Galati 3:2 - Tedim Bible Revision 2017

² Thukham na zuihna hangun Pasianʼ Kha Siangtho ngah na hi uh hiam, ahih kei leh lungdamna thu za-in na upna hang uh hizaw ahi hiam?

Tedim Bible

² Thukham zuihna hangin Kha Siangtho na ngah uh hiam, ahih kei leh, upna thu na ngahna uh hangin na ngah uh hiam ci-in thu khat bek note kiangah ka thei nuam hi.

Galati 3:2 Referans Kwoze

Galati 3:14

Khris in eite a hong tatna pen, eite in i upna hangin Pasian in a hong ciam Kha Siangtho ngahin, Pasian in Abraham tungah a ciam thuphate zong, Jesu Khris hangin Gentail mite tungah a kipiak theih nading a deihna ahi hi.

Sawltak 15:8

Mihingteʼ lungsim sung thu a thei Pasian in Gentail mite in zong thu a up theih ding mah hi, cih a lahna-in eite tungah a hong piak mah bangin amaute tungah zong Kha Siangtho a pia hi.

Galati 3:5

Note in Thukham na zuihna hangun Pasian in Kha Siangtho hong pia-in nalamdang hong bawl ahi hiam, ahih kei leh lungdamna thu za-in na upna hang uh hizaw ahi hiam?

Hebru 2:4

Amauteʼ thugenna banah Pasian in vangliatna lim le nalamdang a tuamtuamte bawlna tawh hong gen beh lai hi. Tua banah ama hoihsak bangin Pasian in Kha Siangtho zong hong hawm lai hi.

Sawltak 8:15

Amaute a tun uh ciangin tua lai-a om thu um mite in Kha Siangtho a ngah nadingun thu a ngetsak uh hi.

Sawltak 2:38

Tua ciangin Peter in amaute kiangah, “Na mawhna uh kisik unla, na mawhna uh hong kimaisak theih nadingin Jesu Khris min tawh tui kiphum ciat un. Tua hileh Pasianʼ piakkhong Kha Siangtho na ngah ding uh hi.

Hebru 6:4

A tawpkik khin sate a kisikkik nadingin kibawl zo lo hi. Pasianʼ khuavak sungah amaute om khinin, vantung nopna ciam khinin, Kha Siangtho ngah khinin,

ROM (Romans) 1:17

Lai Siangtho sungah, “Pasian a upna hangin amah tawh pawl khat ahi mite nungta ding hi,” ci-in a kigelh mah bangin Pasian in amah tawh a kipawl theih nadingin mite a bawlna zia, lungdamna thu in hong kilangsak hi. Tua pen, a patna panin a tawp dongin upna hang bek tawh ahihna thu hong laktel hi.

1 PETER MASA 1:12

Vantung panin a hong kisawl Kha Siangthoʼ vangliatna tawh thu a gen thupuakteʼ tung panin na zak uh Thute mah kamsangte in a gen laitakun, tua a thugente uh amaute ading hi loin note ading ahihna thu, Pasian in tua kamsangte tungah a na gen zo hi. Vantung mite nangawn in hih thute a theih tel nop khat uh ahi hi.

2 KORIN NIHNA 11:4

Bang hang hiam cih leh koteʼ hilh ahi lo a dang Jesuʼ thu a hilh hong pai ciangin lungdam takin na sang pahpah uh a, koteʼ hong hilh Kha Siangtho le lungdamna thu tawh a kibang lo kha thu le lungdamna thu hong hilh a om ciangin na sang pahpah uh hi.

1 KORIN MASA 9:21

Tua mah bangin Jew miteʼ Thukham in a huam loh Gentail mite lakah na ka sep ciangin amaute ka ngah zawh nadingin Gentail mite bangmahin ka gamta hi. Hih bangin ka gen ciangin Pasianʼ thukham a zui lo, cihna hi loin Khrisʼ thukham zui-in a gamta ka hi hi.

Galati 3:3

Pasianʼ Kha Siangtho tawh na pat khit uh ciangin nomauʼ thatang hat thu tawh khup a sawm ding zahin hici hai lawmlawm na hi uh hiam?

Hebru 4:2

Bang hang hiam cih leh amaute in Lungdamna Thu a zak uh mah bangin eite in zong i za hi. Amaute in Lungdamna Thu a zak uh ciangin upna tawh na sang lo uh ahih manin a thu zak uh amaute adingin a phattuamna om lo hi.