Galati 1:4 - Tedim Bible Revision 2017

⁴ A siahuai tu hunsung panin eite a hong suahtaksak nadingin eiteʼ Pa Pasianʼ deihna tawh kizui-in i mawhna hangin tua Jesu Khris a mahmah a hong kipiatawm ahi hi.

Tedim Bible

⁴ Tua Zeisu in Pasian’ deihna tawh kituakin a gilo ahi hih leitung pan eite hong gumkhia dingin ah eite khialhna ading ama pumpi kipia hi.

Galati 1:4 Referans Kwoze

Mattiu 20:28

Mihing Tapa zong nasem nei dingin hong pai hi loin midangte ading na semin, mi tampi tat nading a si dingin a hong pai ahih mah bangin note zong a tua ci ding na hi uh hi,” a ci hi.

ROM (Romans) 4:25

Eiteʼ mawhna hangin a si dingin Jesu kipia a, Pasian tawh eite i kipawl theih nadingin kihingkiksak hi.

Galati 2:20

Tua ahih manin tu hun a ka nuntakna zia pen kei hang hi nawn loin ka sungah a hong om Khris hang ahi hi. Tua hi a, keimah hong itin, keima adingin a nuntakna a hong pia Pasianʼ Tapa ka muanna tawh tu laitakin a nungta ka hi hi.

1 PETER MASA 2:24

Eite, mawhna lamah misi bangin, thuman lamah nungta-in i gamtat theih nadingin Khris mahmah in eiteʼ mawhna ama pumpi mahmah tawh singlamteh tungah a pua hi. B

Titu 2:14

I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.

2 KORIN NIHNA 4:4

Tua bang mite pen hih leitung pasian gilote in a lungsim mit uh tawsak ahih manin um lo uh a, Pasian tawh a kibang teekteek Khris minthanna hangin amaute tungah a hong taang lungdamna thu khuavak mu thei lo uh hi.

1 TIMOTI MASA 2:6

Mi khempeuh a tan khia dingin tua Jesu hong kipiatawm a, a hun lian laitakin a hong kipiakna pen Pasian in mi khempeuh a hotkhiat nopna thu a kilatna ahi hi.

Efesa 2:2

Tua hun lai-in leitung gitloh gamtatnate na zui uh a, Pasian thu a um lo mite sungah tu laitakin na a sem, huihlak a ukteʼ thu na mang uh hi.

1 THESALONIKA MASA 3:13

Tua hileh i Topa Jesu a mi siangthote khempeuh tawh hong pai ciangin eiteʼ Pa ahi Pasianʼ mai ah kisuanna om het loin lungsim siangtho takin na om thei ding uh hi.

ROM (Romans) 12:2

Leitung mihingteʼ gamtat bangin gamta kei unla, na lungsim uh kikheelin Pasian kipuahphasak un. Tua hileh a hoih nate bang hi a, bangte in amah lungkimsakin, bangte a kicing hiam ci-in thei-in Pasianʼ deihna na phawk thei ding uh hi.

Filippi 4:20

I Pa Pasian in a tawntungin minthanna ngah tahen. Amen.

Efesa 5:2

Khris in eite a hong it manin Pasian in eiteʼ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesu Khris kiang panin note tungah hehpihna le nopsakna thupha hong tung tahen. Tua Jesu Khris in eite hong it a, ama sihna tawh i mawhna panin eite hong suaktasak a,

Mangmuhna 5:9

Amaute in la thak khat sa uh a, “Nang Tuuno, tua laizial a la khia ding le a ciaptehnate a la khia dingin na kilawm hi. Nang hong kigo khin ahih manin mi namkim le pau namkim a pau mite sung panin na sisan tawh Pasian adingin mite na lei khin a,

1 JOHAN MASA 3:16

Itna i cih bangci theih ding ihi hiam cih leh: Khris in eite adingin a nuntakna hong pia hi. Ei zong i Khristian mipihte adingin i nuntakna i piak ngam ding ahi hi.

1 JOHAN MASA 2:2

Tua Jesu hangin eiteʼ mawhna hong kimaisak a, eite ading bek hi loin leitung mi khempeuhʼ mawhna zong a mai nading ahi hi.

1 PETER MASA 3:18

Khris mahmah zong note adingin si a, Pasianʼ kiangah hong tunpih theih nadingin mihoih khat pen mihoih loteʼ mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.

Jeim 4:4

A citak lo mite aw, leitung tawh kipawlna pen Pasian tawh kigal neihna ahih lamtak thei lo na hi uh hiam? Leitung tawh a kipawl mite pen Pasian tawh a kigal neih dingin a kibawlbawl ahi uh hi.

Hebru 6:5

Pasianʼ thu a hoihna phawk khinin, a hong tung ding vangliatna thu zong thei khin uh ahih manin,

2 THESALONIKA NIHNA 2:16

I Topa Jesu Khris mahmah leh, eite hong itin, a hong hehpihna tawh thakhauhna le lametna a hong pia tawntung eiteʼ Pa Pasian in

Johan 12:31

Tu-in leitung thukhen ding hun hong tung ta a, hih leitung a ukpa kilawn khia ding hi.

Mattiu 26:28

Mi tampiteʼ mawhna a mai nadingin a luang khia, Pasianʼ thuciamna a kipsak, ka sisan ahi hi.

Isaiah 65:17

“Tu-in vantung thakte le leitung thak ka piangsak hi. A beisa thute kiciamteh nawn lo dinga, kiphawk kha nawn lo ding hi.

Hebru 9:14

tawntung Kha Siangtho hangin Pasian tungah a cingtaak biakpiak nadingin Khris in a piak ama sisan in na tam sem khia zo zaw dinga, a nungta Pasianʼ na i sep theih nadingin bangmahin a kimang lo nasepna panin ama sisan in i lungsim hong siangsak ding hi.

