Habakkuk 1:15 - Tedim Bible Revision 2017

¹⁵ Amaute in ngasa mat bangin sikkawi tawh mite man uh a, a ngen uh tawh khuhin manin a ngenpi uh tawh kai khia a, tua bangin a matna hangun lungdamin a awng uh hi.

Tedim Bible

¹⁵ Amaute in ngasa mat bangin sikkawi tawh mite man uh a, a ngen uh tawh khuhin manin, a ngenpi uh tawh kaikhia a, tua banga a matna hangun lungdamin awng uh hi.

Habakkuk 1:15 Referans Kwoze

Amos 4:2

Topa Pasian a siangtho ahih mah bangin, amah in kamciamna khat bawl khin a, “Amaute in sikkawi tawh note hong kaihkhiat hun ding, ni khat ni ciangin hong tung taktak dinga, note khempeuh sikkawi ah a awk ngasa na bang ding uh hi.

Jeremiah 16:16

“En un, Topa in kong cih in ah, ngabeng tampi ka khah dinga, amaute ka mansak ding hi. Tua khit ciangin sabeng tampi ka khah dinga, amaute in mual tung khempeuh le suanghawmte lakah amaute a beng ding uh hi.

Late 10:9

humpinelkai in a kuahawm sung pan a buk bangin amah in buksimin, mizawngte a man dingin buk a, a ngenthang sungah mizawngte kai-in a man hi.

Mangmuhna 11:10

Teci a pang tua kamsang nihte in leitung mite tungah gimna nakpi takin tungsak uh ahih manin hih mi nihte a sihna hangin lungdamin pawi bawl ding uh a, a nuamna uh hangin khatlekhat letsong kipia ding uh hi.

Mattiu 17:27

Ahi zongin amauʼ nasepna a nawngkaisak i suahkhak loh nadingin tuili ah nga siahna sikkawi va khia inla, a awk masa penpen hong kai khia in. Tua a ngasa kam sung en lecin dangka tang peek khat na om ding hi. Tua sum la inla, ei tegel adingin biakinn siah va pia in,” a ci hi.

Ezekiel 35:15

keima mi Israel-te a siat gawp manin na lungdamna zah tawh kizui-in nangma tungah kong bawl ding hi. Seir Mual tung gam ahi Edom leitang khempeuh, gamkhing suak ding hi. Tua ciangin Topa ka hihna thu mi khempeuh in hong thei ding uh hi,” hong ci hi.

Ezekiel 26:2

“Mihing ahi Ezekiel aw, Taia khuapi mite awngin hih bangin kiko uh hi. Amaute in, ‘Sumbawlna lam a i kidem pih Jerusalem khuapi zancip gawp hi. A kulhpite tu-in kihong kek a, amauteʼ guallelhna tu-in eima hauhna suak ding hi,’ ci uh hi.

Ezekiel 25:6

“Bang hang hiam cih leh Topa Pasian ahi keimah in kong genin ah: Note lungdamin khut bengin, kipakin na diang uh a, Israel gam na simmawh bawl uh hi.

Jeremiah 50:11

“Babylon mite aw, note in keima gamh Israel mite na luh gawp uh hi. Lungdamin kipakin, lopa kham bawng no bangin omin sakol bangin na ham uh hangin,

Isaiah 19:8

Nail gun sungah nga siahna sikkawi a khia ngei, ngasa bengte thumin tau ding uh a, tui tungah ngen a pai ngei mite thaneem ding uh hi.

Mattiu 13:19

Mi pawl khat in Pasianʼ hong ukna tawh kisai a lungdamhuai thu za napi-in a thu thei tel lo uh ahih manin Dawimangpa hong pai-in amau lungsim sunga a kivawh thu a lakkhiatsak hi. Hih bangte pen lo lai lampi dung a tu khaicite tawh kibang hi.

Jeremiah 5:26

“Ka miteʼ lakah migilote kihel uh a, vasa thangsiah bangin mite thangsiahin a man uh hi.

Habakkuk 1:14

Bang hangin tuipi ngasa bang lelin mihingte bawl a, a uk ding a om lo ganhing note bangin omsak na hi hiam?

Habakkuk 2:5

Hauhna pen zuaupi hi a, a huaiham mite kiphasakin omkhong thei lo uh a, hankhuk mah bangin, pha zo, cih omsak thei lo uh a, lungkim hun cih nei thei lo uh hi. Tua ahih manin minam dangte a banbanin simin a uk uh hi.