Galati 1:10 - Tedim Bible Revision 2017

¹⁰ Hih bangin thu ka gen ciangin miteʼ hong pahtak theih nading a zong tawh kibang na hong sa uh hiam? Miteʼ pahtak ding a ut ka hi kei a, Pasianʼ hong pahtak ding a hanciam ka hi hi. Mihingteʼ hong pahtak theih nadingin a gamta hi zenzen leng, Khrisʼ nasem ka hi kei ding hi.

Tedim Bible

¹⁰ Tu-in keimah in mi’ deihna zui ka hi hiam? Ahih kei leh, Pasian’ deihna zui ka hi hiam? Mite’ pahtak ding hanciam ka hi hiam? Mite’ pahtak nading hanciam ka hih leh, Khazih’ sila ka hi kei hi.

Galati 1:10 Referans Kwoze

1 THESALONIKA MASA 2:4

Pasian in kote hong thei-in Lungdamna Thu a hilh dingin kilawm hong sa ahih mah bangin miteʼ lungdam theih nadingin thu a hilh hi loin koteʼ lungsim ngimna a hong thei Pasianʼ lungkim nadingin thu a hilh ka hizaw uh hi.

Sawltak 5:29

Ahi zongin Peter le sawltak dangte in, “Miteʼ thu sangin Pasianʼ thu ka mang zaw ding uh hi.

Efesa 6:6

A hong pahtak ding uh deihna tawh amauteʼ muh sung bekin tua ci gamtat kei unla, Khrisʼ sila na hihna hangun Pasianʼ hong deih bangin lungsim takpi tawh na sem un.

Jeim 4:4

A citak lo mite aw, leitung tawh kipawlna pen Pasian tawh kigal neihna ahih lamtak thei lo na hi uh hiam? Leitung tawh a kipawl mite pen Pasian tawh a kigal neih dingin a kibawlbawl ahi uh hi.

Mattiu 22:16

Amauʼ nungzuite le Herod mi pawl khat, Jesu kiangah a paisak uh hi. Amaute in, “Sia aw, thu ahi bang a gen tawntung na hihna thu ka thei uh hi. Mite kuamah zahtak tuam nei lo na hih manin midangteʼ pau ding bangmah phamawh sa loin Pasian in miteʼ gamtat ding a deihna bangin tangtakin thu na hilh tawntung hi.

Kolose 3:22

Silate aw, thu khempeuh ah na leitung topa uh thu na mang un. Amauʼ hong pahtak ding deihna tawh a hong muh sung bekin a hoih tatte hi kei unla, Topa na zahtakna uh hangin lungsim tak tawh gamta un.

ROM (Romans) 2:29

Jew mi taktak i cihte pen, a sung lamah Jew mi ahite ahi hi. A vun ki-atna uh lungsim vun atna hi a, kha thu tawh a kisai ahi hi. Thukham zui-in pumpi tung vun atna pawl hi lo hi. Hih bang mite pen mihingte in phat loin Pasian in phatin a pakta hi.

1 JOHAN MASA 3:9

Pasianʼ tate in mawhna bawlbawl lo uh hi. Pasianʼ tate hi a, Pasianʼ lungsim paii uh ahih manin mawhna zong bawl nuam lo uh hi.

2 KORIN NIHNA 12:19

Note mai ah ka mawhna uh a kiphelphel bang khatin na hong ngaihsut khak uh leh tua bang hi lo hi. Lawmte aw, ka hihna khempeuh uh noteʼ phattuam nading ka deihna uh tawh Khris in koteʼ gen ding a hong deih bangin Pasianʼ mai ah thu genin nasem ka hi uh hi.

ROM (Romans) 2:8

ahi zongin ama deihna bek zui-in, a gamtat dingin a kilawm bangin gamta loin, a man loin a gamta mite tungah Pasian in ama hehna hangin gimna tungsak ding hi.

ROM (Romans) 1:1

Pasian kiang panin a hong pai Lungdamna Thu a hilh dingin Pasianʼ teelna tawh sawltak ahi, Jesu Khrisʼ sila keimah Paul in lai ka hong khak hi.

1 KORIN MASA 10:33

Mite in hotkhiatna a ngah theih nadingin ka sepna khempeuh ah keima angsung ngaihsun loin mi khempeuh phattuam nading hanciamin, a kuamah peuh a lungkim nadingin ka gamtat mah bangin note zong na gamta un.

Mattiu 28:14

Gam ukpa Pilat in hih thu a zak ciangin ama lungkim zawh nading dongin ka na genpih ding uh a, note adingin bangmah lunghihmawhna om lo ding hi,” a ci uh hi.

1 SAMUEL MASA 21:7

Tua laitakin Topaʼ mai ah biakna vai-in a om, Saulʼ nasemte mi khat tua lai ah na om kha hi. Ama min Doeg hi a, Saulʼ gancing makai pa hi a, Edom mi ahi hi.

Sawltak 12:20

Taia khua mite le Sidon khua mite tungah Herod heh mahmah ahih manin Herod tawh a kimu dingin hih khua nih mite hong pai khawm uh hi. A masa-in kumpi inn sunga ulian nasem ahi Blastus a pawlmat phot uh hi. Hih khua nihteʼ an nek tui dawn pen hih kumpipaʼ gam panin a ngah uh ahih manin Blastus makai sakin Herod kiangah va pai-in kilem nading thu a va gen uh hi.

Mattiu 6:24

“Kuamah, to nihʼ sila hi khawm thei lo hi. Khat mudahin khat it dinga, khat tungah thumanin khat simmawh bawl ding hi. Note in Pasianʼ na le leitung sum na nasem khawm zo kei ding uh hi.

Filippi 1:1

Jesu Khrisʼ sila keimah Paul le Timoti in Filippi khua-a om Khris tawh a kipawl Pasianʼ mite, siate le upate khempeuh tungah lai ka hong khak uh hi.