Filippi 4:12 - Tedim Bible Revision 2017

¹² Cihmawhna le cihtheihna a sin sa ka hi hi. Tua ahih manin ka hau a ka zawng zongin, ka vah a ka kial zongin, koi mun koi mun hitaleh ah a lungkim thei dingin a kisin sa ka hi hi.

Tedim Bible

¹² Simmawhna ahi zongin, hauhna ahi zongin ka thuak thei hi. Ankhamna, gilkialna, sum hauhna, zawn’nate thuak dinginah na khempeuh panin ka kisin zo hi.

Filippi 4:12 Referans Kwoze

Mattiu 11:29

Keima hakkol zamin kisuan unla, kei kiangah hong kisin dih un. Kei pen kiniamkhiatin nem hithiat ka hih manin ka kiangah na tawl uh a dam ding hi.

2 KORIN NIHNA 11:27

Nasem silbawlin ki-om tawntung a, ihmu man lo liangin zong ka om zel hi. Gilkial dangtakin ka om zel a, annek ding nei lo, giah nading om lo, puansilh ding nei loin ka om hun tampi a om hi.

2 KORIN NIHNA 11:9

Note lakah na ka sep laitakin Masedonia gam panin a hong pai pawlpi mite in ka sapna khempeuh hong puak uh ahih manin note khat beek ka hong gimsak kei hi. A beisa hunah note ka hong gimsak khak loh mah bangin mailam hunah zong ka hong gimsak kha het kei ding hi.

Thu-hilhkikna 32:10

“Amah in sehnel gam, huihpi nunna gam sungah amaute mu hi. Amah in amaute kawi-in kem a, ama mitnauta bangin amaute kem hi.

Isaiah 8:11

Bang hang hiam cih leh Topa in ama vangliatna tawh kei tungah thu hong gen a, hih miteʼ lampi ka zuih loh nadingin hong hilh khol a,

2 KORIN NIHNA 11:7

Note kiangah Pasian hangin Lungdamna Thu kong hilh ciangin note tung panin thaman bangmah ka hong ngen het kei a, note a thupi na suah ding uh ka deihna-in kei ka kiniamkhiat hi. Hih thu tawh kisai-in a sia lamin kei hong leh ngaihsut zawsop na hi uh hiam?

2 KORIN NIHNA 10:10

Mi pawl khat in, “Paulʼ laigelhte khauhin nasia mahmah a, ahi zongin eite kiangah amah a om ciangin bangmah thupi khol lo hi,” hong ci uh hi.

2 KORIN NIHNA 10:1

Keimah Paul in Khris migitna le lungduaina tawh note kiangah kong thum hi. Kei pen note tawh ka hong om khawm laitakin a meidawi, note tawh ka om khawm loh ciangin a tapkual han in hong kigen hi.

Jeremiah 31:19

Nangma kiang panin ka paikhiat khit phetin ka kisikkik a, nong thuhilh khit ciangin dahin ka kun hi. Ka neu laitak a ka min siatna teng pua niloh ka hih manin maizumin ka lung-am hi,’ a ci hi.

Nehemiah 9:20

Amaute hoihtakin thu na hilh a, na manna an zong amaute kiang panin na lakik kei a, a dangtakna uh a phasak dingin tui na pia hi.

Mattiu 13:52

Tua ciangin Jesu in amaute kiangah, “Vantung ki-ukna sungah a hong lut Thukham hilh siate khempeuh pen, a sumkholna panin a thak le a lui, a ututin a la khia thei ziauziau sum nei pa tawh kibang uh hi,” a ci hi.