a tuhte in huih ngahkik dinga, a vui om lo ankung in annek ding piangsak lo hi, kici hi. A vui om lo ankung panin an kingah mah taleh zong gamdang mite in ne tum ding hi.

Malakhi 2:2

Na gamtatna uh tawh kei nong zahtak ding uh hi. Ka thugente ngai loin, thupi takin na lak kei uh leh note tungah samsiatna ka hong tungsak dinga, siampi hihna tawh na ngah uh thuphate tungah samsiatna ka tungsak ding hi. A taktakin ci lehang, note in ka thupiaknate thupi lak lo na hih manun na thupha ngahte uh tungah samsiatna ka tungsak zo hi.

Isaiah 5:10

Bang hang hiam cih leh leenggah lo eka sawm in phelpi khat dim bek gah dinga, khaici beem khat in an seu khat bek piangsak ding hi,” ci hi.

Zekhariah 8:10

Tua hun ma-in mi ahi a, ganhing ahi zongin na a sem dingin kuamah in cial zo lo a, galte kihtakna hangin kuamah a ututin om thei lo hi. Mi khatlekhat ka kidosak hi.

Zekhariah 5:4

Vanglian Topa in hih samsiatna a khah khiatna ding thu gen a, guta mite khempeuh le a man loin ka min tawh thuciam mite khempeuhʼ inn sungah lut ding hi. Tua bang miteʼ inn sungah a tawntungin hamsiatna omin, amaute a kipan a sing a suang, a vekpi-in sumai ding hi,” hong ci hi.

Jeremiah 44:18

Ahih hangin vantung kumpinu kiangah paknamtui halna le tui dawn biakna ka hih nawn loh uh a kipan bangmah ka nei nawn kei uh a, namsau le kial in hong that lum zawsop hi,” a hong ci uh hi.

Jeremiah 14:4

Lokhote lungmang uh a, a lu uh puan a khuh uh hi. Bang hang hiam cih leh guah zu lo ahih manin lei a keu gawp hi.

JOB (Job) 20:28

Pasianʼ hehna hangin ama hauhna khempeuh a kisusia mang ding ahi hi.

JOB (Job) 20:22

A cihtheih pen hun laitakin lungkhamna lian pen a tuak hi.

1 KUMPI MASATE 17:12

Tua ciangin amah in, “Topa na Pasian a nungta ahih mah bangin em sa bangmah ka nei kei a, beel sungah annel khut dim khat le um sungah sathau tawmno khat bek om hi. Tu-in keimah le ka tapa adingin tuate bawlin kote in ka nek theih nadingun singkang nih khawng a tom ka hi a, tua ciangin a si ta ding ka hi uh hi,” a ci hi.

2 SAMUEL NIHNA 21:1

Tu-in kum khat khit kum khat, Davidʼ hun sungin kum thum sung kialpi tung hi. Tua ciangin David in Topaʼ kiangah thu dong hi. Topa in, “Amah in Gibeon mite that ahih manin Saul le a innkuan tungah mi thahna hanga mawhna om hi,” a ci hi.

Siampi Laibu 26:26

Keimah in noteʼ nuntakna an ka suksiat ciangin, an kicing lo ahih manin nupi sawm in meibung khat sungah na anlum uh em khawm dinga, na anlum uh a tawi tehin hong pia khiakik ding hi. Note in na ne ding uh a, na kham zo kei ding uh hi.

Siampi Laibu 26:20

Na leitang un an piangsak loin, na gam sung uh a kungte in amauʼ gah gah lo ding ahih manin noteʼ thatang a mawkna-in a bei hi ding hi.

Nehemiah 5:2

Mi pawl khatte in an lei nadingin a tanute uh le a tapate uh a piakna thu hong gen uh hi.

Jeremiah 12:13

Amaute in mangbuh tuh uh a, ahi zongin kiak bek a ngah uh hi. Nasep a hahkat mahmah hangun bangmah a ngah kei uh hi. A kihtakhuai Topaʼ hehna hangin anlak hun ciangin a maizum ding uh hi,” a ci hi.

Haggai 1:5

Tua ahih ciangin Vanglian Topa in ka hong cih in ah: Tu laitak a na om zia uh limtakin ngaihsun un.

Haggai 1:7

Tua ahih ciangin Vanglian Topa in ka hong cih in ah: Tu laitak a na om zia uh limtakin ngaihsun un.

Haggai 1:10

Tua thu hangin guah zu lo a, leitang panin bangmah khang khia zo lo hi.

Haggai 2:17

Na an ciin khempeuh uh cingteek sakin ka kausansak a, tuate nangawn a susia dingin gialpi ka kiatsak hangin note na kisik nuam kei lailai uh hi.

Thu-hilhkikna 28:17

“Na lawhte uh le na annel mekna kuangte un zong samsiatna ngah ding hi.

Paunak 11:24

Mi pawl khat in sum zang ziahziah napi-in hau semsem uh a, mi pawl khat cil mahmah napi, zawng semsem hi.