Galati 1:19 - Tedim Bible Revision 2017

¹⁹ Tua hun laitakin Topaʼ sanggam James sim loh sawltak kuamah dang ka mu kei hi.

Tedim Bible

¹⁹ Amah leh Topa’ nau Jeim longal adang sawltakte khat beek ka mu kei hi.

Galati 1:19 Referans Kwoze

Mattiu 13:55

Khutsiam paʼ tapa hi lel a, a nu zong Mary a kici nu hi lel hi lo ahi hiam? Ama naute zong James, Josef, Simon le Judas hi lo ahi uh hiam?

Marka 6:3

Amah khutsiam pa hi lel a, Mary’ tapa hi lo ahi hiam? James, Josef, Judas le Simon-teʼ u hi lo ahi hiam? A nau numeite zong hih lai mah a om hi lo ahi uh hiam?” a ci uh hi. Tua hi a, amah sang zo lo uh hi.

Mattiu 12:46

Tua bangin mite kiangah thu genin a om laitakin a pua lamah a nu le a naute in Jesu hopih nuamin a om uh hi.

1 KORIN MASA 9:5

Sawltak dangte, Topaʼ naute le Peter mah bangin ka khualzinna ah thu um mi ka zi a tonpih thei ding ka hi hi.

Mattiu 10:3

Filip le Bartholomew, Thomas le siahdongpa Matthai, Alfeasʼ tapa James, Thaddeas,

Juda 1:1

Jesu Khrisʼ sila ka hih banah Jamesʼ nau keimah Jude in: Pasianʼ sapna hangin Jesu Khris kepna sungah Pasian itna tawh a om mite tungah lai ka hong khak hi.

Jeim 1:1

Pasian le Topa Jesu Khris sila keimah James in Leitung mun khempeuh ah kithehthangin a om minam sawm le nihte tungah hopihna lai ka hong gelh hi.

Sawltak 12:17

Amaute a pau nawn loh nadingun Peter in a khut van a, thong sung panin Topa in amah a paikhiat pihna zia teng a gen hi. Tua ciangin, “James le pawlpi midangte kiangah hih thu na gen un,” ci-in a vaikhak khit ciangin mun dangah a paikhia hi.

Luka 6:15

Matthai, Thomas, Alfeasʼ tapa James, Simon (gam khual pa),

Marka 3:18

Andru, Filip, Bartholomew, Matthai, Thomas, Alfeasʼ tapa James, Thaddeas, Simon (gam khual pa),

Sawltak 1:13

Jerusalem a tun uh ciangin amauteng, Peter, Johan, James le Andru, Filip le Thomas, Bartholomew le Matthai, Alfeasʼ tapa James, Simon (gam khual pa) le Jamesʼ tapa Judas a tunna uh inn dei ah a kah to uh hi.

Luka 8:20

Tua ahih manin mi khat in Jesu kiangah, “Na nu le na naute in nang hong mu nuam uh a, inn pua ah om uh hi,” a ci hi.