Filippi 4:7 - Tedim Bible Revision 2017

⁷ Mihingte in a theih tel zawh loh Pasianʼ hong piak lungsim nopna in, Khris Jesu tawh na kipawlna uh hangin note hong lungnuamsak ding hi.

Tedim Bible

⁷ Tua bang na hih uh leh, kuamah in a tel zawh loh Pasian’ nopna in Khazih Zeisu sungah note lungsim uh leh na ngaihsutnate uh hong keem ding hi.

Filippi 4:7 Referans Kwoze

Johan 14:27

Note tungah keima neih bang lungnopna kong pia ding hi. Tua ka hong piak ding lungnopna pen leitung mite in a piak theih a kip lo lungnopnate pawl hi lo hi. Tua ahih manin lau kei unla, zong lungkham kei un.

Isaiah 26:3

Topa aw, nang hong muang a, nangma tungah a lungsim khempeuh a koih mipa lungnopna kicing pia ta in.

2 THESALONIKA NIHNA 3:16

Eite tungah nopsakna a hong pia thei Topa in note tungah a tawntungin nopsakna hong pia henla, amah in note khempeuh hong ompih tahen.

Kolose 3:15

Note pum khat suakin a lungdam khawm dingin Pasian in a hong sap ahih mah bangin Khris hong piak nopsakna in noteʼ lungsim hong uk ta henla, lungdamin om ta un.

Late 29:11

Topa in ama mite tungah thahatna pia tahen. Topa in ama mite tungah nopsakna thupha pia tahen.

Galati 5:22

Ahi zongin Kha Siangthoʼ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

ROM (Romans) 15:13

Kha Siangthoʼ huhna tawh noteʼ lametna a khan semsem theih nadingin, lametna a hong pia thei Pasian in, amah na upna uh hangin lungdamna le nopsakna tawh note hong kidimsak tahen.

Johan 16:33

Keimah tawh na hong kipawlna uh hangin lungnopna na neih theih nadingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zo khinta ka hih manin lungnuamin om un,” a ci hi.

ROM (Romans) 8:6

I ngaihsutna, i pumpi deihna uksak lehang sihna tawh kizom hi; i ngaihsutna, Kha Siangtho uksak lehang nuntakna le nopsakna tawh a kizom hi.

ROM (Romans) 5:1

Tu-in upna hangin Pasian tawh kipawl khinta ihih manin i Topa Jesu Khris hangin Pasian tawh a kilemkik ta ihi hi.

Efesa 3:19

Khris hong itna a kicing takin theih khit zawh loh ding ahi ta zongin note in thei-in, Pasian thu a cingin na theih nadingun thu ka hong ngetsak hi.

Isaiah 48:18

Ka thupiakna a ngai hi hoh leteh! Nangma nopsakna gunpi bang dinga, na thumanna, tuihualte tawh kibang ding hi.

JOB (Job) 22:21

“Job aw, tu-in Pasian tawh kilem inla, amah galbawl nawn kei in. Tua hileh amah in nang thupha hong pia ding hi.

ROM (Romans) 14:17

Bang hang hiam cih leh Pasianʼ Ukna pen nekledawn tawh a kisai thu hi lo a, Kha Siangtho hangin i ngah Pasianʼ deih bangin gamtatna, kilemna, lungdamna, cihte hizaw hi.

Isaiah 48:22

Tua ahih ciangin migilote adingin nopna om lo hi, Topa in ci hi.

Mangmuhna 1:4

Johan in Asia gam sungah a om pawlpi sagihte tungah a khak lai ahi hi. A beisa hun, tuhun le mailam hunah a om tawntung Pasian kiang pan le ama tokhom mai-ah a om Kha Siangtho sagihte tung pan le,

Luka 1:79

sih ding lauhuaina sungah a om mi khempeuh tungah vantung khuavak hong taangsak dinga, nopsakna lampi ah hong kha ding hi,” a ci hi.

2 KORIN NIHNA 13:11

Sanggamte aw, tu-in mangpha na man un. Na om zia uh na kipuahpha-in ka hong thugente na zui unla, khatlekhat kithutuak kilem takin na om un. Itna le kilemna a pia thei Pasian in note hong ompih tahen.

Gamlak-vakna 6:26

Topa in note tungah a maipha hong pia henla, note tungah nopsakna hong pia tahen,’ ci-in thupha pia uh hen.

Luka 2:14

“Van a sang belna ah a om Pasianʼ min thang henla, ama pahtak leitung mite tungah nopna om tahen,” a ci uh hi.

