Galati 5:6 - Tedim Bible Revision 2017

⁶ Bang hang hiam cih leh Jesu Khris tawh i kipawl ciangin vun atna le vun at lohna a thupi tuan om lo a, Khris i upna hangin midangte i itna a thupi hi bek hi.

Tedim Bible

⁶ Bang hang hiam na cih uh leh, Khazih Zeisu sungah vunatna in phattuamna a om kei hi, vunat lohna in zong phattuamna a om kei hi; itna tawh nasep theihna upna bek in phattuamna a om hi.

Galati 5:6 Referans Kwoze

Galati 6:15

Vun ki-atna le ki-at lohna a thupi om tuan lo a, mi thak nam pawl hih ding bek a thupi ahi hi.

1 KORIN MASA 7:19

Bang hang hiam cih leh vun atna le vun at lohna a thupi hi lo a, Pasianʼ thupiakte zuih ding a thupi ahi hi.

1 THESALONIKA MASA 1:3

Bang hang hiam cih leh i Pa Pasian kiangah thu ka nget simun noteʼ upna hangin na nuntak ziate uh, itna na neih manun nakpi takin na nasepnate uh le i Topa Jesu Khris hong paikik ding lametna na neih manun kip takin na omnate uh ka phawk tawntung uh hi.

Galati 3:28

Tua ahih manin Jew mi le Gentail mi, sila le sila ahi lo, numei le pasal cih bangin kideidanna om nawn lo a, note khempeuh Khris tawh na kipawlna hangun pawl khat hi-in, a kibang kim na hi uh hi.

2 KORIN NIHNA 5:14

Mi khempeuh adingin mi khat si khin ahih manin mi khempeuh zong a ngeina lui uh ah si khinta hi, ci-in ka theihna hangun tua Khrisʼ itna in koteʼ nuntakna hong uk hi.

1 PETER MASA 1:8

Amah mu ngei lo napi-in na it uh a, amah mu ngei lo napi-in a thu umin kam a gen zawh loh zah dongin nakpi takin na lungdam uh hi.

Kolose 3:11

Tua ahih manin Gentail mi le Jew mi, vun at mi le vun at loh mi, khuapi mi le khua neu mi, sila le sila ahi lo, cih bangin a kilamdanna om lo a, Khris pen mi khempeuh ading hi thei a, thu khempeuh ading hi thei a, thu khempeuh ah amah bek ahi hi.

Hebru 11:8

Pasian in ama tungah piak dingin a ciam leitang ah Abraham a pai dingin a sap lai-in Abraham in Pasianʼ sapna a manna pen a upna hang mah ahi hi. A pai nading mun nangawn thei lopi-in a gam le a lei nusia-in a ding khia hi.

1 KORIN MASA 13:13

Tu laitakin a om lai thu thumte pen upna, lametna le itna hi a, tua thumte sung panin itna mah a thu lian pen ahi hi.

Galati 3:26

Khris Jesu tawh na kipawl manun note khempeuh Pasianʼ tate na suah theihna uh pen na upna hang uh ahi hi.

Efesa 6:23

Pa Pasian le Topa Jesu Khris in ulenaute khempeuh tungah nopsakna le itna, thu upna tawh hong pia khawm tahen.

Joshua 5:5

Hong paikhia mite khempeuh vun a ki-at khit hangin Egypt panin hong paikhiat khit uh sehnel gam lamkal a suak mite khempeuh a vun uh ki-at nai lo hi.

Luka 7:5

Amah in ei minam hong it mahmah a, kikhop nading inn khat zong hong lamsak hi,” a ci uh hi.