Filippi 4:9 - Tedim Bible Revision 2017

⁹ Keima genna le ka gamtatna panin thei-in na san uh thute, nomau pumpi mahmah tawh na zui un. Tua hileh nopsakna a hong pia thei Pasian in note hong ompih ding hi.

Tedim Bible

⁹ Note in nidang lai-in keima kiangah sinin na zaksa, na muhsa, na ngahsa uh nate na zui un, Tua bangin na zuih uh leh, nopna’ Pasian in note tawh hong omkhawm ding hi.

Filippi 4:9 Referans Kwoze

Jeim 1:22

Nomau kikhem tawmin thu zak bek tawh maisak kei unla, na zak bangun zui-in sem zaw un.

Filippi 3:17

Sanggamte aw, keima gamtat bangin hong gamta niloh un. Noteʼ etteh dingin a hoihin kote hong gamta ka hih manun, koteʼ gamtat bangin a gamtate na etteh un.

2 PETER NIHNA 1:10

Tua ahih manin sanggamte aw, Pasian in note hong sapna le hong teelna ah a kip taktak na hih nadingun hahkat mahmah un. Tua bangin hahkat le-uhcin na puk ngei kei ding uh hi.

Johan 13:17

Hih thu thei-in na zuih uh leh na lung uh nuam mahmah ding hi.

Filippi 4:7

Mihingte in a theih tel zawh loh Pasianʼ hong piak lungsim nopna in, Khris Jesu tawh na kipawlna uh hangin note hong lungnuamsak ding hi.

ROM (Romans) 16:20

Tua hileh eite tungah nopsakna a hong pia thei Pasian in Satan tuancilin noteʼ khenuai mi hong hisak baih ding hi. I Topa Jesu Khris hong hehpihna thupha, note tungah om tahen.

2 KORIN NIHNA 13:11

Sanggamte aw, tu-in mangpha na man un. Na om zia uh na kipuahpha-in ka hong thugente na zui unla, khatlekhat kithutuak kilem takin na om un. Itna le kilemna a pia thei Pasian in note hong ompih tahen.

Luka 6:46

“Bang hangin, ‘Topa aw, Topa aw,’ hong ci napi-in ka hong gente zui lo na hi uh hiam?

Mattiu 28:20

Tua ciangin note tungah kong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Mattiu 7:21

“Kei kiangah, ‘Topa, Topa aw,’ hong ci mi khempeuh, vantung ki-ukna sungah lut thei kim lo ding uh a, vantungah a om ka Paʼ deihna bangin a gamta teng bek lut thei ding uh hi.

2 THESALONIKA NIHNA 3:4

Note kiangah kong gen uh thute a kipat cil a kipanin na zuih uh mah bangin zui paisuak taktak ding, ci-in note muanna lungsim kote sungah Topa in hong guan hi.

1 THESALONIKA MASA 1:6

Kote le Topaʼ gamtat bangin note na gamta uh a, note in gimna nakpi takin thuak lawh napi-in Kha Siangthoʼ huhna tawh lungdam takin thu umin na om uh hi.

1 THESALONIKA MASA 5:23

Nopsakna a hong pia Pasian in na khempeuh ah sianthona le kicinna hong pia henla, na kha uh, na nuntakna uh le na pumpi uh hoihtakin hong kem henla, i Topa Jesu Khris hong pai ciangin mawhna khat zong a nei het lo dingin hong bawl tahen.

ROM (Romans) 15:33

Nopsakna a hong pia Pasian in note khempeuh hong ompih tahen. Amen.

Johan 2:5

Ahi zongin Jesuʼ nu in nasemte kiangah, “Ama hong gen bangbangin gamta un,” a ci hi.

Luka 8:21

Tua ciangin Jesu in a dawnna-in mihon khempeuh tungah, “Pasianʼ thu za a, a zuite khempeuh pen ka nu le ka sanggamte ahi hi,” a ci hi.

1 THESALONIKA MASA 2:14

Tua ahih manin sanggamte aw, Judea gam sunga om, Khris Jesu thu a um, Pasianʼ mi ahi mite in a thuak bangin note in zong a thuak na hi uh hi. Amaute in Jew miteʼ bawlsiatna a thuak uh mah bangin note in zong noteʼ gam mite mahʼ bawlsiatna na thuak uh hi.

1 KORIN MASA 10:31

Tua ahih manin keimah in ka hong gen nop thu in: Na hihna khempeuh uh, nekna dawnna ah ahi zongin Pasianʼ minthan nadingin na hih un.

Thu-hilhkikna 5:1

Moses in Israel-te khempeuh samin amaute kiangah, “Israel-te aw, tu ni-a noteʼ zakin kong gen thukhamte le ngeina kipte ngai unla, note in thei-in limtakin zuih ding na ngaihsun ding uh hi.

Sawltak 9:6

Ahi zongin tho-in khuapi sungah lut in; tua lai panin na gamtatna ding teng hong kigen ding hi,” a ci hi.

Isaiah 41:10

nang hong ompih ka hih manin lau kei in. Na Pasian ka hih manin lungkia kei in. Nang hong tha khauhsakin kong huh dinga, nang hong huhin ka hong hon khia ding hi.

2 TIMOTI NIHNA 4:22

Topa in nangmah hong ompih tahen. Note khempeuh tungah Pasianʼ hehpihna thupha hong tung tahen.

Johan 15:14

Ka hong thupiak bangin na gamtat uh leh ka lawmte na hi uh hi.

1 JOHAN MASA 3:22

Ama thupiaknate zui-in ama lungkim nadingin gamta ihih manin ama kiang panin i nget peuhpeuh i ngah hi.

Mattiu 1:23

“Nungak khat gai-in tapa khat nei dinga, ama min dingin Emmanuel kiphuak ding hi,” ci hi. Emmanuel a khiatna in, eite tawh Pasian hong om khawm hi, a cihna ahi hi.

Isaiah 8:10

Note kikhawmin thu na vaihawm uh hangin a mawkna suak dinga, thu khat peuhpeuh na gen uh hangin kip lo ding hi. Bang hang hiam cih leh kote tawh Pasian hong om khawm hi.

1 KORIN MASA 4:16

Tua ahih manin keima gamtatzia na hong zuih nadingun kong thum hi.