Galati 3:1 - Tedim Bible Revision 2017

¹ Galati mihaite aw, singlamteh tungah Jesu Khris a sihna thu teltakin na theih sa uh ahih manin kuaʼ khem sa-in hici thei mawk na hi uh hiam?

Tedim Bible

¹ Pilna a nei lo Galati mite aw, singlamteh tungah sihna a thuak Zeisu Khazih in no mai-ah a tel takin hong kilak napi-in, note a kua in hong bum hiam?

Galati 3:1 Referans Kwoze

2 KORIN NIHNA 11:3

Ahi zongin gulpi in ama zuau ngian tawh Eve a khem zawh bangin na lungsim uh kihei-in Khris tungah na kipiaknate uh na nusiat khak ding uh ka lunghimawh hi.

Mangmuhna 2:20

Ahi zongin note ka hong mawhsak nading thu khat om hi. Kamsang numei ka hi, ci-in thu a gen Jezebel na nial kei uh hi. Ama thuhilhna hangin ka nasemte in numei pasal paktatna gamta-in milim biakna ante a ne uh hi.

Galati 1:6

A hong hehpihna tawh Khris hangin note a hong sam Pasian nusiakik pakin lungdamna thudang khat na sang malam na hih manun lamdang ka sa mahmah hi.

1 PETER MASA 4:17

Tu-in thukhen kipat hun ding hong tung ta-in Pasianʼ mi eite tungah hong kipan ahihleh Pasian kiang panin hong pai Lungdamna Thu a um lo mite adingin bangzahin lungkham huai ding ahi hiam?

2 PETER NIHNA 2:18

Amaute kiphasakin hai pau uh a, a khial gamtat mite sung panin a suakta khin liailiai zo mite, leitung pumpi deih bangin a gamtat nadingun a zol uh hi.

Hebru 11:8

Pasian in ama tungah piak dingin a ciam leitang ah Abraham a pai dingin a sap lai-in Abraham in Pasianʼ sapna a manna pen a upna hang mah ahi hi. A pai nading mun nangawn thei lopi-in a gam le a lei nusia-in a ding khia hi.

Efesa 4:14

Tua hun ciangin thu upna lamah naupang ihi nawn kei dinga, mite khemin a khialsak theiteʼ mutna hangin i suk hoi i to hoi nawn kei dinga,

Galati 4:9

Ahi zongin note in tu-in Pasian meltheih khinin, tua ahih kei leh Pasian in note hong meltheih khinta ahih manin, a bang hangin bangmah a hih zo lo, a gina lo tua bangte lamah kiheikik nuam a, sila va suakkik nuam na hi uh hiam?

Galati 3:3

Pasianʼ Kha Siangtho tawh na pat khit uh ciangin nomauʼ thatang hat thu tawh khup a sawm ding zahin hici hai lawmlawm na hi uh hiam?

1 PETER MASA 1:22

Tu-in lungdamna thuman na zuihna hangun note kisiansuah khinin, na thu up pih mite uh lungsim tak tawh it thei khinta na hih manun na lungsim khempeuh uh tawh limtakin na ki-it un.

Hebru 5:9

Tua bangin a cingtaak mi a suah khit ciangin ama thu a mang mite khempeuh adingin tawntung hotkhiatna a kipatna hong suak a,

Efesa 5:15

Tua ahih ciangin hoihtakin kingaihsunin gamta unla, mihaite bang hi loin mipilte bangin gamta un.

1 TIMOTI MASA 6:4

a kiphasak mawkmawk hi uh a, bangmah a thei het lo ahi uh hi. Tua bang mite in thu kiseel thu kinial cihte ut belin nei uh a, hazatna, lungsim kituah lohna, kizahkona, a sia lamin ki-upmawhnate piangsak uh a,

Galati 2:14

Lungdamna thu tawh kizui-in a mantakin gamta lo uh hi, ci-in ka muh ciangin amaute khempeuhʼ zakin Peter kiangah, “Nang pen Jew mi hi napi-in Jew mi bangin gamta loin Gentail mite bangin a gamta khin sa na hi hi. Tua bangin a gamta khin sa hi napi-in bang hangin tu-in Gentail mite, Jew mite bangin a gamtat nadingun na gamtatna tawh lakkik na hi hiam?” ka ci hi.

