Filippi 4:19 - Tedim Bible Revision 2017

¹⁹ A na ka sep i Topa Pasian in ama hauhna tawh kizui-in Khris Jesu hangin noteʼ kitangsapna khempeuh hong pia ding hi.

Tedim Bible

¹⁹ Ka Pasian in ama vangliatna tawh kipawl hauhna a om mah bangin, note kisapna khempeuh Khazih Zeisu sungah hong kicingsak ding hi.

Filippi 4:19 Referans Kwoze

Late 84:11

Bang hang hiam cih leh Topa Pasian pen eite a hong hupa a minthang i kumpi hi a, maipha le pahtawina a hong pia pa ahi hi. Thumanin a gamta mite tungah Topa in na hoih bangmah siit lo hi.

1 PETER MASA 5:10

Tawl khat na thuak khit uh ciangin, Khris tawh na kipawlna hangun tawntung minthanna a ngah dingin note a hong sam, hehpihna kicingin a nei Pasian in note a cingtaakin hong bawl dinga, kipna, thahatna, bulkip kician hong pia ding hi.

1 TIMOTI MASA 6:17

Tu hun a a hau mite kisathei kha loin, a kip lo hauhnate muan le suanin nei kha loin, eite in nuam takin i zat theih dingin citna tawh a hong pia Pasian a muan a suan nadingun na hilh in.

Micah 7:7

Ahi zongin keʼn ka hih leh Topa mah ka en dinga, kei hong suaktasak Pasian ka ngak ding hi. Ka Pasian in ka thu hong ngai ding hi.

Malakhi 3:10

Ka biakinn ah an a om theih nadingin sawm-ah-khat a kimin hong paipih un. Kei hong ze-et un; vantung kongkhakte hongin, note adingin na hoih tampi kong piakna na mu ding uh hi.

Nehemiah 9:15

A gilkialna uh a vahsak dingin vantung panin an na pia a, a dangtakna uh a phasak dingin suangpi panin tui na phulsak a, amaute tungah piak dingin na kiciam sa gamah lutin a luah nadingun amaute na sawl hi.

2 SAMUEL NIHNA 22:7

Ka lungkhamna ah Topa ka sam a, ka Pasian ka sam hi. A biakinn panin amah in ka aw hong za a, ka kikona awging ama bil a tung hi.

Late 36:8

Na inn sunga na tampite tawh amaute nuamsa uh a, na hoihna gun panin amaute na dawnsak hi.

Kolose 1:27

Pasian in mi khempeuh adingin a koihcing hih a thupi a deihhuai a thusim pen ama mite tungah pholak ding a sawm ahi hi. Tua thusim in: Khris tawh a kipawlte in Pasian tawh minthanna ngahkhawm ding hi, cihna ahi hi.

Efesa 3:16

noteʼ lungsim a thahat nadingin Pasian in a kicing ama vangliatna sung panin a Kha Siangtho tawh note hong tha khauhsakin,

Kolose 3:16

Khris thu a cing takin note lungsimah hong om henla, pilna tawh khatlekhat thu kihilhin na kitai un. Pasian tungah lungdam kohna-in Thuciam Lui sunga late, la thakte le biakna late na sa un.

ROM (Romans) 8:18

Tu hun a i thuaknate pen Pasian in a hong piak ding minthanna tawh ka ngaihsut khawm ciangin gentham ka sa het kei hi.

Efesa 1:7

Khris hong sihna hangin eite in suahtakna ngahin, i mawhnate hong kimaisak ahi hi. Tua zah dongin Pasianʼ hong hehpihna thu bangzah takin lian ahi hiam?

2 KORIN NIHNA 4:17

Tu hun laitakin tomno sung lungkhamna ka thuakte uh in ka thuakna uh sangin nakpi takin a lian zaw tawntung minthanna sung hong tunpih ding hi.

ROM (Romans) 9:23

ama minthanna a lah theih nadingin ama minthanna a ngah dingin a hong seh sa eite tungah zong ama hehpihna a hong piak theih nading thu a nei hi.

Efesa 3:8

Pasianʼ mi khempeuh lakah kei a neu pen hi napi-in, Khris hangin a kigen zo lo thu manpha ahi Lungdamna Thu, Gentail mite lakah a gen ding,

Late 130:7

Israel aw, Topa muang in. Bang hang hiam cih leh Topaʼ itna kip tawntungin, hong hon khia nuam tawntung hi.

Late 104:24

Topa aw, na sep sa nate tam mahmah hi. Nangmah in ciimna tawh tuate khempeuh na bawl a, na piansak ganhingte tawh leitung a kidim hi.

