Habakkuk 1:3 - Tedim Bible Revision 2017

³ Bang hangin hih bang siatnate le lungkhamnate hong musak na hi hiam? Kisuksiatna le kisuk gawpna in hong umcih a, kitotna le kiseelna, mun citeng ah om hi.

Tedim Bible

³ Bang hangin hih bang siatnate leh lungkhamnate hong musak na hi hiam? Kisuksiatna leh kisukgawpna in hong umcih a, kitotna leh kiseelna, mun citeng ah om hi.

Habakkuk 1:3 Referans Kwoze

Jeremiah 20:8

Bang hang hiam cih leh thu ka gen simin, “Ngongtatna le kisiatna!” ci-in ka kiko den hi. Bang hang hiam cih leh Topaʼ kammal ka gen khiatna hangin nisimin simmawhna le zahpihna ka thuak lawh hi.

Thuhilh-sia 5:8

Kumpite in mizawngte gim ngahsakin, thuman thutangin na a kisep kei leh lamdang sa kei in. Uliante pen amauʼ tunga uliante in en uh a, tuateʼ tungah a en sawn a lian zaw khat om lai hi.

2 PETER NIHNA 2:8

Tua mihoih pa, amaute lakah teeng a, nisimin amauteʼ gamtat hoih lohnate za-in mu tawntung ahih manin lunggim mahmah hi.

Mattiu 10:16

“Ngia hon lakah tuu a kikhah bangin note hong sawl khia ka hih manin gul bangin pilvang unla, vakhu bangin migi un.

Ezekiel 2:6

“Ahi zongin mihing ahi Ezekiel aw, amaute ahi a, a thugente uh ahi zongin na kihta kei ding hi. Amaute in nang ling hong kaihnelh ding uh a, momai lak a om na bang ding hi. Tua bang hitaseleh, hih a lehdo thei miteʼ maipuak zia le amauteʼ kampaunate hangin lau tuan kei in.

Thuhilh-sia 4:1

Tua ciangin leitungah thuman loin a kigamtatnate khempeuh ka ngaihsunkik leuleu hi. Nenniamna a thuak mite kap uh a, ahi zongin kuamah in amaute hehnem lo uh hi. A nengniam mite thahat lua uh ahih manin kuamah in thuk ngam lo hi.

Jeremiah 15:10

Gimna ka thuak hi; ka nu aw, gam sung khempeuh a mite tawh a kitawng a kiseel dingin kei nong suaksak hi. Ka sumte kuamah lah leitawisak loin kuama-aʼ lah leitawi la lo napi, a vekpi-un kei hong hamsiat teitei uh hi.

Jeremiah 20:18

Gimna le dahna a mu ding le nisim a maizum den dingin bang hangin a gil sung panin suak khia sese ka hi hiam?

Isaiah 5:7

Bang hang hiam cih leh Vanglian Topa’ leenggui lo pen Israel mite hi a, Judah mite pen lungdamna tawh a suan kungte ahi hi. Amah in thutang lamen a, ahih hangin sisan luanna om hi. Thumanna lamen a, ahih hangin kahna om hi.

Isaiah 46:12

“Suahtak nading haksa mahmah ding hi, a ci lungsim khauh mite aw, ka thu ngai un: