Galati 2:8 - Tedim Bible Revision 2017

⁸ Bang hang hiam cih leh Jew mite lakah sawltak nasep a sem dingin Peter a koih mah bangin Gentail mite lakah sawltak nasep a sem dingin Pasian in kei a hong koih hi.

Tedim Bible

⁸ vunatte tawh a kipawl Lungdamna Thu Piter tungah a piak mah bangin vunat lote tawh a kipawl Lungdamna Thu kei tungah a hong piakna, amaute in a theih uh ciangin khuamte a kici Jeim, Kefas, leh Johan-te in

Galati 2:8 Referans Kwoze

Sawltak 9:15

Ahi zongin Topa in Ananias kiangah, “Gentail mite, kumpite le Israel mite tungah keima min a kitheisak ding, keima na a sem dingin teel khin ka hih manin ama kiangah va pai in.

Sawltak 22:21

Tua ciangin Topa in kei kiangah, ‘Gentail mite omna gamlapi ah hong sawl ding ka hih manin pai peuh in,’ hong ci hi,” a ci hi.

Sawltak 21:19

Paul in amaute hopih a, Pasian in amah Paul tungtawnin Gentail mite lakah na a sepna khempeuh a banbanin a cing takin a gen hi.

Sawltak 15:12

Tua ciangin Barnabas le Paul in Gentail mite lakah amau tungtawnin Pasian in lim le nalamdang a bawlnate khempeuh a gen laitakun mi khempeuh pau loin a om uh hi.

1 KORIN MASA 15:10

Tua bang hitaseleh Pasianʼ hehpihna tawh tu-a ciangah ka om a, kei tungah a hong piak ama hehpihna a mawkna suak lo hi. Sawltak dangte khempeuh sangin na nakpi takin ka sem zawsop hi. Tua ka sep zawhna pen keima hatna hang hi loin Pasianʼ hong hehpihna hang ahi hi.

1 KORIN MASA 9:2

Midangte in sawltakin hong ngaihsun ta kei le-uh, note in sawltakin na hong ngaihsut uh a kul ahi hi. Bang hang hiam cih leh Topa sungah na omna uh pen sawltak ka hih lam a kilatna ahi hi.

Sawltak 8:17

Peter le Johan in amaute lu tungah a khut uh a ngak khit uh ciangin Kha Siangtho a ngah uh hi.

Sawltak 4:4

Ahi zongin amauteʼ thugen a za mi tampi in um uh a, thu um mi tul nga bang a pha ta uh hi.

Sawltak 1:8

Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khua sung, Judea gam sung, Samaria gam sung le leimong dongin note in keima thu na gen ding uh hi,” ci-in a dawng hi.

Kolose 1:29

Hih bang a tangtun theih nadingin Khris in kei tungah a hong piak ka thahatna khempeuh zangin, nakpi takin na semin ka hanciam hi.

Galati 3:5

Note in Thukham na zuihna hangun Pasian in Kha Siangtho hong pia-in nalamdang hong bawl ahi hiam, ahih kei leh lungdamna thu za-in na upna hang uh hizaw ahi hiam?

Sawltak 19:26

Nomau mahmah in hih Paulʼ thugen khempeuh za-in na thei uh hi. Amah in mihingteʼ bawl pasian-te pen pasian hi het lo hi, ci-in thu hilh a, hih Efesa khua le Asia gam sung khempeuh ah mi tampi tak a umsak hi.

1 THESALONIKA MASA 2:13

Note kiangah Pasianʼ thu kong gen uh ciangin no thu um mite sungah ama thu tawh kisai-in Pasian in na hong sem ahih manin koteʼ thugente pen Pasianʼ thu taktak ahih mah bangin koteʼ thugenna na zak uh ciangin mihingʼ thu bangin ngaihsun loin Pasianʼ thu taktak mahin hong sang na hih manun, hih thu hangin zong Pasianʼ tungah ka lungdamna uh ka ko uh hi.