Galati 4:19 - Tedim Bible Revision 2017

¹⁹ Taneute aw, note in Khrisʼ pianzia bang na neih dong uh, naupaii nupi in ta a suah ding a gimpih bangin note ka hong lunggimpih ding hi.

Tedim Bible

¹⁹ Khazih in note sungah kip-a, a om matengin note ading ta suak gimna ka thuak ka ta neute aw,

Galati 4:19 Referans Kwoze

ROM (Romans) 8:29

Pasianʼ Tapa mi khempeuh lakah a upa pen a suah theih nadingin Pasian in a teel kholh sa mite, a Tapa tawh a kibang dingin a seh sa ahi hi.

Efesa 4:13

Tua hileh Pasianʼ Tapa i theihna le i thu upna ah kithukhatin, eite a khang cing suakin, Khrisʼ cingtaakna ciang i ban to ding hi.

ROM (Romans) 13:14

Kidal nadingin, Topa Jesu Khrisʼ hong piak galhiamte zang unla, na pumpi uh deihna bangin gamtat nading hun omsak nawn kei un.

Efesa 4:24

A thutang a siangtho ahihna thu, nuntakna mahmah panin a kilangsak, Pasianʼ pianzia tawh kibangin a kibawl na ngeina thak uh bangin na nungta un.

Kolose 4:12

Jesu Khris nasem, noteʼ makai Epafras in zong hong hopih hi. Pasianʼ deihna bangin note nungta-in, lungsim khanghamin kip takin na om theih nadingun amah in thu hong ngetsak tawntung hi.

Kolose 3:10

ngeina thak tawh kituakin gamta un. Eite a hong piangsak Pasian a kicing takin i theih semsem nadingin amah a sun dingin a hong thakbawl tawntung ahi hi.

Filippi 2:5

Note in Jesu Khris lungsim puak zia na nei un. Tua lungsim puak zia in:

Jeim 1:18

Ama piansakte khempeuh lakah eite a masa pen i suah theih nadingin thuman thutak zangin ama utthu tawh eite a hong piangsak tawm ahi hi.

Filemon 1:10

Tua ahih manin Khris hangin ka ta ahi Onesimas adingin ka hong thumsak hi. Thong sungah ka om sungun kha thu tawh kisai ah ama pa ka suak hi.

Kolose 1:27

Pasian in mi khempeuh adingin a koihcing hih a thupi a deihhuai a thusim pen ama mite tungah pholak ding a sawm ahi hi. Tua thusim in: Khris tawh a kipawlte in Pasian tawh minthanna ngahkhawm ding hi, cihna ahi hi.

Kolose 2:1

Note a kipan Laodisia khua mite le kei a hong thei ngei nai lo mi khempeuhte ading nangawnin hahkat takin na ka sem hi.

Filippi 2:17

Noteʼ upna hangin biakpiakna-in keimah hong kigo hitaleh zong, note khempeuh mah bangin kei zong ka lungdam veve ding hi.

Filippi 1:8

Jesu Khris lungsim zah mahin note ka hong it taktakna thu Pasian in a hong thei hi.

Isaiah 53:11

Amah in a gimna thaman mu-in a lungdam ding hi. A mawk thuak ahih lohna thei-in a thuman ka nasem pa in mi tampi tak a dik suaksak dinga, amah in amauteʼ mawhnate pua ding hi.

1 JOHAN MASA 5:21

Ka itte aw, milim na biakkhak loh nadingun na kidawm un.

1 JOHAN MASA 2:12

Ka tate aw, Khris hangin noteʼ mawhna hong kimaisak ahih manin lai a hong gelh ka hi hi.

1 JOHAN MASA 2:1

Ka itte aw, note na khialh khak loh nading uh ka deihna-in hih lai a hong gelh ka hi hi. Ahi zongin mi khatpeuh a khialh ciangin eite adingin Pa Pasian kiangah a hong thumsak dingin a thuman Jesu Khris i nei hi.

Hebru 5:7

Leitungah mihingin Jesu a om lai-in sihna panin amah a hon khia thei ding Pasian tungah thu ngenin khitui naptui tawh thumin na kiko hi.

Titu 1:4

Thu upna ah ka ta taktak ahi Titus tungah lai ka hong khak hi. Pa Pasian le eite hong Hon Khris Jesu in nangma tungah hehpihna le nopsakna thupha hong tungsak tahen.

Filemon 1:19

Keimah Paul in ka hong loh ding hi, cihna thu keima khut mahmah tawh a lai ka gelh ahi hi. Nangma nuntakna bulpi mahmah zong keima hang ahihna thu gen kul lo hi.

1 TIMOTI MASA 1:2

Thu upna sungah ka tapa taktak ahi Timoti tungah lai ka hong khak hi. Pa Pasian le eiteʼ Topa Khris Jesu in dikna, hehpihna le nopsakna thupha, nangma tungah hong tungsak tahen.

Luka 22:44

Lunggim mahmah ahih manin nakpi takin thu ngen semsem a, leilak a si mal gol taak bangin a khua-ul a taak hi.

2 KORIN NIHNA 12:14

Tu-in kong hawh nading pen a thum vei nading hi ta a, noteʼ gim nadingin bangmah ka hong ngen het kei ding hi. Keima deih pen noteʼ sum le paite hi loin note mahmah na hi uh hi. A taktakin ci lehang, tate in nu le pate a huh ding hi lo a, nu le pate in tate a huh ding hizaw hi.

1 THESALONIKA MASA 2:7

Note kiangah ka hong om lai-un nupite in a tate uh itna tawh a bawl bangin note kong bawl uh hi.

3 JOHAN THUMNA 1:4

Tate bangin ka hong neih mite a mantakin a gamtatna uh ka zakna hangin ka lungdamna sangin a dang lungdamna lian zaw bangmah om lo hi.