Habakkuk 1:4 - Tedim Bible Revision 2017

⁴ Thukham in thu nei zo loin a mawkna suak a, thu a manin kisem ngei lo hi. Thutang thute kilehhei-in, migilote in thuman mite zo zawsop hi.

Tedim Bible

⁴ Thukham in thu nei zo loin a mawkna suak a, thu a manin kisem ngei lo hi. Thutang thute kileh hei-in, migilote in thuman mite zo zawsop hi.

Habakkuk 1:4 Referans Kwoze

Late 119:126

Topa aw, nangma thu kipalsat khin ahih ciangin thu na khen ding hun hi ta hi.

JOB (Job) 21:7

“Bang hangin Pasian in migilote khantosak a, hausakin liansak ahi hiam?

Jeremiah 12:1

Topa aw, nang tawh thu i kiseel ciangin nang a tawntungin na man den hi. Ahih hangin thu khat ka hong dong nuam lai hi. Bang hangin migilote daupai uh a, mi khem hatte gualzo sese ahi uh hiam?

Ezekiel 9:9

Tua ciangin amah in hong dawng a, “Israel mite le Judah miteʼ mawhna nak liat mahmah hi. Gam sung khempeuh mi thahna tawh kidimsak uh a, Jerusalem khuapi, siatna namkim tawh kidimsak uh hi. Amaute in, ‘Topa in i gam susia khin a, Topa in eite hong mu lo hi,’ ci uh hi.

Amos 5:12

Bang hang hiam cih leh na khialhna tampite uh le na mawhna tampite uh a vekin ka thei khin hi. Thuman mite gimsakin, sumgolh na la uh a, thukhenna zumah mizawngteʼ thu a manin na khen kei uh hi.

Hosea 10:4

Amaute a kampi bek uh hi a, a kampi bekun thu genin thuciamna a bawl uh hi. Lo lai-a tu-ma-kuakte sungah gunei kiak a po mah bangin thusia neihna hong khang hi.

Isaiah 5:20

A phate sia ci-in, a siate pha ci a, khuavak dingin khuamial koihin, khuamial dingin khuavak koih a, a khum dingin a kha koihin, a kha dingin a khum a koihte in gimna ngah tahen.

Thu-hilhkikna 16:19

Thutang na hei khia kei ding uh a, angvan tuam na nei kei ding uh hi. Sumgolh in mipilteʼ mit tawsakin thumanteʼ thu hei khia ahih manin sumgolh na la kei ding uh hi.

Paikhiatna 23:6

Ama thu neihna ah mizawng pa a thutang kimlai na lelsak kei ding uh hi.

Paikhiatna 23:2

Siatna a bawl dingin mihon na zui kei ding uh hi. Thutang a hei khia dingin mihonpi nung zui-in thu neihna ah teci na pang kei ding uh hi.

ROM (Romans) 3:31

Tua ahihleh hih upna thu i gen ciangin Thukham a phiat ihi hiam? Hi lo hi; a kipsak semsem ihi hi.

Sawltak 7:59

Tua bangin suang a khiat thuahthuah laitakun Stefen in thu ngen a, “Topa Jesu aw, ka kha hong la in,” a ci hi.

Sawltak 7:52

I pu i pate in kamsang a bawlsiat loh khat beek om lo hi. Pasianʼ deihna bangin a gamta a Nasem pa a hong pai nading thu a gen khol Pasianʼ kamtaite na that uh a, tu-in note in tua nasem pa leh hekin na that leuleu uh hi.

Marka 7:9

Tua ciangin Jesu in a thugen zom lai a, “Na khanglui ngeina uh na zuih theih nadingun Pasianʼ thukhamte a nawl khin zia na siam mahmah uh hi.

Late 94:3

Topa aw, migilote bang tanvei lungdam ding uh a, migilote bang tanvei lungnuamin omom lai ding ahi uh hiam?

Late 59:4

keiʼ khialhna hang hi lopi-in, amaute va kithawi uh hi. Nangmah in hong phawk in. Keimah a hong huh dingin hong pai inla, kei hong en in.

Late 59:2

Siatna a bawlteʼ kiang panin hong suaktasak inla, mi that nuamteʼ kiang panin keimah hong hon in.

Amos 5:7

Thutang lumletin thuman mite lei a denna, note adingin bangzahin nasia ding ahi hiam?

Jeremiah 26:8

Mi khempeuh tungah Topa in gen dingin a sawl teng Jeremiah in a gen khit ciangin siampite, kamsangte le mi khempeuhte in amah man uh a, “Nang na sih ding kilawm hi.

Jeremiah 12:6

Bang hang hiam cih leh na sanggamte le na innkuanpihte nangawn in nang hong zuak uh a, nang a hong do ding mihonpi a kaikhawm uh hi. Kam khum tawh nang a hong zol uh hangin um kei in,” ci-in hong dawngkik hi.

Late 22:16

Ka kiimah uite om a, siatna bawl mi hon khat in kei hong umcih uh hi. Ka khut ka khete hong sun let zo uh hi.

Late 11:3

Bulpite kisusia khin leh midikte in bang cih thei nawn ding hiam?” nong ci thei diam?

1 KUMPI MASATE 21:13

Tua ciangin mi ginalo nihte hong pai-in ama mai ah tu uh hi. Tua ciangin mi ginalo nihte in miteʼ omin Nabothʼ mawhna zong uh a, “Naboth in Pasian le kumpipa samsia hi,” a ci uh hi. Tua ahih ciangin amaute in khuapi pua lamah amah paipih uh a, suang tawh amah deng lum uh hi.

Late 22:12

Bawngtal tampi tak in kei hong umcih uh a, Bashan gam bawngtal hatte in kei hong umcih uh hi.

Isaiah 59:12

Bang hang hiam cih leh nangma tungah koteʼ thupalsatna tampi tak pha a, ka mawhnate un koteʼ langah teci hong pang hi. Koteʼ thupalsatnate, ka mawhnate uh ka thei uh hi.

Jeremiah 8:7

Gunvapite nangawn in a lal hun ding thei uh a, sumkuangte, phialphiahte, le gunvapite zong a hun ciangin hong tung zel uh hi. Ahih hangin ka mite in Topaʼ ngeina kipte a thei kei uh hi.