Late 85:8

Topa Pasianʼ thugen ding hong zasak dih un. Bang hang hiam cih leh ama lamah lungsim takpi tawh a kihei ama mi siangtho, ama miteʼ tungah kilemna thu a gen ding hi.

Filippi 4:9

Keima genna le ka gamtatna panin thei-in na san uh thute, nomau pumpi mahmah tawh na zui un. Tua hileh nopsakna a hong pia thei Pasian in note hong ompih ding hi.

Paunak 6:22

Tua thute in na paina peuh ah lam hong lak dinga, zanin na ihmut kalin nang hong cing dinga, sunin na hah sungin na gamtat nading hong hilh ding hi.

Isaiah 26:12

Topa aw, kote tungah maavanna hong pia in. Koteʼ matut zawhna khempeuh nangmah in na hong sepsakna hang ahi hi.

Paunak 4:6

Pilna nusia kei in; tua hileh siatna panin nang hong hu ding hi. Pilna deih in; tua hileh lungmuang takin na om nadingin hong kem ding hi.

ROM (Romans) 1:7

Tua ahih manin Pasian in hong it a, ama mi dingin a hong sap, no Rom khua-a a om Khristiante khempeuh tungah lai ka hong khak hi. I Pa Pasian le Topa Jesu Khris in note tungah dikna le nopsakna thupha hong tungsak tahen.

Paunak 2:11

Na thungaihsut theihna le na thutelna in nangmah hong hu-in,

Nehemiah 8:10

Tua ciangin amah in amaute kiangah, “Tu-in ciah un. Anlim tuilim ne-in thadim unla, a nei zo lote zong va kholh un; bang hang hiam cih leh i Topa adingin tu ni pen biakna ni siangtho ni ahi hi; dah kei un, bang hang hiam cih leh Topaʼ hong piak lungdamna in note hong thahatsak ding hi,” a ci hi.

Jeremiah 33:6

Ahih hangin tu-in, keimah in hih khuapi ka damsak dinga, cidamin ka omsak ding hi. A mite cidamsakin hauhna le lungmuanna a kicing ka lak ding hi.

Isaiah 45:7

Keimah in khuavak le khuamial piangsakin, a pha nate le a sia nate ka piangsak a, hih nate khempeuh a bawlpa, keimah Topa ka hi hi,” a ci hi.

Hebru 13:20

Ama sihna hangin Tuucing Lianpa suakin, a sisan tawh tawntung thuciamna a kipsak i Topa Jesu pen sihna panin a thokiksak, eite tungah nopsakna a hong pia Pasian in,

JOB (Job) 34:29

“Pasian in bangmah hih het kei taleh zong, kuamah in Pasian mawhsak thei lo ding hi. Amah in hong maingat het kei taleh zong, kuamah in bangmah cih thei tuan lo ding hi.

Mangmuhna 2:17

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mi tungah a kiselcip manna an pawl khat le min thak a kigelhna suangkang khat ka pia ding hi. Tua suangkang pen a ngahte sim loh kuamah dang in thei lo ding hi.

Juda 1:1

Jesu Khrisʼ sila ka hih banah Jamesʼ nau keimah Jude in: Pasianʼ sapna hangin Jesu Khris kepna sungah Pasian itna tawh a om mite tungah lai ka hong khak hi.

Filippi 1:2

I Pa Pasian le Topa Jesu Khris in note tungah dikna le nopsakna thupha hong pia tahen.

Jeremiah 32:16

“Neriahʼ tapa Baruk kiangah kileina lai ka piak khit ciangin Topaʼ kiangah thu ka ngen a,

2 KORIN NIHNA 10:5

Miteʼ ngaihsutna a man lote ka thal nial gawp zo uh a, Pasianʼ thu theih nading a khaktan thei nate ka susia gawp uh a, mi khempeuhʼ ngaihsutna zo gawpin Khrisʼ thu a mang dingin ka bawl uh hi.

Filippi 1:1

Jesu Khrisʼ sila keimah Paul le Timoti in Filippi khua-a om Khris tawh a kipawl Pasianʼ mite, siate le upate khempeuh tungah lai ka hong khak uh hi.

Filippi 4:19

A na ka sep i Topa Pasian in ama hauhna tawh kizui-in Khris Jesu hangin noteʼ kitangsapna khempeuh hong pia ding hi.

Filippi 4:21

Khris Jesu sungah a om mi siangthote khempeuh na na hopihsak un. Kei tawh a om khawm kamsangte khempeuh in zong note hong hopih uh hi.