Filippi 4:17 - Tedim Bible Revision 2017

¹⁷ Note tung panin na tampi ka ngah nop man hi lo a, noteʼ hamphatna a kibehlap nading ka deihna hizaw hi.

Tedim Bible

¹⁷ Tua bang ka cih ciangin huhna sumpi a zong ka hi hi, a ci ka hi kei hi. Note ading a gah a khan’na bek ka zong hi.

Filippi 4:17 Referans Kwoze

Titu 3:14

I mite om mawk loin, thu kisam a phamawhte huh thei-in, na hoih na phate a sep theih nadingun na hilh in.

Hebru 6:10

Pasian, a man loin gamta ngei lo ahih manin na Khristian pihte uh a beisa hunah na huhna uh le tu dongin na huh laina uh tawh ama adingin na nasepna uh le amah na itna uh na lahnate uh hong mangngilh het lo ding hi.

Johan 15:8

Gah tampi gah le-uhcin ka Paʼ minthanna a kilangsak na hi ding uh a, keima nungzui na hihna uh kilang ding hi.

1 PETER MASA 5:2

Pasian in noteʼ khut sungah a hong piak tuuhonte hoihtakin na cing unla, ut lo pipi hi loin, Pasianʼ hong deih bangin utna lungsim takpi tawh na cing un. Sum ngah nopna bek tawh a sem hi loin utna lungsim tawh a semte na hi un.

Titu 1:7

Pawlpi siate pen Pasianʼ nasem ahih manin paubaanna a om lo, a kiphasak lo, zukham thei mi ahi lo, a ngongtat lo, a huaiham lo,

Filippi 4:11

Bangbangin om taleng a lungkim thei dingin a kisin sa ka hih manin hih bang kong gen ciangin ka kitangsapna a hong pulak nuam ka hi kei hi.

1 THESALONIKA MASA 2:5

Tua ahih manin note in na theih uh mah bangin miteʼ lungdam theih nading phatna kamte ka zang kei uh a, koteʼ phattuam nading ngaihsutna tawh zong bangmah ka sem het kei uh hi. Hih bang ka hihna uh Pasian in hong thei hi.

2 KORIN NIHNA 9:5

Tua ahih manin piak dingin na kamciam sa uh huhna sumte a baih sa-in a om theih nadingin hih ka sanggamte a hong mapai ding kisam ka sa hi. Tua hileh kei ka hong tun ciangin a baih sa-in na om dinga, note in piak loh phamawh cihna lungsim tawh hi loin utna lungsim tawh a pia na hihna uh hong kilang ding hi.

ROM (Romans) 15:28

Amaute adingin a kikaikhawm hih sumte a cingin amaute tungah apin, hih nasep ka man khit ciangin Spain gam manawh dingin ka hong paikhia dinga, note kiangah kong baang ding hi.

Johan 15:16

Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

2 KORIN NIHNA 11:16

Kuamah in mihai-in hong ngaihsun kei hen, ka ci kikkik nuam hi. Ahi zongin a hai-in hong ngaihsun na om uh leh zong tawm khat ka hong kisialh theih nadingin ka hai sapi mahin hong sang veve un.

Malakhi 1:10

Vanglian Topa in, “Ka biakna tau tungah, bangmah-a kimang lo mei na tawh mawkmawk theih loh nadingun, note khatpeuh in biakinn kongkhakte khak le-uhcin ka ut hi. Note tungah ka lungkim kei a, nong piak uh biakpiaknate kong sang kei ding hi.

Paunak 19:17

Mizawngte tungah a piate in Topaʼ tungah a pia hi a, Topa in a cingin amaute tungah lohkik ding hi.

Juda 1:11

Hih mite adingin dahhuai mahmah hi. Bang hang hiam cih leh Kainʼ gamtat bangin gamta-in, sum ngaihsutna-in Balaamʼ khialh bangin khial uh a, Korahʼ lehdo bangin lehdo-in siatna thuak uh hi.

2 PETER NIHNA 2:3

Hih sia man lote in a huaiham manun note kiang panin sum a ngah theih nadingun phuahtawm thu hong gen ding uh hi. Ahi zongin sawt pek a kipanin amauteʼ thu a Khen ding pa a kiging sa-in om niloh a, amaute a Susia ding pa in en gige hi.

1 TIMOTI MASA 3:3

zu a kham lo mi, a ngongtat lo mi, lungsim nem mi, kitot a uk lo mi, sum a deih lua lo mite hi ding uh hi.

Filippi 1:11

Jesu Khris in note mihoih a hong suahsak theihna le mite in Pasian pahtawi-in a phat theihna thu, noteʼ gamtat hoih in midangte tungah kilangsak ding hi.

Micah 7:1

Kei a kamsia hiʼng! Singgah le leenggah a heu hun laitakin a gilkial mipa tawh ka kibang hi. Leenggah nek ding om nawn lo a, ka lung gulhgulh theigah bei ta hi.

2 PETER NIHNA 2:15

Thuman lampi nusia-in gammang uh a, a man loin gamtatna tawh sum a ngah nuam Beorʼ tapa Balaamʼ gamtat bangin gamta uh hi.

1 TIMOTI MASA 6:10

Sum deih luatna in siatna namkim piangsak hi. Mi pawl khat in sum deih lua liang uh ahih manin a upna panun pial khia-in gimna lungkhamna tampi a thuak lawh uh hi.