Hebru 2:5

Eite in gen belin i neih a hong tung ding leitung pen Pasian in vantung miteʼ khut sungah koih lo hi.

1 THESALONIKA MASA 3:11

Tu-in eiteʼ Pa ahi Pasian le i Topa Jesu in note kiangah ka hong pai theih nading uh lampi hong honsak tahen.

Efesa 6:12

Eiteʼ do pen si le sa a nei leitung mite hi lo a, vantung huihlak a thuneite, aana neite, hih leitung khuamial gam a ukte le huih khua a om kha gilote ahi hi.

Efesa 1:11

Na khempeuh, Pasianʼ ngaihsutna le a geel sa bangin a piang hi. A cil pek a kipanin a ngaihsut sa thu tawh kizui-in Khris tawh i kipawlna hangin Pasianʼ tate ihih nadingin Pasian mah in a hong seh sa ihi hi.

Galati 6:14

Ahi zongin keimah in ahihleh, singlamteh tungah i Topa Jesu a sihna thu bek ka kisialh pih ding hi. Bang hang hiam cih leh singlamteh tungah ama sihna hangin kei adingin leitung thute misi bang a, kei zong, leitung thu ah misi mah ka bang hi.

ROM (Romans) 8:32

Ama Tapa nangawn siit loin eite khempeuh adingin hong pia khia ahih manin, na dang khempeuh zong hong pia zaw kan ding hi lo ahi hiam?

ROM (Romans) 8:3

Mihingte thahat lo ihih manin Thukham in ahih zawh loh thute Pasian in a hih zo hi. Mawhna a beisak theih nadingin mihingte sunga om mawhna tungah thu a khenna-in ama Tapa hong sawl a, amah pen mihingteʼ mawhna lungsim mah a nei-in a hong pai hi.

ROM (Romans) 1:7

Tua ahih manin Pasian in hong it a, ama mi dingin a hong sap, no Rom khua-a a om Khristiante khempeuh tungah lai ka hong khak hi. I Pa Pasian le Topa Jesu Khris in note tungah dikna le nopsakna thupha hong tungsak tahen.

Johan 10:11

“Kei, tuucing hoih ka hi hi. Tuucing hoih in a tuute sihpih ngam hi.

Johan 6:38

Bang hang hiam cih leh keima ut bangin a sem ding hi loin kei hong sawl paʼ deihna bangin a sem dingin vantung panin a hong pai ka hi hi.

Johan 5:30

“Keima thu guak tawh ka hih theih bangmah om lo hi. Pasianʼ hong genna bang bekin thu ka khen hi. Keima ut bangin sem loin kei hong sawl paʼ deih bangin sem ka hih manin ka thukhenna thuman hi.

Luka 22:42

“Pa aw, nangma ngaihsutna bang ahih khak leh hih ka thuak ding gimna tawh hong kipelhsak in. Ahi zongin kei deihna bang hi loin nangma deihna bang hi tahen,” a ci hi.

Marka 10:45

Bang hang hiam cih leh Mihing Tapa zong, midangte ama na a semsak dingin a hong pai hi lo hi. Midangteʼ na a sem ding le mi tampi a tatkhiat nading ama nuntakna a pia dingin a hong pai ahi zaw hi,” a ci hi.

Mattiu 26:42

Tua ciangin a nih veina va paikikin thu ngen a, “Pa aw, keima thuak lohin ahi thei lo ding ahihleh nangma deihna bang hi tahen,” a ci hi.

Mattiu 6:9

Tua ahih manin thu na nget uh ciangin hih bangin na ngen un: ‘Vantung a om koteʼ Pa aw, na min siangtho kizahtak hen.

Late 40:8

Nangma deih bang hihna ah nuam ka sa hi, ka Pasian aw. Nangma thukham ka lung sungah om hi,” ka ci hi.

Mangmuhna 7:9

Tua khit ciangin ka khuadak leh mi namkim, pau namkim panin kuama sim zawh loh dingin a tam mahmah mihonpite, tokhom mai le Tuuno mai ah ding uh a, puan pak silhin a khut uh ah nisuh hiang a tawi uh ka mu hi.

ROM (Romans) 8:27

Kha Siangtho in Pasianʼ deihna tawh kizui-in Pasianʼ mite adingin hong thumsak ahih manin mihingteʼ lungsim tawng thu a thei Pasian in Kha Siangthoʼ ngaihsutna a thei hi.

Luka 22:19

Tua ciangin anlum la-in Pasian tungah lungdamna a koh khit ciangin amaute tungah pia a, “Hih pen note adingin a hong kipia keima pumpi ahi hi. Keimah nong phawk nadingun na ne un,” a ci hi.

Mattiu 13:22

Lingbulsum omna leilak ah a tu khaicite pen Pasianʼ thu za napi-in amau nuntakna sung uh ah leitung lunghihmawhna le hauh nopnate in Pasianʼ thu vuknelh ahih manin bangmah a suak khia zo lote a cihnopna ahi hi.

1 KORIN MASA 15:3

Kei tungah a hong kihilh a thupi pen note tungah ka hong gen sawn a, tua in: Lai Siangtho sungah a kigelh mah bangin eiteʼ mawhna tang dingin Khris hong si-in

Efesa 5:16

Tu hun pen hunhoih lo hun ahih manin na hun neih khempeuh uh a hoih lamin zang un.

1 THESALONIKA MASA 1:3

Bang hang hiam cih leh i Pa Pasian kiangah thu ka nget simun noteʼ upna hangin na nuntak ziate uh, itna na neih manun nakpi takin na nasepnate uh le i Topa Jesu Khris hong paikik ding lametna na neih manun kip takin na omnate uh ka phawk tawntung uh hi.