Filippi 4:18 - Tedim Bible Revision 2017

¹⁸ Noteʼ hong piak nate kicing piikpeek hi. Epafroditas in noteʼ hong na khakte hong tunpih ahih manin ka kitangsapna khempeuh kicing kim hi. Hih nate pen Pasian biakna-in na piak uh, lungdam takin a hong san, a namtui nate ahi hi.

Tedim Bible

¹⁸ Keimah in na khempeuh ka nei ta a, ka hau hi! Pasian tungah a lungdamhuai, a san’ huai gim namtui biak piakna ahi note’ hong khak huhnate Epafroditas’ khut sung pan ka ngah maninah ka hau hi.

Filippi 4:18 Referans Kwoze

Hebru 13:16

Khatlekhat tungah thuhoih kibawlin na kihuh ding uh mangngilh kei un. Hih bang gamtatnate pen Pasian a lungkimsak thei biakna ahi hi.

Filippi 4:12

Cihmawhna le cihtheihna a sin sa ka hi hi. Tua ahih manin ka hau a ka zawng zongin, ka vah a ka kial zongin, koi mun koi mun hitaleh ah a lungkim thei dingin a kisin sa ka hi hi.

2 KORIN NIHNA 9:12

Bang hang hiam cih leh noteʼ huhna sumte in Pasianʼ mi a cimawhteʼ dong a hu bek hi loin, Pasianʼ tungah lungdamkoh nading zong a piangsak ahi hi.

Efesa 5:2

Khris in eite a hong it manin Pasian in eiteʼ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

1 PETER MASA 2:5

Note zong nuntakna a pia thei suangpi mah bangin kha thu tawh kisai biakinn lam nadingin na kizang unla, Jesu Khris hangin Pasianʼ san theih biaknate a pia dingin a siangtho siampi na suak un.

2 THESALONIKA NIHNA 1:3

Sanggamte aw, noteʼ upna nakpi takin khang a, note khatlekhat na ki-itna uh lian semsem ahih manin Pasian tungah lungdamna koh ding a kilawm ahih mah bangin, note hangin ama tungah lungdamna ka ko tawntung uh hi.

ROM (Romans) 12:1

Tua ahih ciangin sanggamte aw, Pasian in eite tam veipi tak hong hehpih ahih manin ama lungkim nading le ama nasep nadingin nomau mahmah a hingtangin Pasian tungah na kipiak nadingun kong thum hi. Tua banga kipiakna pen Pasian biakna man taktak ahi hi.

Paikhiatna 29:18

biakna tau tungah tuutal a bupin na hal ding hi. Tua pen Topaʼ tungah meihal biakna hi a, a gim namtui, Topaʼ tungah mei tawh kihal biakna ahi hi.

Gamlak-vakna 15:3

bawng hon pan hitaleh tuu hon pan hitaleh thuciamna tunsak nadingin Topaʼ tungah meihal biakna ahi a, biakpiakna ahi zongin na piak ciang uh hitaleh, Topaʼ tungah a gim namtui bawl nadingin utthu-a biakna hitaleh, a kiseh pawi hunte ah biakpiakna hitaleh na piak uh ciangin,

Sawltak 10:4

Amah in zong laukawmin vantungmi en a, “Topa aw, bang thu ahi hiam?” a cih ciangin, “Pasian in na thungetna hong za a, mizawngte na huhna zong hong thei-in nang hong phawk hi.

2 KORIN NIHNA 11:8

Note kiangah na ka sep laitakin pawlpi dangte in kei hong vak uh ahih manin, note huh nadingin midangteʼ na a kisut ahi hi.

Gamlak-vakna 7:62

shekel sawm a gik kham pakan khat, paknamtui a dim tawh;