Haggai 1:4 - Tedim Bible Revision 2017

⁴ “Ka mite aw, ka biakinn a siacipin a om laitakin, inn hoih pipi sungah note na om ding uh kilawm sa na hi uh hiam?

Tedim Bible

⁴ “Ka mite aw, ka biakinn a siacipin a om lai takin, inn hoihpipi sungah note na om ding uh kilawm ahi hiam?

Haggai 1:4 Referans Kwoze

2 SAMUEL NIHNA 7:2

kumpipa in kamsang Nathan kiangah, “Tu-in thei in; keimah taamtak inn hoih sungah ka om a, ahih hangin Pasianʼ Thuciamna Singkuang puanbuk sungah om lai hi,” a ci hi.

Filippi 2:21

A dangte in ahihleh Jesu Khris thu kin loin, amauʼ aituam vai bek lunghimawh uh hi.

Haggai 1:9

“An hau dingin na kilamet uh hangin tawmcik bek na nei uh hi. Na neihsunte nangawn uh inn na tunpih uh hangin kong mut khiatsak mangkhin hi. Bang hangin tua cih ka hi hiam? Note khempeuh, nomauʼ inn ding ciat lamin na manlah uh a, ka biakinn a siapi-in na koih dakna hang uh ahi hi.

Mattiu 6:33

Thudang khempeuh sangin Pasianʼ ukna le ama deihna na zuih theih nading uh thupi ngaihsut masa zaw un. Tua hileh hih na kisapna dangte khempeuh uh zong hong pia thuah veve ding hi.

Jeremiah 52:13

Amah in Topaʼ biakinnpi a kipan kumpipaʼ inn le Jerusalem khua-a inn lian khempeuh a hal hi.

Micah 3:12

Tua ahih manin noteʼ hangin lo khawh bangin Zion kikho-in, Jerusalem, nin kipaihna phualpi hong suak dinga, biakinn omna mual, gamlak a suak ding hi.

Kah la 4:1

Biakinnpi kisia ta a, suang kiciangte kongzing lakah a kithehthang hi. Khamtui tawh a kizut a tee daldalte mualmang khinzo ta hi.

Kah la 2:7

Topa in a siangtho biakinnpi le a biakna tau deih nawn lo a, biakinn kulhpi, galte a susiasak hi. Lungdamna tawh amah i biakna munah, amaute gualzo-in a kiko uh hi.

Jeremiah 33:12

“Vanglian Topa in kong cih in ah, mihing ganhing om loin mun awng ahi mun le a khuapi khempeuhte ah tuucingte in tuu cingin a ten theih nading mun hong om ding hi.

Jeremiah 33:10

“Topa in kong cih in ah, note in, ‘Hih munah mihing, ganhing om loin mun dai suak hi,’ ci-in na gen uh mah bangin Judah gam khuapite le Jerusalem khua kongzingte awng a, mihing ganhing kuamah a teeng kei hi.

Jeremiah 26:18

“Judah kumpipa Hezekiah in a uk laitakin Moresheth khuami Mikah in Judah mi khempeuhteʼ kiangah, ‘Lo dingin Zion mual a kikho ding hi. Jerusalem khua kisia zan dinga, biakinn mual, gamlak a suak ding hi, ci-in Vanglian Topa in gen hi,’ ci hi.

Jeremiah 26:6

hih Jerusalem biakinnpi Shiloh khua-a biakinn ka bawl bangin ka bawl dinga, hih khuapi pen leitung gam khempeuhteʼ kihamsiatna-in ka zangsak ding hi,’ na ci ding hi,” a ci hi.

Late 102:14

Bang hang hiam cih leh na nasemte in tua khua suangtumte it uh a, a leivuite nangawn pammaih sa uh hi.

Late 74:7

Amaute in mei tawh na biakinn hal uh a, nangmah hong kibiakna mun a susia uh hi.

Ezekiel 24:21

Israel mite kiangah hih bangin thu gen in hong ci hi. Ama cihna ah: Note in na kisaktheih pih uh, a sungah paipai-in na etet nop uh ka biakinn pen a ninsak ding ka hi hi. Tua ciangin noteʼ nungah a om lai na tate uh, namsau-in si ding uh hi, ci hi.

Jeremiah 22:14

“Inndei tungnung zapi a awng inn gol khat ka lam ding hi,” ci-in tawlet vangte bawl a, taamtak singpeek tawh thuap sawm a, za san a zut mi in gimna thuak tahen.

Haggai 1:3

Tua ciangin kamsang Haggai tungah Topa in hih bangin thu gen a,

Haggai 1:5

Tua ahih ciangin Vanglian Topa in ka hong cih in ah: Tu laitak a na om zia uh limtakin ngaihsun un.

Siampi Laibu 19:25

Ahih hangin a kum ngana ciangin tuate pen note adingin hong gah semsem nadingin tuateʼ gah na ne thei ding uh hi; kei pen Topa na Pasian uh ka hi hi.

2 KUMPI NIHNATE 5:26

Ahih hangin Elisha in ama kiangah, “Nangmah a dawn dingin a leeng tung panin mipa a kihei laitakin nang tawh ka kha om khawm hi lo ahi hiam? Sum le puante, oliv huante le leenggui lote, tuute le bawngtalte, nasem numeite le nasem pasalte san ding hun ahi hiam?

Thuhilh-sia 3:3

Gawh hun om a, khoi hun om hi. Phel hun om a, lam hun om hi.