1 KORIN MASA 11:26

Bang hang hiam cih leh hih bangin anlum ne-in hai sung panin leenggahzu na dawn simun, Topa a hong paikik matengin ama sihna thu a gengen na hi uh hi.

1 KORIN MASA 2:2

Bang hang hiam cih leh note kiangah ka om laitakin singlamteh tungah Jesu Khris a sihna thu sim loh thudang peuhmah ngaihsut loh dingin ka ngaihsut sa ahi hi.

ROM (Romans) 6:17

Nidangin silate bangin mawhnaʼ thu a mang hi napi-in, tu-in note tungah a hong kipia thuhilhna kipte, na lungsim khempeuh uh tawh zui na hih manun Pasian tungah i lungdam mahmah hi.

ROM (Romans) 2:8

ahi zongin ama deihna bek zui-in, a gamtat dingin a kilawm bangin gamta loin, a man loin a gamta mite tungah Pasian in ama hehna hangin gimna tungsak ding hi.

Sawltak 6:7

Tua bangin Pasianʼ thu kizelin hong khang semsem hi. Jerusalem khua sungah thu um mi tampi tak hong kibehlap a, siampi tampi tak in zong Lungdamna Thu a hong um uh hi.

Mangmuhna 18:3

Bang hang hiam cih leh ama hukna leenggahzu mi khempeuh dawnsak a, leitung kumpite tawh paktat a, ama hukna hangin leitung sum bawlte in a hauhlawh uh hi,” a ci hi.

2 THESALONIKA NIHNA 1:8

Pasian a thei lo mite le i Topa Jesu tawh kisai Lungdamna Thu a um lo mite tungah gimna a tungsak ding hi.

Efesa 3:8

Pasianʼ mi khempeuh lakah kei a neu pen hi napi-in, Khris hangin a kigen zo lo thu manpha ahi Lungdamna Thu, Gentail mite lakah a gen ding,

2 KORIN NIHNA 10:5

Miteʼ ngaihsutna a man lote ka thal nial gawp zo uh a, Pasianʼ thu theih nading a khaktan thei nate ka susia gawp uh a, mi khempeuhʼ ngaihsutna zo gawpin Khrisʼ thu a mang dingin ka bawl uh hi.

1 SAMUEL MASA 13:13

Tua ciangin Samuel in Saul kiangah, “Na hai gamtat hi; Topa na Pasianʼ hong thupiakna na zui kei hi; bang hang hiam cih le Topa in Israel-te tungah kumpi dingin nang le na suanlekhakte a kipsak suak ding ahi hi.

ROM (Romans) 10:16

Ahi zongin Isaiah in, “Topa aw, ka thugente uh kua in um ahi hiam?” a cih mah bangin Lungdamna Thu a za mi khempeuh in um kim lo uh hi.

Thu-hilhkikna 32:6

A hai, ngaihsutna nei lo mite aw, tua bangin Topa thuk ding na hi uh hiam? Amah pen, note a hong piangsak, note hong bawlin a hong kipsak, na pa uh hi lo ahi hiam?

Luka 24:25

Tua ciangin Jesu in amau tegel kiangah, “Bangzah takin hai a, bang dingin kamsangteʼ thugen um thei lo na hi uh hiam?

Mattiu 24:24

Bang hang hiam cih leh Khris a kineihkhemte le kamsang a kineihkhemte hong piang dinga, ahih zawh leh a teel sa mite nangawn a khem nadingun lim le nalamdang lian pipi hong bawl ding uh hi.

Mattiu 7:26

Hih ka thugente za napi-in a zui nuam lote pen sehnel tungah a inn a lam mihai pa tawh kibang ding hi.

Sawltak 16:6

Asia gam sungah thu a hilh ding uh Kha Siangtho in phal lo ahih manin Frigia le Galatia gam sung tengah a zin uh hi.

Galati 1:2

Kei tawh a om khawm i Khristian pihte in zong note hong hopih uh hi.

Galati 5:11

Sanggamte aw, vun-atna kisam hi, ci-in a hilh lai hi leng, bang hangin bawlsiatna thuak zenzen ding ka hi hiam? Tua bangin thu a hilh hi leng, singlamteh tunga Khrisʼ sihna thu ka hilhna hangin bangmah buaina a om kei ding hi.