Galati 1:12 - Tedim Bible Revision 2017

¹² Mi khatpeuh tung panin ka ngah hi lo a, mi khatpeuh in hong hilh zong hi lo hi. Jesu Khris in kei tungah a hong lahna hang bekin hih thu a thei ka hi hi.

Tedim Bible

¹² mite kiang pan ka ngah ahi kei hi, mite kiangah ka sin zong ahi kei hi. Zeisu Khazih’ thupiakna hang bekin ka ngahna thu note kiangah ka hong zasak hi.

Galati 1:12 Referans Kwoze

Galati 1:1

Mihingteʼ hong sehna le hong sawlna tawh sawltak na a sem hi loin, Jesu Khris le sihna panin tua Jesu a thosakkik Pasianʼ hong sawlna tawh sawltak na a sem keimah Paul in Galati gam a om pawlpi tuamtuamte tungah lai ka hong khak hi.

2 KORIN NIHNA 12:1

Bangmah phattuam napi a om khol lo ahi zongin ka kisialsial lai ding hi. Tu-in Topa in maang hong muhsakna le ka muhte kong gen ding hi.

1 KORIN MASA 2:10

Ahi zongin Pasian in a Kha Siangtho tawh eite tungah tua thusim a hong langsak hi. Tua Kha Siangtho in na khempeuh kan khia a, Pasianʼ ngimna a ki-imcip a thu tawng dong takin a kan khia hi.

1 KORIN MASA 11:23

Bang hang hiam cih leh note kiangah kong gen thu pen Topa kiang panin ka ngah thu hi a, tua thu in: Topa Jesu a kilehhek ding nitakin anlum la-in,

2 KORIN NIHNA 10:7

Note in na khatpeuh na ngaihsut uh ciangin a tungtham ah a kimu thei teng na siksan kha thei uh hi. Mi khatpeuh in Khris tawh ka kipawl hi, ci-in a kingaihsut leh, amah a kipawl ahih zah mah bangin kote zong Khris tawh a kipawl ka hihna thu uh limtakin ngaihsun tahen.

Galati 2:2

Pasianʼ hong sawlna tawh tua lai ah a pai ka hi hi. Ka nasepnate a mawkna a suahkhak ding ut lo ka hih manin makai lian a kineite tawh a tuamin kimuhna khat ka nei a, Gentail mite lakah ka hilh lungdamna thute amaute kiangah gentelna khat ka nei hi.

Efesa 3:3

Lai ka hong khak sate sungah a tomno-in kong gen sa bangin Pasian in ama thusim kei tungah hong hilh khinzo hi.

1 THESALONIKA MASA 4:15

Topaʼ thugen note kiangah kong gen uh thu in: Topa hong paikik ni ciangin a nungta lai eite pen a si sa mite tawh i kimuh ma-in Topa tawh i kimu kei ding hi.