Efesa 1:18

Note bang dingin hong sam a, a mite tungah a hong ciam thupha lamdangte bangzah takin lian a, thu um ahi eite sungah na a hong sem vangliatna bangzah takin lian ahi hiam, cih na muh theih nadingun noteʼ lungsim mit hong vaksak nadingin thu ka na ngen hi. Eite sungah na a hong sem vangliatna pen sihna panin Khris hingsakin, vantung gamah zong, ama tak lamah a tutsak nadingin a zat vangliatna mah ahi hi.

Efesa 2:7

Khris Jesu tungtawnin a hong lah ama hehpihna le a hong itna bangzah takin lianin lamdang ahi hiam, ci-in a hong tung ding hunah a hong lah tawntung theih nadingin hih bangin a hong thokhawmsak ahi hi.

ROM (Romans) 2:4

Pasian migi-in thu a diah hithiatna pen na kisikkik theih nading uh a deihna ahih lamtak phawk kha loin, a migitna, a lungduaina, a hong thuaknate neu ngaihsut kha na hi uh hiam?

2 KHANG TANGTHU NIHNATE 18:13

Ahih hangin Mikaiah in, “Topa a nungta ahih mah bangin, ka Pasianʼ gen thu bek ka gen ding hi,” a ci hi.

Piancilna 48:15

Amah in Josef thupha pia-in, “Ka pate Abraham le Isaac in a na a sep Pasian, tu ni dongin ka nuntak tawntung ah lam hong pi Pasian,

Daniel 6:22

Pasian in a vantungmi hong sawl a, ka liam loh nadingin humpi-nelkaiteʼ kam a humcipsak hi. Kumpipa aw, mawhna ka bawl loh lam leh, nang tungah zong khialhna ka bawl lohna amah in hong thei ahih manin tua bangin a hong bawl hi,” a ci hi.

ROM (Romans) 11:33

Tua ahih manin Pasianʼ hong hehpihna nak liat mahmah a, a pilna le a thu theihnate nak thuk mahmah hi. Ama thukhennate kuaʼ gen theih ding hi lo a, a nasepna ziate kuaʼ tel zawh ding hi lo hi.

1 PETER MASA 5:1

Keima pumpi mahmah zong pawlpi upa hi-in, Khris thuakna zong ka mit tawh mu-in, mailam hunah a hong kilang ding minthanna zong a ngah ding pa ka hihna tawh note lakah a om pawlpi upate kiangah ka hong thum nop thu in:

1 THESALONIKA MASA 2:12

Note hong hehnemin ka hong hanthawn uh a, amah tawh ukna le minthanna a ngahkhawm dingin a hong sam Pasianʼ lungkimna bangin na gamtat theih nadingun ka hong gengen uh hi.

ROM (Romans) 1:8

Jesu na upna thu uh leitung mi khempeuh in gen belin nei uh ahih manin tua Jesu hangin Pasian tungah ka lungdamna thu koh belin ka nei hi.

Johan 20:27

Thomas kiangah, “Na khutme tawh hong lawng inla ka khutte en in. Na khut zan inla ka pangpi zong lawng in. Um lah nawn kei inla, um taktak in,” a ci hi.

Johan 20:17

Tua ciangin Jesu in, “Kei hong lenlen nawn kei in. Ka Pa kiangah a pai to nai lo ka hi hi. Ka sanggamte kiangah va pai inla, ‘Keima Pa le noteʼ Pa, keima Pasian le noteʼ Pasianʼ kiangah ka pai ding hi,’ ci hi, ci-in va gensak zaw in,” a ci hi.

Filemon 1:4

Pasianʼ mite khempeuh na itna thu le Topa Jesu na upna thu na za khin ka hih manin Pasian kiangah thu ka nget simin nangmah hong phawkin Pasian tungah lungdamna thu ka ko tawntung hi.

2 KORIN NIHNA 12:21

Note kiangah ka hong tun ciangin a beisa hunah note tampi tak thaangtatin, numei tawh mawhna, hukna, lannate hangin na khialhnate uh na kisik loh manun keimah dahin kapin, noteʼ muhna ah ka Pasian in kei hong maizumsak khak ding ka lunghimawh mahmah hi.

Nehemiah 5:19

Pasian aw, hih mite adingin ka bawlna khempeuh kei adingin a hoih lamin hong phawk in.

Mattiu 6:32

(Gentail mite in lunghihmawh penin a neihte uh hih bangte ahi hi.) Hih nate khempeuh na kisap lamtak uh vantungah a om na Pa un a thei hi.

Filippi 4:7

Mihingte in a theih tel zawh loh Pasianʼ hong piak lungsim nopna in, Khris Jesu tawh na kipawlna uh hangin note hong lungnuamsak ding hi.

2 KHANG TANGTHU NIHNATE 31:8

Hezekiah le uliante hong pai-in a lomte a muh uh ciangin amaute in Topa le ama mi Israel-te thupha a pia uh hi.