Galati 4:1 - Tedim Bible Revision 2017

¹ Ahi zongin gamhluah ding tapa in a paʼ neihsa khempeuh a luah ding hi napi-in a neu lai hun sungteng silate mah bangin bangmah thu nei lo hi.

Tedim Bible

¹ Ahih hangin ke’n kong cih-inah, innluahpa in sum khempeuh a ukpa ahih hangin a neu lai takin sila tawh a kilamdang kei hi.

Galati 4:1 Referans Kwoze

Galati 4:29

Tua hun laitakin leitung ngeina bangin a piang mawkmawk tapa in Pasian Kha Siangtho hangin a piang tapa a bawlsiat mah bangin, tuhunin zong eite hong kibawlsia hi.

Galati 4:23

Silanu tawh a neih a tapa pen leitung ngeina bangin a suak mawkmawk hi a, ahi zongin a zi tawh a neih a tapa pen Pasianʼ thuciamna tawh kizui-in a suak ahi hi.

2 KUMPI NIHNATE 11:12

Tua ciangin amah in kumpipaʼ tapa paikhiat pihin, ama lu tungah kumpi lukhu khusak a, kumpi hihna teci panna lai amah a pia hi. Tua ciangin amaute in amah kumpi hi, ci-in taangko-in amah sathau a nilh uh hi. Tua ciangin amaute in a khut uh bengin, “Kumpipa khansau hen!” a ci uh hi.

2 KUMPI NIHNATE 12:2

Siampi Jehoiada in amah thuhilh ahih manin Joash in ama uk hunsung tawntung Topaʼ muhna ah a man gamta hi.

Galati 3:29

Khris tawh na kipawl nak uh leh Abrahamʼ suante na hi ta uh a, Pasianʼ hong khap thute a ngah ding na hi uh hi.

Galati 4:2

A pa in ama gamhluah ding teng a piak ma, a neu lai hun sungteng, midang in tua naupang kemin a vai ding a hawmsak hi.

1 JOHAN MASA 5:10

Tua ahih manin Pasianʼ Tapa a um mi peuhmah in Pasianʼ teci panna a sang ahi hi. Ahi zongin Pasianʼ thugen a um lo mi peuhmah in ama Tapa thu teci pangin a gennate a um lo uh ahih manin Pasian pen zuaugen a suaksak ahi uh hi.