Galati 2:2 - Tedim Bible Revision 2017

² Pasianʼ hong sawlna tawh tua lai ah a pai ka hi hi. Ka nasepnate a mawkna a suahkhak ding ut lo ka hih manin makai lian a kineite tawh a tuamin kimuhna khat ka nei a, Gentail mite lakah ka hilh lungdamna thute amaute kiangah gentelna khat ka nei hi.

Tedim Bible

² Pasian in thu hong piak bangin pai-in Gentailte kiangah Lungdamna Thu ka hilhnate, amaute ka zasak hi. Ahih hangin ka nasep thu leh ka sepsate in a mawkna a suah loh nadingin, a minthang mite kiangah ka gen sim hi.

Galati 2:2 Referans Kwoze

Galati 2:6

Jerusalem khua-a om makai lian a kinei mite in keiʼ nasepna tawh kisai thu ah bangmah gen thuah ding nei lo uh hi. (Pasian in maitang zahtak tuam nei tuan lo ahih manin hih bangin thu a gen ngam ka hi hi.)

Filippi 2:16

Tua hileh a beisa hunah ka sepna le ka hanciamnate a mawkna suak lo ding ahih manin Khris hong paikik ni ciangin kei ka kisial thei ding hi.

1 THESALONIKA MASA 3:5

Tua ahih manin ka thuak zawh nawn loh ciangin noteʼ upna zia a thei dingin Timoti ka hong sawl hi. Dawimangpaʼ ze-etna in note hong puksak kha-in, koteʼ nasepna a mawkna suak kha ding hi, ci-in ka lunghimawh uh hi.

Galati 2:9

Makai a kinei James, Peter le Johan-te in Gentail mite lakah nasem dingin Pasian in kei hong sehna thu thei uh ahih manin, Pasian sungah nasem khawm khat ihi hi, cih hong lahna uh limin kei le Barnabas tawh khut kiletna hong bawl uh hi. Kei le Barnabas in Gentail mite lakah na semin amaute in Jew mite lakah na a sep nading uh thukimna ka nei uh hi.

1 KORIN MASA 9:26

Tua ahih manin ngimna nei lopi-in a mawk tai ka hi kei a, huihlak khawng a mawk tuptup ka hi kei hi.

1 KORIN MASA 1:23

Ahi zongin kote in singlamteh tungah a kikhai Khrisʼ thu ka hilh uh a, tua thu pen Jew mite adingin a hehhuai thu hi a, Gentail mite adingin a haihuai thu ahi hi.

1 KORIN MASA 9:24

Tai kidemna ah mi khat bek in thaman a ngah ding hi napi-in a vekpi-un tai veve uh hi. Tua ahih manin thaman na ngah zawh nadingun na tai un.

1 KORIN MASA 2:2

Bang hang hiam cih leh note kiangah ka om laitakin singlamteh tungah Jesu Khris a sihna thu sim loh thudang peuhmah ngaihsut loh dingin ka ngaihsut sa ahi hi.

Sawltak 15:12

Tua ciangin Barnabas le Paul in Gentail mite lakah amau tungtawnin Pasian in lim le nalamdang a bawlnate khempeuh a gen laitakun mi khempeuh pau loin a om uh hi.

Sawltak 15:4

Jerusalem khua a tun uh ciangin sawltakte, upate le pawlpite in limtakin zin na do uh a, Pasian in na a seppihna thu, amaute kiangah a gen uh hi.

Filippi 2:29

Khris nasepna ah note in pumpi tawh na hong huhkim theih loh manun noteʼ tangin amah in kei a hong huh manin a nuntakna hong pia-in sih lawh dektak hi. Tua ahih manin hih bang mite na zahtak bawl mahmah unla, Topaʼ nasem taktak hi, ci-in lungdam takin na limbawl un.

Sawltak 23:11

Tua zanin Paul kiangah Topa hong dinga, “Hang takin om in. Hih Jerusalem khua sungah keima thu genin teci na pan mah bangin Rom khuapi ah zong keima thu genin teci na pang ding hi,” a ci hi.

Sawltak 18:9

Zan khat, Paul in maang mu a, a maang sungah Topa in, “Lau kei in. Lungkia kei inla, na thugen zom in.

Sawltak 5:34

Ahi zongin amaute sung panin Farisi mi Gamaliel, Thukham hilh sia khat ahi, mi khempeuh in zong a zahtak bawl mipa khat hong dinga, tawl khat sung sawltakte a kipusuah pih nadingin thu pia a,

Mattiu 10:16

“Ngia hon lakah tuu a kikhah bangin note hong sawl khia ka hih manin gul bangin pilvang unla, vakhu bangin migi un.

Thuhilh-sia 10:1

A si sa thote in paknamtui bung sungah a om paknamtui uihsak thei a, hai tatna themno khat in pilna lian pen susia thei hi.

Sawltak 15:2

Hih thu huhau-in Paul le Barnabas le hih mite kikalah nakpi takin thu kinialna omin thu kiseel uh ahih manin, Paul le Barnabas le Antiok khua-a a om mi pawl khatte Jerusalem khua ah va pai-in, hih thu tawh kisai-in tua lai-a om sawltakte le upate tawh a kimuh nadingun a vaihawm uh hi.

ROM (Romans) 9:16

Tua ahih ciangin miteʼ utna le sepna tawh kisai lo a, Pasianʼ hehpihna bek tawh kisai zaw hi.

2 KORIN NIHNA 12:1

Bangmah phattuam napi a om khol lo ahi zongin ka kisialsial lai ding hi. Tu-in Topa in maang hong muhsakna le ka muhte kong gen ding hi.

Galati 1:6

A hong hehpihna tawh Khris hangin note a hong sam Pasian nusiakik pakin lungdamna thudang khat na sang malam na hih manun lamdang ka sa mahmah hi.

Galati 1:12

Mi khatpeuh tung panin ka ngah hi lo a, mi khatpeuh in hong hilh zong hi lo hi. Jesu Khris in kei tungah a hong lahna hang bekin hih thu a thei ka hi hi.

Galati 5:7

A beisa hunah hoihtakin a gamtate na hi uh hi. Tu-in a manin na gamtat loh nadingun kua in lam hong pialsakin Pasianʼ thu hong mang losak ahi hiam?

2 TIMOTI NIHNA 4:7

Kidemna ah ka hat tawpin ka hih khin a, a mong dongin ka tai khin a, upna thu kho takin lenin ka zo khin hi.

Hebru 12:1

Tua hi a, eite in i kiim i pam ah hih zahin a tam teci nei ihih ciangin eite a hong dongtangsak thei nate khempeuh le eite a hong gakcip mawhna le khialhnate khempeuh pai khia-in, i mai ah a om tai nading lampi a mong dongin lungsim kip takin tai ni.