Galati 1:5 - Tedim Bible Revision 2017

⁵ Pasianʼ min thang tawntung tahen! Amen.

Tedim Bible

⁵ Tua Pasian in minthan’na ngah tawntung ta hen! Amen.

Galati 1:5 Referans Kwoze

ROM (Romans) 11:36

Bang hang hiam cih leh na khempeuh ama piansak hi a, na khempeuh ama hang le ama minthan nading bekin a om ahi hi. Mi khempeuh in Pasian phat tawntung tahen! Amen.

Juda 1:25

khat bek ahi eite a hong Hon Pasian in, tu ma, tu laitak le a tawntungin, minthanna, vangliatna, uk zawhna le aana nei tawntung tahen. Amen.

Hebru 13:21

ama deihna bangin na na sep theih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesu Khris hangin eite sungah na hong sem henla, Khris in a tawntungin minthanna ngah paisuak tahen. Amen.

Late 72:19

A minthang ama min in thupha ngah tawntung henla, ama minthanna tawh leitung khempeuh kidim tahen. Amen! Amen!

Mangmuhna 14:7

Amah nakpi takin kiko a, “Amah in mihingte thu a khen ding hun hong tung ta ahih manin Pasian kihta unla amah phat un. Vanlelei, tuinak le tuipite a bawlpa hong bia ta un,” a ci hi.

Mangmuhna 7:12

“Amen! Eiteʼ Pasian in phatna, minthanna, pilna, lungdamkohna, pahtawina, vangliatna le hatna a tawntungin nei tahen! Amen,” a ci uh hi.

Mangmuhna 5:12

Amaute in nakpi takin la sa uh a, “A kigo Tuuno in vangliatna le hauhna, pilna le thahatna, pahtawina, minthanna le phatna, a ngah dingin kilawm hi,” a ci uh hi.

2 PETER NIHNA 3:18

Hehpihna thu le i Topa le Honpa Jesu Khris theihna thu ah na khangto semsem zaw un. Tu hun a kipanin a tawntungin amah in minthanna ngah paisuak tahen. Amen.

1 PETER MASA 5:11

Tua Pasian in a tawntungin ukna vangliatna nei paisuak tahen. Amen.

2 TIMOTI NIHNA 4:18

Topa in siatna khempeuh panin kei hong hon khia dinga, ama vantung gamah muanhuai takin hong tunpih ding hi. Amah in a tawntungin minthanna ngah tahen. Amen.

1 TIMOTI MASA 1:17

Amah bek Pasian ahi, a kimu thei lo, a si ngei lo, tawntung Kumpipa in minthanna le pahtawina ngah tawntung tahen. Amen.

Filippi 4:20

I Pa Pasian in a tawntungin minthanna ngah tahen. Amen.

Efesa 1:12

Tua ahih manin Khris a muang masa eite in Pasian phatin a minthanna vang kilangsak ni.

ROM (Romans) 16:27

Thu khempeuh ah pilna a nei, amah bek ahi Pasian in Jesu Khris hangin a tawntungin phatna ngah tahen! Amen.

Luka 2:14

“Van a sang belna ah a om Pasianʼ min thang henla, ama pahtak leitung mite tungah nopna om tahen,” a ci uh hi.

Mattiu 28:20

Tua ciangin note tungah kong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Mattiu 6:13

Ze-etna lian hong thuaksak keʼn. Giloʼ kiang pan hong hon khia in,’ (Uk zawhna, vangliatna, minthanna, na nei tawntung hi. Amen.) ci-in na ngen ding uh hi.

Isaiah 42:12

Topa’ minthanna gensak unla, tuipi gei-a gamte ah amah phatna gensak un.

Isaiah 24:15

Nisuahna lam a om mite in Topa phat ding uh hi. Tuipi dunga teeng mite in Topa, Israel-teʼ Pasian phat ding uh hi.

Late 41:13

Israel Pasian, Topa in khang tawntungin thupha ngah tahen. Amen, Amen!

1 KHANG TANGTHU MASATE 29:13

Tu-in nangma tungah ka nuam uh hi, koteʼ Pasian aw, a minthang na min ka phat uh hi.

1 KORIN MASA 8:13

Tua ahih manin nekna in thu upna sungah ka sanggamte khat a khialsak ding ahihleh, amah a puk khak loh nadingin milim biakna sa ka ne ngei het kei ding hi.